2 Juan 1:5 - Zoque Copainalá New Testament

⁵ Y yʌtij yomoy, nwa'cjapya'ʌsmij wa'ytyʌ našunʌtʌjtamu ne'co'mo. Yʌ'wʌpit ja'ʌsmij nʌ njayjayu jomepʌ aŋgui'mguy, sino que te' aŋgui'mguy tʌs nʌ'ijtupʌ desde cho'tzcu'yojmo.

2 Juan 1:5 ပူးပေါင်းရင်းမြစ်များ

San Juan 15:12

Yʌ'še'ʌsmij aŋgui'mdamba: Našunʌtʌjtamʌ ne'co'mo, jujcha'ʌsmij ʌs sundamu.

San Juan 15:17

Našunʌtʌjtamʌ ne'co'mo. Yʌ'še'ʌsmij aŋgui'mdamba.

Gálatas 5:22

Pero te' Espíritu Santopit našunʌtʌjtambatʌ, oma'oma y sʌ'mnayu'ctʌ ittamba. Nʌmaŋjayajpatʌ paciencia ndʌwʌ, itpatʌ wʌpʌ-pʌ'najcuy, to'ya'ŋʌ'oquiuy y ñempetiyʌcʌsitʌ nijamʌtʌjtamba.

Efesios 5:2

Chi'oquia'u'c Cristo's te' wyin y ca'u'c tʌcotoyata'm, yajqueju que jene sundambatʌ. Te'cotoya pyʌcpa wa'ytyʌ tʌ našunʌtʌjtamu ne'co'mo. Porque Cristo's chi'oquia'u ñe' wyin jujcha' tzi'oquiuy Dioscotoya y te'šej tzocopyajcu Dios.

1 Tesalonicenses 4:9

Pero ja'ndiyʌ pyena wa'ytyʌsmij njayjaytyamu wa'mij ñašunʌtʌjtamu, porque Diojsismij 'yaŋmaytyamu wa'mij ñašunʌtʌjtamu ne'co'mo.

Hebreos 13:1

Našunjojcʌtʌctamʌ atzi'ojmota'm.

1 Pedro 4:8

Y nimeque'ctij tumʌtzocoy našunʌtʌjtamʌ ne'co'mo y te'šejmis maŋba matzcomʌ'ndamu aŋba'tepʌ cowa.

2 Pedro 1:7

Y ja'n na' te'še'ŋdij, sino que atzišej nayajyamʌtʌjtamʌ ne'co'mo, y nʌ'ittamʌ wiyuŋšejpʌ našunʌtʌjcuy atzi'ojmota'm.

1 Juan 3:11

Porque matoŋdamumis que chamyaju desde cho'tzcu'yojmo que pyʌcpapʌte' wa'ytyʌ našunʌtʌjtamu ne'co'mo.

1 Juan 3:23

Y yʌ'wʌte' te' ñe' 'yaŋgui'mguy: Wa'ytyʌ nwʌ'aŋjamjaytyamu te' 'Yune Jesucristo, y wa'ytyʌ našunʌtʌjtamu ne'co'mo, ñe'cʌ'stʌ aŋgui'mdamušej.

1 Juan 4:20

Juca iwʌ nʌmba: Ʌs sunba'ʌs Dios. Y juca te'wʌ'stij qui'nispa 'yatzi, sutzpapʌte'. Porque iwʌ's ja'n šuni te' 'yatzi nʌ quienupʌ, ¿jutza' jeque muspa šunu Dios ja'n nʌ quienupʌ?

2 Juan 1:1

Ʌjte' te' anciano-cowi'na. Yomoy, Diojsismij ŋguiopiŋu. Nʌ'ʌsmij njayjayu mij y mis uneta'm. Jene sunba'ʌsmij porque mbʌjcʌchoŋumis te' wiyuŋšejpʌ wʌ'aŋja'moquiuy. Y ja'nʌsmijte' ʌstij suni, te'šejtijmij šuñajque'tpa mumu jujche'ŋ nʌ wyʌ'aŋjamyajupʌ's wiyuŋbʌ tiyʌ.