1 Juan 5:4 - Zoque Copainalá New Testament4 Porque jujche'ŋdʌ Diojsis 'yuneta'm ndzactambatʌ mumu yacha'cuy ijtupʌ najsacopajʌcʌsi. Y tʌte' nwʌ'aŋjamgupyit ndʌŋgʌspa'tpatʌ wa'ytyʌ nwʌyu najsacopajcʌsita'mbʌ yacha'cuy. အခန်းကိုကြည့်ပါ။ |
Y te'še'ʌs ŋguengue'tu espejošejpʌ mar, quengʌtʌcpawo'motʌ, y jojmoc jucʌtʌcji'ŋ mojtuwʌšej inʌc quenba. Y ŋguengue'tu'ʌs te' jaquiujnayjayapʌ's te' copʌn ni te' quiendʌwʌ, te' japyʌjcʌchoŋyapʌ's te' myarca ni te' ñumero chamjapyapʌ's te' ñʌy. Y te'ta'mbʌ tey inʌc tenayaju te' espejošejpʌ marcʌsi y nʌ inʌc šʌ'ŋajyaju Diojsis 'yarpapit.
Iwʌ's ijtyaju quiowi wa'y myatoŋyaju, yajcʌmato'ŋʌya te' Espíritu Santo's 'yoto'ŋʌyajpašej te' Diojsis tyu'mʌquiuytya'm. Iwʌ's ñʌwʌ'ajpa, maŋba'ʌs ndzi'u wa'y quiu'tu te' ja'nmaj quieyepʌ maná y maŋba'ʌs ndzi'u tumʌ popopʌ nama tza', y te' nama tza'cʌsi ja'yʌyumʌy jomepʌ nʌy. Y te'wʌ ya'iwʌ's ja'n maŋu ispʌjcu sino que te' pyʌjcʌchoŋbapʌ's.
Iwʌ's ñʌwʌ'ajpa, maŋba'ʌs nyajpaquipʌjcu jujcha' oye cʌ'pu'ŋʌyupʌ com tzajpojmopʌ Diojsis tyemplo'ojmo, y ya'iwʌ'sa ja'n musi tyo'pʌ'upʌ teymʌ. Te' comgʌsi maŋba'ʌs nja'yʌyjayu ʌsne' Diojsis ñʌy, y te' ñe' quiumgu'yis ñʌy jomepʌ Jerusalén. Y te' jomepʌ Jerusalén, Diojsiste' chajpojmoc maŋba wyanajcupʌ.