1 Juan 5:20 - Zoque Copainalá New Testament

²⁰ Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

1 Juan 5:20 ပူးပေါင်းရင်းမြစ်များ

San Mateo 13:11

Y Jesujsis aŋdzoŋutʌj, y nʌmu: Porque Diojsismij nyajmustamba mij te' jayajqueyapʌ tiyʌta'm winata'mbʌ tiempo'ojmo, te' chambapʌ's jutz aŋgui'mba tzajpojmo ijtupʌ Dios. Pero te' eyata'mbʌ pʌn jayajmujša.

San Lucas 21:15

Porque ʌsmij maŋba ndzi'tamu mujsoquiuy jutzmij wa'y 'yaŋdzoŋdamu ja'n musi'cše'ŋoyj 'yaŋdzoŋyaju ñe'cʌ, ni ja'n musi'cše'ŋoyj quioquipyaju wyin mumu jujche'ŋ ñiwa'cʌtʌjtambapʌ'smij.

San Lucas 24:45

Pijche'c wyi'nbejpʌ'jayaju quipsoquiuy wa'y ñʌctʌ'yaju te' Totojaye.

San Juan 1:18

Yajujche'c jaquiena Dios ya'iwʌ's. Ñe'cʌ's jene šunba te' tyʌŋdumʌ Une. Te'wʌ tumo'oyj Tyata Diosji'ŋ, y minu cha'maŋwaju iwʌte' te' Tata Dios.

San Juan 10:30

Ʌj Ndataji'ŋ tu'mbacpʌtʌjyʌ'.

San Juan 14:20

Ʌ' jamo'oyj maŋbamis nʌctʌ'ytyamu que ʌj, ʌs Ndata's choco'yojmo'ʌj ijtu, y mijta'm ʌsne' ndzoco'yojmo, y ʌj mista'm ndzoco'yojmo.

San Juan 14:23

Aŋdzoŋu Jesús: Iwʌ'sʌj sunba, quiojamjapya ʌs ndzame. Y ʌs Ndata's maŋba šunu, y ŋgʌ'minbatʌs ñe'cʌ y minbatʌj ijtu ñe' choco'yojmo.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 14:9

Y ñʌjayu Jesujsis: Sone aŋsʌ'ŋa'mʌj ijtu miji'ŋda'm y ¿ja'nmaja'ʌj ispʌqui mis Felipe? Iwʌ'sʌj quenwa'a ʌj, quienjawya'mʌs Ndataj. ¿Tiyajca'nde' ñʌmbamij: Yajquenatʌj mis Ndata Dios?

San Juan 15:4

Itjojcʌtʌctamʌ ʌji'ŋ y ʌj maŋba'ʌj itjojcʌtʌjcu mista'm ndzoco'yojmo. Jujcha'nde' te' aŋmaŋda'm ja'n musi tyʌ'maju ñaytyumʌ juca wecspʌ'wa'a 'ya'ŋucucʌsi. Te'šejtijque' mijta'm ja'nmij musi ñdyʌ'majtamu juca ja'nmij itjojcʌtʌctame ʌji'ŋ.

San Juan 17:14

Te' misʌj ndzamjayajupʌ tiyʌ nʌtzamyajwa'mʌs, y te' jana wʌ'aŋja'moye's qui'nišatʌju porque nwyʌ'aŋjamyajpamij jujcha' ʌsmij nwʌ'aŋjamba.

San Juan 17:25

Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 20:28

Pijche'ca aŋdzoŋu Tomás, y ñʌjayu: Ʌsmijyʌ'ne' Ngomi, y ʌsmijyʌ'ne' Dios.

San Juan 8:42

Pijche'ca Jesujsis ñʌjayaju: Juca inʌc Dios mista'm Ndataj, wiyuŋšej sundambamisʌj inʌc ʌj, porque ʌj, tzu'cumu'ʌj ijtumʌy Dios, y minu'ʌj yʌy. Jaminʌ'ʌj ne' su'noquiupyit, ñe'cʌ'sʌjyʌ' cʌ'weju.

Hechos 20:28

Te'cotoya coquendamʌ ne' nwin y mumu wʌ'aŋja'moye-tu'mʌquiuy te' Espíritu Santo'smij ŋguiottamumʌy jujcha' coque'nopyapʌ. Aŋmayjaytyamʌ te' Diojsis tyu'mʌquiuy, te' jyuyupʌ ñe' ñʌ'pinbit.

Romanos 9:5

Ñe'cʌta'mde' te' winata'mbʌ tata's wyinboya, y ñe'co'mocta'm minu pyʌ'naju te' Cristo. Y yʌ'wʌte' te' Dios, te' aŋgui'mbapʌ mumutiyʌcʌsi, y oye wa'ytyʌ nwʌcotzamu mumu jamacotoya. Amén.

1 Corintios 1:30

Diojsistʌ tumʌtzʌctamu Cristo Jesusji'ŋ. Diojsistʌ tzi'u Cristo wa'ytyʌ yajmujsoyu y justococojtu, y wa'ytyʌ yajmasa'naju y jupyujtu, ca'u'c cruzcʌsi.

2 Corintios 4:6

Aŋgui'mu Dios wa'y šʌ'ŋjojpajcu sʌ'ŋgʌ' pi'tza'ŋajcʌ'ojmo. Yʌ' Dios sʌ'ŋjojpajcu tʌ ndzoco'yojmo wa'ytyʌ tzi'u nʌctʌ'yoquiuy. Yʌ'šej chʌjcu wa'ytyʌ musjayu Diojsis myʌja'ŋajcuy. Yʌ' mʌja'ŋajcuy tʌ ŋguendamba Jesucristo's wyinnacacʌsi.

2 Corintios 5:17

Te'cotoya jeque, iwʌ ijtu Cristo'ojmo jomecotzʌjcupa'nde'. Te' pecata'mbʌ tiyʌ chacwa'a, y yʌtij muma' jomecotzʌjcu.

Efesios 3:18

Sunba'ʌs wa'mis ndumʌnʌctʌ'ytyamu oye te' masanbʌnji'ŋda'm jutztʌ jene maya'aŋ sundamba Cristo's.

Filipenses 3:9

Y yʌ'še'ʌs ndzʌjcu wa'ytyi'ʌs ndumʌtzʌjcu Cristoji'ŋ, pero ja'n ʌsne' njusto'ajcupyit ŋgʌpa'tupʌ'ʌs aŋgui'mgupyit, sino que te' justo'ajcuy ŋgʌpa'tpapʌtʌ porque nwʌ'aŋjambatʌ Cristo. Yʌ'šejpʌ justo'ajcuy Diojsistʌte' tzi'tamba porque nwʌ'aŋjamdambatʌ yʌ' Cristo.

1 Timoteo 3:16

Tiene que wa'ytyʌ ndzamu que mʌja'ŋbʌte' te' nʌtʌ nwʌ'aŋjamdamupʌ, te' Diojsis jayajqueyapʌ cʌtʌquiajupʌ aŋsʌ'ŋojmo. Yʌ'šejte' tujcu: Minu yajqueju Diojsis te' Cristo pʌnšej, Y chamu que justopʌte' Espíritu Santopit. Y quieñaju ñe'cʌ angelejsista'm. Chamgopuŋyajwa'a pʌ'nista'm te' nacio'ŋojmota'm. Wyʌ'aŋjamyajwa'a najsacopajcʌsita'mbʌ's. Y yajmʌja'ŋajwa'a Diojsis tzajpojmo.

Tito 2:13

Ittamʌ yʌ'šej nʌ'cše'ŋoyjtyʌ omapit njo'ctamu hasta que mingue'tpa chi'muŋgʌ'ojmo tʌ Ngomi Jesucristo te' yajcotzojcupʌ'stʌ. Y ñe'cʌte' tʌ mʌja'ŋbʌ Dios.

Hebreos 1:8

Pero chamu'c te' 'Yune, nʌmu: Mijte' te' Dios, y mi'ande' maŋba 'yaŋgui'mjojcʌtʌjcu. Y maŋbamij 'yaŋgui'moyu misne' jicapyʌ aŋgui'mʌtʌjcupyit.

1 Juan 2:23

Porque mumu'iwʌ'sta'mis ja'n pyʌjcʌchoŋyay te' Diojsis 'Yune, Tata Dioste' ja'n pyʌjcʌchoŋyay. Y iwʌ'sta'mis pyʌjcʌchoŋjayajpa te' Diojsis 'Yune, pyʌjcʌchoŋyajpa te' Tata Dios.

1 Juan 2:24

Tiyʌmis matoŋdamu nwyʌ'aŋja'moytyamu'cmij, te'šej wʌ'aŋjamjojcʌtʌctamʌ. Juca nwʌ'aŋjamjojcʌtʌctambamis tiyʌmis matoŋdamu nwyʌ'aŋja'moytyamu'cmij, choco'yojmomij maŋba ñʌ'itjojcʌtʌctamu Diojsis, y te'šejtijque' 'Yune's.

1 Juan 2:6

Juca iwʌjutiwʌ nʌmba: Ʌj Cristo's choco'yojmo'ʌj itjojcʌtʌcpa, pyʌcpa wa'y wyijtu Cristo wijtušej.

1 Juan 4:14

Y tʌs ŋguenutʌs te' Diojsis 'Yune, y ndzamgopuŋbatʌs que te' Tata Diojsis quiʌ'weju te' 'Yune wa'y minu yajcotzojcu te' najsacopajcʌsita'mbʌ.

1 Juan 4:16

Y tʌta'm mustamba'ndʌ ndzoco'yojmo y nwʌ'aŋjamdamwa'ndʌ que jene tʌ sundamba Diojsis. Diojsis šajpa su'noquiuy. Y iwʌ's šunba Dios y eyata'mbʌ pʌn, Diojsis ñʌ'itjojcʌtʌcpa te'šejpʌ pʌn choco'yojmo, y te' pʌ'nis choco'yojmo itjojcʌtʌcpa Dios.

1 Juan 4:2

Yʌ'wʌcʌsitʌ muspa iwʌ's ñʌ'itjayu Diojsis 'Yespiritu: Iwʌ tumʌtzocoy nʌmba que Jesuste' te' Cristo, Diojsis quiopiwi, y que minu pyʌ'naju jujcha' pʌn najsacopajcʌsi, te'šej quiowʌ'aŋjambapʌ's, te'wʌte' aŋma'yopyapʌ Diojsis 'Yespiritupit.

1 Juan 5:1

Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.

1 Juan 5:15

Y juca mustambatʌ que cʌmato'ŋʌpyatʌ ñe'cʌ's tiyʌta'mdʌ nwa'cpa ñe'cʌcʌsi, mustambatʌ que tiyʌta'mdʌ nwa'cu maŋbapʌtʌte' mbʌjcʌchoŋu.

1 Juan 5:18

Muspatʌ que mumu jujche'ŋdʌ Diojsis 'yuneta'm ja'ndʌ ŋgowapa'tjojcʌtʌctame, porque te' Diojsis 'Yune'stʌ coquendamba y te' yatziwʌ's ja'ndʌ musi wʌyu.

1 Juan 5:5

¿Iwʌ'sasʌ'ŋde' tyʌŋgʌspa'tpa wa'y wyʌyu najsacopajcʌsipʌ yacha'cuy? Wyʌyajpa jujche'ŋ wyʌ'aŋjamyajpapʌ's que Jesuste' te' Diojsis 'Yune.

El Apocalipsis 15:3

Y wyane'ojmo nʌ inʌc wyʌcotzamyaju Dios oma-wanušej wina Moisés, Diojsis quioyosa. Y nʌ inʌc wyanjayaju Dios y te' Ñchowambe porque yajcotzoquiaju. Nʌmyaju: Tʌs Ngomi Dios, mʌja'ŋ y maya'aŋ mis ndzʌqui, porque muspamis ndzʌjcu mumutiyʌ. Wiyuŋbʌ y justopʌ tiyʌ mis nʌtu'ŋajpa. Mijte' te' Rey mumu masanbʌ'nista'mñe'.

El Apocalipsis 19:11

Pijche'ca ŋguenu'ʌs Diosaŋʌ aŋwaju te' tzap. Teymʌ'ʌs ŋguenu popopʌ cayu y te' pyocsupʌ's, yʌ'šej inʌc ñʌy: Wiyuŋbʌ y jicapyʌ pʌn porque cʌme'tzopyašej y quijpašej jicapyʌ tiyʌte'.

El Apocalipsis 3:14

Y quiu'ya'y ñaco'mo nʌjaquie'tu'ʌj Cristo's: Jayjaquie'ta te' nʌ quioquenupʌ's Laodicea-tu'mʌquiuy. Tzamja te' coque'noye y te' tu'mʌquiuy que ʌjte' te' pʌn que tiyʌ'ʌs ndzamba ndzʌcpapʌ'ʌste'. Ʌjte' te' jicapyʌ y wiyuŋdzambapʌ testigos. Ʌjpitte' tzo'tzu mumutiyʌ Diojsisñe'.

El Apocalipsis 3:7

Y tyujta'y ñaco'mo nʌjaquie'tu'ʌj Cristo's: Jayjaquie'ta te' nʌ quioquenupʌ's Filadelfia-tu'mʌquiuy. Tzamja te' coque'noye y te' tu'mʌquiuy que ʌjte' te' wiyuŋšejpʌ Diojsis Myasanbʌn y que ʌs nʌ'itjayu Davijtis llave, sunba'ʌjte' nʌmu wa'yʌs nyajtʌjcʌyaju aŋgui'mbamʌy Dios. Ʌs jutimʌ'yʌs ya'aŋwajpa, ya'iwʌ's ja'n ya'aŋga'me, y jutimʌ'yʌs ya'aŋga'mba, ya'iwʌ's ja'n musi ya'aŋwaju.

El Apocalipsis 6:10

Y weju'c inʌc nʌ ñʌmyaju: Tʌs Ngomi Dios, mijte' te' wiyuŋbʌ y masanbʌ. ¿Jujche'casʌ'ŋ miste' maŋba ŋgʌme'chaju najsacopac-pʌnda'm wa'mis nyajnʌco'aŋgʌyaju te' 'yumbʌ'jayajupʌ's tʌs nʌ'pin?