1 Juan 5:19 - Zoque Copainalá New Testament

¹⁹ Mustambatʌ que Diojsistʌyʌ' 'yuneta'm, pero mumu ja'n wyʌ'aŋja'moyapyʌ 'yaŋgui'mba yatziwʌ's.

1 Juan 5:19 ပူးပေါင်းရင်းမြစ်များ

San Lucas 4:6

Y ñʌjayu te' diablo's: Maŋba'ʌsmij ndzi'u ñe'ta'm myʌja'ŋajcʌ' y wa'mis aŋgui'mu mumu yʌ'wʌ, porque ʌjyʌ' tzi'yajupʌ y iwʌ ʌs sunba ndzi'u, ndzi'pa'ʌs.

San Juan 12:31

Yʌtij nʌ cho'tzu wa'y quio'aŋgʌyaju najsacopajcʌsita'mbʌ's porque yʌ'še'ʌj nʌ tzʌquiaju. Yʌtij te' najsacopajcʌsipʌ yatzi-cowi'na ndʌŋgʌtejwa'mʌs.

San Juan 14:30

Ja'na'mʌj jene maŋu ndzamdzamnayu miji'ŋda'm porque jʌ'nʌ'a maŋba minu yʌ' najsacopajqui's yatzi-cowi'na. Pero te'wʌ's ja'nʌj aŋgui'mi ʌj.

San Juan 16:11

Maŋba yajmujšaju que Diojsis maŋba quiʌme'chaju porque Satanás, te' najsacopac-cowi'na, jyajcʌyjayajwa'a jutz maŋba quio'aŋgʌyu.

San Juan 17:15

Ja'ʌsmij nwa'cjay wa'mis nyajʌcʌ'yaju najsacopajcʌsi, sino que wa'mis ŋgomaquiaju yatziwʌpit.

Romanos 8:16

Te' mismopʌ Espiritu's, y tʌ ŋguipsoquiu'yistʌ yajmustamba que Diojsistʌte' 'yuneta'm.

2 Corintios 1:12

Pero ne'cʌtijtʌs nwʌcotzamba nwin, porque cotestigosajpatʌj ne' ndzoco'yis que tu'ŋajutʌj eyata'mbʌ pʌ'nojmo masa'najcu'yojmo y wiyu'ŋajcu'yojmo Diojsistʌj tzi'upʌ, y nimeque mi'ojmota'm. Tu'ŋajutʌj ja'nde' pʌ'nis myujsoquiupyit sino que Diojsis yajya'moquiupyit.

2 Corintios 4:4

Como ja'n wyʌ'aŋjamyay, yajopi'tjayaju te' yʌpyʌ diojsis ñe'ta'm ñʌctʌ'yoquiuy. Yʌ'šej chʌjcu wa'y jana ñʌctʌ'yaju te' evangelio, te' tzi'papʌ'stʌ sʌ'ŋgʌ' y chambapʌ's te' Cristo's myʌja'ŋajcuy. Yʌ' Cristo's ñʌ'itjayu Diojsis chocoy y itcuy.

2 Corintios 5:1

Mustambatʌ que juca yajpa yʌ' najsacopajcʌsipʌ tʌ ndʌc, tʌsyʌ' ŋgüerpo, ittamutʌ oyepʌ ndʌc Diojsistʌ tzi'tamupʌ. Yʌ'wʌ ja'nyʌ' yayepʌ te' tzajpojmo, ja'n cʌ'pit tujcupʌ.

Gálatas 1:4

Yʌ' Cristo's chi'oquia'u wyin wa'y quioca'jayu tʌta'm ŋgowa, y wa'ytyʌ yajcotzoctamu yʌmyajtʌ nʌ nwittamu'cše'ŋoyj yʌ' yatzita'mbʌ tiempo'ojmo. Te'šej šunu tʌ Ndata Diojsis wa'y tyujcu.

Efesios 2:2

Y wina ŋguiowapa'ttambamij inʌc cowapa'tyajpašej ja'n wyʌ'aŋja'moyapyʌ. Y ndzʌcjaytyambamis inʌc te' diablo's 'yaŋgui'mguy. Y te' diablo jeque yatzipʌ cowi'na-espiritute' y 'yaŋgui'mba mumu pʌmi'ʌyajupʌ yatzi-espiritu sawo'mo ijtyajpapʌ, y te'šejtijque' 'yaŋgui'mba te' pʌnda'm ja'n myato'ŋoyjayapyʌ's Dios.

2 Timoteo 1:12

Te'cotoya nʌ'ʌj ndoyapʌjcu yʌ'šejta'mbʌ tiyo'mo. Pero ja'nʌj ndza'ay porque muspa'mʌs ne'cʌ iwʌ'ʌste' nʌ nwʌ'aŋjamu, y muspa'mʌs que pʌmi'ʌyu wa'y quioquenjayu te' ʌs nitza'mʌyupʌ tiyʌ ñe'cʌcʌsi hasta ʌ'ta'mbʌ jamacotoya.

Tito 3:3

Porque tʌta'm wina te'šejtijtʌ inʌc jowi'ittaŋgue'tpa nuyu'ajcu'yojmo, y tocoquiu'yojmo. Nʌtu'ŋajtambatʌ inʌc tʌta'm ndzoco'yis yatzi su'noquiuy, y tiyʌta'm inʌc šunba tʌta'm ŋgüerpo's. Yatzitzoco'yajcuy y ñi'aŋsu'noquiuytyʌ inʌc nʌtu'ŋajtamba. Ngui'nišajpatʌ inʌc eyata'mbʌ, y ñe'cʌ'stʌ inʌc qui'nišajque'tpa.

Santiago 4:4

Ja mijta'm, cʌtzʌjcʌ'oyešejta'm mij. ¿Ja'nja mustame que iwʌ's sunba chʌjcu chʌquiajpašej te' jana wʌ'aŋja'moye'sta'm, te'wʌ's qui'nispa Dios? Te'cotoya iwʌ's sunba chʌcjojcʌtʌjcu te'šejta'mbʌ tiyʌ, te'wʌ's 'yenemigocotzʌcpa Dios.

1 Juan 3:14

Ca'uwʌše'andʌte' inʌc cowa'ojmo, pero mba'twa'ndʌ te' iscuy-quenguy. Mustambatʌ que yʌ'šejte' porque suñajpatʌ te' atzita'm. Iwʌ's ja'n šuni 'yatzi ca'uwʌšejmaj ijtu choco'yojmo.

1 Juan 3:24

Y iwʌ's quiojamjapya Diojsis 'yaŋgui'mguy, choco'yojmo ñʌ'itjojcʌtʌcpa Diojsis. Y Dios itjojcʌtʌcpa te'šejpʌ pʌ'nis choco'yojmo. Mustambatʌ que ñe'cʌ itjojcʌtʌcpa tʌta'm ndzoco'yojmo porque tzi'tamwa'ndʌ te' Espíritu Santo.

1 Juan 5:10

Iwʌ's wyʌ'aŋjamba Jesús, te' Diojsis 'Yune, myuspa choco'yojmo que wiyuŋšej quiotestigosaju Diojsis. Iwʌ's ja'n wyʌ'aŋjame Dios, nʌ quiomʌ'yu sutzpapʌte', porque ja'n wyʌ'aŋjame te' Diojsis quiotestigosajušej te' 'Yune.

1 Juan 5:13

Yʌ'šejta'mbʌ tiya'mʌsmij njayjaytyamu porque nwʌ'aŋjamdambamis te' Diojsis 'Yune, y wa'mis mustamu que nʌ'ittamumis ja'n yayepʌ quenguy, y wa'mis tumʌtzocoy nwʌ'aŋjamdamu te' Diojsis 'Yune.

1 Juan 5:15

Y juca mustambatʌ que cʌmato'ŋʌpyatʌ ñe'cʌ's tiyʌta'mdʌ nwa'cpa ñe'cʌcʌsi, mustambatʌ que tiyʌta'mdʌ nwa'cu maŋbapʌtʌte' mbʌjcʌchoŋu.

1 Juan 5:18

Muspatʌ que mumu jujche'ŋdʌ Diojsis 'yuneta'm ja'ndʌ ŋgowapa'tjojcʌtʌctame, porque te' Diojsis 'Yune'stʌ coquendamba y te' yatziwʌ's ja'ndʌ musi wʌyu.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

El Apocalipsis 12:9

Y tyʌŋdzi'po'tyaju tzajpojmoc te' maya'aŋbʌ dragón, te' ya'acpʌ tzan, ñʌjayajpapʌ diablo y Satanás, te' 'yaŋgoma'cʌ'pyapʌ's mumu najsacopac-pʌn. Tyʌŋdzi'po'tyaju jeque ñe'cʌ y te' 'yangelesta'm najsacopajcʌsi.

El Apocalipsis 20:3

Y tyʌŋdʌjcʌyu te' jʌŋgʌ'ojmo y 'yaŋgomucsʌtzajcu y šello'ʌyu te' aŋgomucs wa'y jana mujsu pyujtu wa'y minu 'yaŋgoma'cʌyaju nacioŋda'm hasta que ta'nba mil ame. Pijche'c maŋba pyu'pʌ'yaju uša'ŋ aŋsʌŋgotoya.