1 Juan 5:3 - Zoque Copainalá New Testament

³ Porque juca sundambatʌ Dios, ŋgojamjapyatʌ te' ñe' 'yaŋgui'mguy. Y te' 'yaŋgui'mgu'yis ja'ndʌ yajtoyapʌqui.

1 Juan 5:3 ပူးပေါင်းရင်းမြစ်များ

San Mateo 23:4

Tzʌctamʌ cuenta chʌquiajpa jemetzta'mbʌ tzʌmi ja'n musi ñʌtu'ŋajyajupʌ, y ñicu'ŋʌyajpa pʌnda'm. Pero ñe'cʌta'm ni ušʌc ja'n suni pyʌmitzʌquiaju wa'y quiotzo'ŋoyaju.

San Juan 14:15

Juca sundambamisʌj, cojamjaytyamʌ ʌs aŋgui'mguy.

San Juan 15:10

Juca ŋgojamjaytyambamis ʌs aŋgui'mguytya'm, maŋbamisʌj sunjojcʌtʌctamu ʌsmij sunjojcʌtʌctambašej. Ʌs ŋgojamjayu'ʌs Ndata's 'yaŋgui'mguytya'm, y sunjojcʌtʌcpa'ʌs Ndataj ñe'cʌ'sʌj sunjojcʌtʌcpašej.

San Juan 15:14

Mijta'm ʌsmijyʌ' amigota'm juca ndzʌctambamis tiyʌta'mʌsmij aŋgui'mdamba.

Romanos 7:12

Te'cotoya te' aŋgui'mguy wiyuŋšej masanbʌte', y tumdumʌ aŋgui'mguy masan, justo y oye.

Romanos 7:22

Porque ndumʌtzoco'yʌs nʌ'omjapya te' Diojsis 'yaŋgui'mguy.

Hebreos 8:10

Te'cotoya, yʌ'wʌte' te' trato maŋba'ʌs ndzʌjcupʌ Israel-pʌnji'ŋda'm Cʌtʌjcu'ca ʌ'ta'mbʌ jama, nʌmba tʌ Ngomi, Maŋba'ʌs nyajnʌctʌ'yaju quipsoquiu'yojmo ʌsne' aŋgui'mguy. Maŋba'ʌs ŋgotjayaju choco'yojmo wa'y tey chʌ'yu ja'yʌyupʌ tiyʌšej. Pijche'cʌj maŋba ispʌquiaju que ʌjte' te' ñe'ta'm Dios, Y maŋba'ʌs mbʌjcʌchoŋyaju jujcha' ʌsne' uneta'm.

1 Juan 2:3

Juca ŋgojamjapyatʌ te' Diojsis 'yaŋgui'mguy, te'šejtʌ muspa que ispʌctambatʌ ñe'cʌ.

2 Juan 1:6

Y našunʌtʌjtamba'ctʌ nʌtʌ nwijtu aŋgui'mdambašejtʌ Diojsis. Ñe'cʌ'stʌ aŋgui'mdamu wa'ytyʌ našunjojcʌtʌctamu, mustambaše'amis desde cho'tzcu'yojmo.