2 Juan 1:6 - Zoque Copainalá New Testament

⁶ Y našunʌtʌjtamba'ctʌ nʌtʌ nwijtu aŋgui'mdambašejtʌ Diojsis. Ñe'cʌ'stʌ aŋgui'mdamu wa'ytyʌ našunjojcʌtʌctamu, mustambaše'amis desde cho'tzcu'yojmo.

2 Juan 1:6 ပူးပေါင်းရင်းမြစ်များ

San Juan 14:15

Juca sundambamisʌj, cojamjaytyamʌ ʌs aŋgui'mguy.

San Juan 14:21

Iwʌ's ñʌctʌ'yjapya ʌs aŋgui'mguytya'm y quiojamba, te'wʌ'sʌjte' sunba. Y iwʌ'sʌj sunba ʌj, maŋba šunu ʌs Ndata's, y ʌs maŋba'ʌs sunu, y maŋba'ʌs nyajquenu nwin.

San Juan 14:23

Aŋdzoŋu Jesús: Iwʌ'sʌj sunba, quiojamjapya ʌs ndzame. Y ʌs Ndata's maŋba šunu, y ŋgʌ'minbatʌs ñe'cʌ y minbatʌj ijtu ñe' choco'yojmo.

San Juan 15:10

Juca ŋgojamjaytyambamis ʌs aŋgui'mguytya'm, maŋbamisʌj sunjojcʌtʌctamu ʌsmij sunjojcʌtʌctambašej. Ʌs ŋgojamjayu'ʌs Ndata's 'yaŋgui'mguytya'm, y sunjojcʌtʌcpa'ʌs Ndataj ñe'cʌ'sʌj sunjojcʌtʌcpašej.

San Juan 15:14

Mijta'm ʌsmijyʌ' amigota'm juca ndzʌctambamis tiyʌta'mʌsmij aŋgui'mdamba.

1 Juan 2:24

Tiyʌmis matoŋdamu nwyʌ'aŋja'moytyamu'cmij, te'šej wʌ'aŋjamjojcʌtʌctamʌ. Juca nwʌ'aŋjamjojcʌtʌctambamis tiyʌmis matoŋdamu nwyʌ'aŋja'moytyamu'cmij, choco'yojmomij maŋba ñʌ'itjojcʌtʌctamu Diojsis, y te'šejtijque' 'Yune's.

1 Juan 2:5

Pero iwʌ's quiojamjapya te' Diojsis chame, yʌ'šejpʌ pʌ'nis choco'yojmo Diojsis quiotwa'a wiyuŋšejpʌ y cota'nupʌ su'noquiuy. Yʌ'šejtʌ mustamba que Diojsis choco'yojmotʌ ittamu.

1 Juan 2:7

Atzita'm, ja'ʌsmij nʌ njayjaytyamu jomepʌ aŋgui'mguy, sino que te' wina tʌjcʌyupʌ, te' nʌ'ittamupʌmis desde cho'tzcu'yojmo. Te' wina tʌjcʌyupʌ aŋgui'mguy, te'wʌtijte'que' te' tzame mbʌjcʌchoŋdamupʌmis nwʌ'aŋjamdamu'cmis Cristo.

1 Juan 5:15

Y juca mustambatʌ que cʌmato'ŋʌpyatʌ ñe'cʌ's tiyʌta'mdʌ nwa'cpa ñe'cʌcʌsi, mustambatʌ que tiyʌta'mdʌ nwa'cu maŋbapʌtʌte' mbʌjcʌchoŋu.

1 Juan 5:3

Porque juca sundambatʌ Dios, ŋgojamjapyatʌ te' ñe' 'yaŋgui'mguy. Y te' 'yaŋgui'mgu'yis ja'ndʌ yajtoyapʌqui.

2 Juan 1:5

Y yʌtij yomoy, nwa'cjapya'ʌsmij wa'ytyʌ našunʌtʌjtamu ne'co'mo. Yʌ'wʌpit ja'ʌsmij nʌ njayjayu jomepʌ aŋgui'mguy, sino que te' aŋgui'mguy tʌs nʌ'ijtupʌ desde cho'tzcu'yojmo.