2 Juan 1:8 - Zoque Copainalá New Testament

⁸ Coquendamʌ cuenta umij ya'iwʌ's 'yaŋgoma'cʌytyamu wa'mis jana nyajtocoytyamu Diojsisamij nyajnʌwʌ'ajtamupʌ tiyʌ ndzoco'yojmo, porque ñe'cʌmis nwʌ'aŋjamdamu, sino que wa'mis mbʌjcʌchoŋdamu mumu te' coyowa.

2 Juan 1:8 ပူးပေါင်းရင်းမြစ်များ

San Mateo 24:4

Y aŋdzoŋu te' Jesús y nʌjayutʌj: Coquendamʌ cuenta umij 'yaŋgoma'cʌytyamu ya'iwʌ's.

San Marcos 13:23

Pero mista'm, coquendamʌ cuenta. Yʌtij nʌytya'mʌsmij ndzamjaytyamu maŋbamaj tyuquiajupʌ tiyʌ.

San Marcos 13:9

Pero mista'm coquendamʌ cuenta mis nwin. Porque maŋbamij ñchi'oquia'ʌtʌjtamu tu'mʌyajpamʌy te' aŋgui'myajpawʌ. Y maŋbamij ñacsʌtʌjtamu te' windʌjcojmo y maŋbamij ñʌmawʌtʌjtamu gobierno's y re'yis wyi'naŋdʌjquita'm porque ŋgo'ŋdambamisʌj. Yʌ'šej maŋba ñdyestigusajtamu ñe' wyi'naŋdʌjquita'm.

San Lucas 19:19

Te'šejtij ñʌjaquie'tu te' rey: Y mij te'šejtijque' aŋgui'mʌ mosa'pyʌ cumguquiʌsi.

San Lucas 21:8

Pijche'ca nʌmu Jesús: Coquendamʌ cuenta umij ya'iwʌ's 'yaŋgoma'cʌytyamu. Porque maŋba miñaju wʌwʌ pʌn ʌs nʌquiʌsi sujchajpapʌ y nʌmyajpapʌ: Ʌjte' te' Cristo. Y maŋba ñʌmyajque'tu: Nʌ tyo'mʌyu te' aŋsʌŋ. Te'cotoya'ʌsmij nʌjaytyamba, uy co'ŋdame.

San Juan 4:36

Iwʌ's wyoctu'mʌpya te' tʌm, maŋba quioyojyaju. Y jujche'ŋ ñe'cʌ's wyoctu'mʌyajpapʌ y wʌ'aŋjamyajpa'ʌj maŋba pya'tyaju ja'n yayepʌ quenguy, wa'y tumʌ'ajcu'yoyj 'yomdzocopyaquiaju te' ñipyajpapʌ's y wyoctu'mʌyajpapʌ's.

1 Corintios 15:8

Y saŋjʌsa'ctya'a yajquengue'tu'ʌj ñe' wyin, y ʌj jujcha' yawa ijtupʌšej.

1 Corintios 3:14

Juca iwʌ's yojsa'ŋis tyonba, te' yajtu'ŋajupʌ's maŋba pyʌjcʌchoŋu quioyowa.

1 Corintios 3:8

Te' ñijpapʌ's y te' šecpapʌ's tumʌpʌ tiyʌcotoya yojšajpa, y tumduma'ŋbʌ'nis maŋba pyʌjcʌchoŋu quioyowa tiyʌcʌsi yojsu.

Gálatas 3:4

¿Ja'nsʌ'ŋmiste' comeque ŋguendamu toya soneta'mbʌ tiyʌcʌsi? Sunjo'pya'ʌs wa'mis tiyʌ'iwʌ nʌwʌ'ajtamu.

Gálatas 4:11

Nʌcna'tzʌytyamba'ʌsmij uytya'mʌj comeque tzamgopu'ŋoyu mi'ojmota'm.

Filipenses 3:16

Y aŋmaytyamuše'amis, te'šej quipstamʌ y te'šej tu'ŋajtamʌ.

Hebreos 10:32

Pero jamwʌtzʌctamʌ te' cʌtʌquiajupʌ jamata'm nu'cu'cmajte' sʌ'ŋgʌ' mista'm ndzoco'yojmo. Mbyetewitu'tamumij wa'mij mbʌ'mgopajcʌytyamu toyapʌjcuy.

Hebreos 10:35

Te'cotoya jeque uy tzocomyocha'tame. Quipstʌjwʌytyamʌ Diojsismij maŋba ñchi'tamupʌ tiyʌ.

Hebreos 12:15

Coquendamʌ cuenta oye'c uy ya'iwʌ's myatzwindujcu Diojsistʌ sunba tzi'upʌ yajya'moquiuy wa'ytyʌ cotzoŋu. Juca te'šej chʌcpa nʌte' tyaca'yaju chocoy, y te' tacapyʌ tzocopyit maŋba yajtaca'yaju eyata'mbʌ's chocoy.

El Apocalipsis 3:11

Yʌtij jeque, jʌ'nʌ'amʌj maŋba minu. Pero ʌs ndzameta'm nʌ'itjaytyamupa'mis, cojamjojcʌtʌctamʌ umis maŋu nyajtocoytyamu mista'm ŋgorona te' maŋbamis mbʌjcʌchoŋdamupʌ.