2 Juan 1:9 - Zoque Copainalá New Testament

⁹ Iwʌ's myaŋdochʌcpa y ja'n wyitjojcʌtʌqui te' aŋma'yoyušej Cristo, ja'ndiyʌmaj Diojsis 'Yespiritu ñe' choco'yojmo. Iwʌ witjojcʌtʌcpa aŋma'yoyušej Cristo ñʌc'ijtʌwya'a choco'yojmo tʌ Ndata Diojsis y te' 'Yune's.

2 Juan 1:9 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Lucas 10:22

Ʌs ŋgʌ'ojmo quiojtu ʌs Ndata's mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 15:6

Iwʌ ja'n itjojcʌtʌqui ʌs ndzoco'yojmo, maŋba pyiŋbutpʌ'yatʌju jujcha' ja'n 'yoyepʌ aŋmaŋ y maŋba tyʌjtzu. Y maŋba quiojtyatʌju jucʌtʌjcojmo wa'y pyoŋbʌ'yaju.

San Juan 5:23

Yʌ'šej chʌjcu wa'yʌj cʌna'tzʌyaju ʌj jujcha' quiʌna'tzʌyajpa ñe'cʌ ʌs Ndata Dios. Iwʌ'sʌj ja'n cʌna'tzʌy ʌj, te' 'Yune, ja'n quiʌna'tzʌyjay ʌs Ndataj cʌ'wejupʌ'sʌj.

San Juan 8:31

Y te' judiota'm, wyʌ'aŋjamyajupʌ's, ñʌjayaju Jesujsis: Mijta'm, juca myato'ŋoytyambamij ndzamjaytyamuše'ʌsmij, wiyuŋšejpʌ ʌs ŋgʌ'aŋmaye mijta'mde?

Hechos 2:42

Y quio'ŋjojcʌtʌquiaju te' cʌ'we'is 'yaŋma'yoquiuy, y našuñatʌju ñe'co'mo. Tumo'oyjtya'm inʌc chima y 'yawa' y quiomicu'tcuy, y 'yoto'ŋʌyjojcʌtʌquiajpa inʌc Dios.

Colosenses 3:16

Ya'itjojcʌtʌcʌ Cristo's chame mista'm ndzoco'yojmo. Y te'šej muspamis na'yaŋmayʌtʌjtamu y nachamjatʌjtamu te' tzajpojmopʌ mujsoquiuy. Y wandamʌ salmo y himno y eyata'mbʌ wane Espíritu Santo'smij 'yaŋmayajpapʌ, te'šej wa'y quieju que mis ndzoco'yojmo nʌmij ñʌmdamu: Yʌscotoya chʌcpa Diojsis.

Tito 2:10

Aŋnʌctza'mʌya wa'y jana ñinu'myaju quiomi, wa'y yajqueñaju quiomita'm que ñe'cʌ ñijamyatʌjpapʌ pʌnda'mde'. Pyʌcpa wa'y chʌquiaju te'šej wa'y wyʌcotzamyaju pʌ'nista'm te' Diojsis 'yaŋma'yoquiuy. Ñe'cʌte' tʌta'm nyajcotzojcopyapʌ.

Hebreos 3:14

Juca nite'tzʌytyamba Dios hasta ŋguendamba ñe'cʌ, y nwʌ'aŋjambatʌ jujcha'nde' mbʌjcʌchoŋdamu'cšejtʌ, maŋbatʌ nʌpʌctamu Cristo's jujche'ŋ ñe'cʌ's quiowindzʌmba.

Hebreos 6:1

Te'cotoya pyʌcpa wa'ytyʌ aŋmayjojcʌtʌctamu hasta que muscota'nbatʌ mumu Cristo's 'yaŋma'yoquiuy, ja'n na' cho'tzcuytyij. Ja'n 'yoye wa'ytyʌ nitzʌcwʌtzʌjcu wa'ytyʌ ŋguipswitu'u porque ndzʌctamutʌ ja'n yojšapyʌ tiyʌ, ni wa'ytyʌ nitzʌcwʌtzʌjcu Dios-wʌ'aŋjamguy,

1 Juan 1:3

Yʌ'wʌ ŋguenutʌs y ne'cʌtʌste' ŋgʌmato'ŋʌyu. Y yʌtij nyajmustambatʌsmij wa'ytyʌ ndumʌquipstamu ne'co'mo, jujcha' tʌj ndumʌquipspa Diosji'ŋ y 'Yune Jesucristoji'ŋ.

3 Juan 1:9

Njayjawya'mʌsmij mij y jujche'ŋmij tey ñdyu'mʌytyambapʌ Diojsis ñʌquiʌsi. Pero Diotrefejsis ja'ndʌj pʌjcʌchowe, porque ñe'cʌtij sunba quiowi'nacotzʌjcu wyin mi'ojmota'm.