2 Juan 1:7 - Zoque Copainalá New Testament

⁷ Porque jene ijtyajwa'a aŋgoma'cʌ'oyajpapʌ najsacopajcʌsi. Yʌ'ta'mbʌ nʌmyajpa que jaminʌ pyʌ'na jujcha' pʌn te' Jesucristo, te'šej aŋgoma'cʌ'opyapʌte' y qui'nispapʌ's te' Cristo.

2 Juan 1:7 ပူးပေါင်းရင်းမြစ်များ

San Juan 1:14

Te' Diojsis Chame pʌnwitu'u, y ñe'cʌ tiju wyijtu quia'ŋu tʌ'ojmota'm, wiyuŋdzambapʌ pʌn jyo'ʌyupʌ yajya'moquiu'yis. Nguenjayutʌs myʌja'ŋajcʌ', jujcha' tʌŋdumʌ une chi'pa mʌja'ŋajcʌ' tyata's.

1 Timoteo 3:16

Tiene que wa'ytyʌ ndzamu que mʌja'ŋbʌte' te' nʌtʌ nwʌ'aŋjamdamupʌ, te' Diojsis jayajqueyapʌ cʌtʌquiajupʌ aŋsʌ'ŋojmo. Yʌ'šejte' tujcu: Minu yajqueju Diojsis te' Cristo pʌnšej, Y chamu que justopʌte' Espíritu Santopit. Y quieñaju ñe'cʌ angelejsista'm. Chamgopuŋyajwa'a pʌ'nista'm te' nacio'ŋojmota'm. Wyʌ'aŋjamyajwa'a najsacopajcʌsita'mbʌ's. Y yajmʌja'ŋajwa'a Diojsis tzajpojmo.

1 Juan 2:26

Yʌ' nʌše'ʌsmij njayjaytyamu wa'yʌsmijte' nyajmustamu te' sunbapʌ'smij 'yaŋgoma'cʌtʌjtamu.

El Apocalipsis 12:9

Y tyʌŋdzi'po'tyaju tzajpojmoc te' maya'aŋbʌ dragón, te' ya'acpʌ tzan, ñʌjayajpapʌ diablo y Satanás, te' 'yaŋgoma'cʌ'pyapʌ's mumu najsacopac-pʌn. Tyʌŋdzi'po'tyaju jeque ñe'cʌ y te' 'yangelesta'm najsacopajcʌsi.

El Apocalipsis 13:14

Y 'yaŋgoma'cʌ'pya najsacopac-iti te' chi'yajupʌ señalpit wa'y chʌjcu te' winbʌ copʌ'nis wyi'naŋdʌjqui. Y 'yaŋgui'mba najsacopac-iti wa'y chʌcjayaju quiendʌwʌ te' winbʌ copʌ'nisñe', te' ijtupʌ's espada-jete, y jaquia'ʌ.