3 Juan 1:1 - Zoque Copainalá New Testament

¹ Ʌjte' te' anciano-cowi'na. Nʌ'ʌsmij njayjayu mij atzi Gayo. Wiyuŋšej sunba'ʌsmij, atzi, porque nʌtu'ŋajpamis wiyuŋbʌ aŋma'yoquiuy.

3 Juan 1:1 ပူးပေါင်းရင်းမြစ်များ

Hechos 11:30

Te'šej jeque chʌquiaju, y quiʌ'wejyaju te' Bernabé y te' Saulocʌsi wa'y chi'yaju te' ancianota'm.

Hechos 19:29

Y chʌcjopi'tu te' cumgupyʌnda'm. Y tumʌ'ajcu'yoyj pomyaŋyaju teatro'ojmo, y jyoponʌmaŋyaju Gayo y Aristarco Macedonia'ojmocpʌ pʌnda'm, Pablo's tyʌwʌta'm.

Hechos 20:4

Y maŋu myaŋdzaquiaju hasta Asia'ojmošej te' Berea'ojmopʌ Sopate'ris, y Tesalonica'ojmota'mbʌ Aristarco's y te' Segundo's, y te' Derbe'ojmopʌ Gayo's, y te' Timoteo's, y te' Asia'ojmota'mbʌ Tiquico's y Trofimo's.

Romanos 16:23

Ñdyujchi'taŋgue'tpamij Gayo's, cojejumʌ'yʌj yʌtij y chi'oquia'papʌ's tyʌc te' tu'mʌquiuquiotoya. Ñdyujchi'taŋgue'tpamij Erasto's, tumingoque'nopyapʌ yʌ' cumgu'yoyj, y te' atzi Cuarto's.

1 Corintios 1:14

Yʌscotoya chʌcpa Diojsis ya'iwʌ'ʌs janyajnʌ'yʌ mi'ojmota'mbʌ sino que te' Crispo y te' Gayo,

1 Pedro 5:1

Yʌtij ijtu tiyʌ wa'yʌs ndzamjayu jujche'ŋ ancianota'm wʌ'aŋja'moyajpo'mo, porque ʌj, ancianoti'ʌjyʌ'que' ñe'cʌji'ŋda'm y ŋguenu'ʌs ne' nwitʌmbit jutz ca'u Cristo cruzcʌsi y maŋba ijtu ʌs mbarte ñe' myʌja'ŋajcu'yojmo mingue'tpa'ca ñe'cʌ.

1 Juan 3:18

Tʌwʌy, uy na' aŋnaca su'noquiuytyijtʌ nʌ'ittame, sino que yajquejta'mitʌy ndzʌquipit que wiyuŋšejtʌte' našunʌtʌjpa.

3 Juan 1:2

Tʌwʌy, sunba'ʌsmij. Y nwa'cpa'ʌs Dioscʌsi wa'mij ñe'cʌ's ñicomasa'nʌyu mumutiyʌcʌsi jujcha' mis ndzocoy ñicomasa'nʌyjawya'a, y wa'y itjojcʌtʌjcu mis sa'sa'ajcuy.