1 Juan 5:18 - Zoque Copainalá New Testament

¹⁸ Muspatʌ que mumu jujche'ŋdʌ Diojsis 'yuneta'm ja'ndʌ ŋgowapa'tjojcʌtʌctame, porque te' Diojsis 'Yune'stʌ coquendamba y te' yatziwʌ's ja'ndʌ musi wʌyu.

1 Juan 5:18 ပူးပေါင်းရင်းမြစ်များ

San Mateo 5:37

Pero tumʌnanʌmdamʌ jʌ'ʌ, o ja'ne. Juca más mis a'ŋʌytyamba, yatziwʌ'ste'ñe'.

San Mateo 6:13

Uytyʌj yajtʌjcʌy oc'išajpamʌytyʌj, Sino que yajcotzocatʌj yacha'cu'yojmoc. Porque mijte' 'yaŋgui'mopyapʌ y te' mʌja'ŋbʌ y te' pyʌcpapʌ's wa'ytyʌ nwʌcotzamu mumu jamacotoya. Amén.

San Juan 1:13

Y yʌ'ta'mbʌ pyʌjcʌchoŋyajpa 'yunešej ja'nde' te' yomoji'ŋbʌ pʌnjojmequepit, ni sijsis šu'noquiupyit, sino que Diojsis šu'noquiupyit.

San Juan 14:30

Ja'na'mʌj jene maŋu ndzamdzamnayu miji'ŋda'm porque jʌ'nʌ'a maŋba minu yʌ' najsacopajqui's yatzi-cowi'na. Pero te'wʌ's ja'nʌj aŋgui'mi ʌj.

San Juan 15:4

Itjojcʌtʌctamʌ ʌji'ŋ y ʌj maŋba'ʌj itjojcʌtʌjcu mista'm ndzoco'yojmo. Jujcha'nde' te' aŋmaŋda'm ja'n musi tyʌ'maju ñaytyumʌ juca wecspʌ'wa'a 'ya'ŋucucʌsi. Te'šejtijque' mijta'm ja'nmij musi ñdyʌ'majtamu juca ja'nmij itjojcʌtʌctame ʌji'ŋ.

San Juan 15:7

Juca ʌs ndzoco'yojmo mij itjojcʌtʌctamba, y juca ʌs ndzame itjojcʌtʌcpa mista'm ndzoco'yojmo, wa'ctamʌ tiyʌta'm mis sundamba y maŋba'ʌsmij ndzi'tamu.

San Juan 15:9

Jujcha' ʌs Ndata'sʌj sunba, te'šej ʌsmij sundaŋgue'tpa. Sunjojcʌtʌctamʌ'ʌj ʌsmij sunjojcʌtʌctambašej.

Hechos 11:23

Y nu'cu yʌ'wʌ y quienu jutz chi'yaju Diojsis yajya'moquiuy, y ñʌ'omu. Y pyʌmitzi'yaju chamepit mumuta'mbʌ wa'y tyumʌtzocoy quio'ŋjojcʌtʌcjayaju tʌ Ngomi.

Santiago 1:18

Porque ñe'cʌ's šunušej yajpʌ'najwʌtzʌctamutʌ nwʌ'aŋjamjaytyamu'ctʌ te' Diojsis wiyuŋbʌ chame. Chʌjcu te'šej wa'ytyʌ pʌjcʌchoŋdamu jujcha' ñe' wyin-uneta'm.

Santiago 1:27

Juca iwʌ's sunba ñʌtu'ŋaju oye te' masanbʌ y wiyuŋšejpʌ cʌna'tzʌ'oquiuy tʌ Ndata Diojsis wyi'naŋdʌjqui, pyʌcpa wa'y quiotzoŋyaju yaŋbacta'm y se'aŋ-yomota'm nʌ quieñajupʌ's toya, y wa'y quioquenu wyin masanbʌnšej uy chʌquiaju jana wʌ'aŋja'moye's chʌquiajpašej.

1 Pedro 1:23

Porque yʌtij njyomecotzʌctamwa'mij ndzoco'yojmo te' Diojsis chame's. Y te' Diojsis chame ja'nde' jujcha' yajpapʌ tiyʌ sino que itjojcʌtʌcpapʌ tiyʌte' y nunca ja'n yaye.

1 Juan 2:29

Juca mustambamis que yʌ' Cristo justopʌte', mustaŋgue'ta que iwʌ'sta'mis chʌquiajpa justota'mbʌ tiyʌ Diojsisande' 'yuneta'm.

1 Juan 3:12

Uytyʌ ndzʌctamu Cai'ŋis chʌjcušej. Satanajsiste' inʌc ñe', y yajca'u te' pyotzo. ¿Y tiyʌcotoyasʌ'ŋde' yajca'u? Porque te' ñe' chʌqui yatzita'mbʌte' inʌc, y te' pyotzo's chʌqui wʌta'mbʌte' inʌc.

1 Juan 3:3

Mumu jujche'ŋ ñe'cʌšej sunba tyuquiajupʌ's, quioqueñajpa cuenta uy quiowapa'tyaju jujcha' Cristo jaquiowapa'tʌ.

1 Juan 3:9

Mumu jujche'ŋ Diojsisa 'yuneta'm, ja'n quiowapa'tjojcʌtʌquiay, porque Diojsis quiotjayajwa'a choco'yojmo jomepʌ quenguy. Te'ta'mbʌ ja'na musi quiowapa'tyaju porque Diojsisande' 'yuneta'm.

1 Juan 4:6

Tʌta'm Diojsistʌte' ñe'ta'm. Iwʌ's ispʌcpa Dios, cʌmato'ŋʌpyatʌ. Y iwʌ ja'n Diojsisñe', ja'ndʌ cʌmato'ŋʌy. Yʌ'šejta'mbʌ tiyʌcʌsitʌ muspa iwʌ's pyʌjcʌchoŋba te' wiyuŋbʌ tiyʌ y iwʌ's ja'n pyʌjcʌchowe.

1 Juan 5:1

Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.

1 Juan 5:15

Y juca mustambatʌ que cʌmato'ŋʌpyatʌ ñe'cʌ's tiyʌta'mdʌ nwa'cpa ñe'cʌcʌsi, mustambatʌ que tiyʌta'mdʌ nwa'cu maŋbapʌtʌte' mbʌjcʌchoŋu.

1 Juan 5:19

Mustambatʌ que Diojsistʌyʌ' 'yuneta'm, pero mumu ja'n wyʌ'aŋja'moyapyʌ 'yaŋgui'mba yatziwʌ's.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

1 Juan 5:21

Tʌwʌy, coquendamʌ nwin umis ŋgʌna'tzʌytyamu chʌquichʌquita'mbʌ comi. Amén.

1 Juan 5:4

Porque jujche'ŋdʌ Diojsis 'yuneta'm ndzactambatʌ mumu yacha'cuy ijtupʌ najsacopajʌcʌsi. Y tʌte' nwʌ'aŋjamgupyit ndʌŋgʌspa'tpatʌ wa'ytyʌ nwʌyu najsacopajcʌsita'mbʌ yacha'cuy.

Judas 1:21

Como Diojsis jene sundambatʌ, coquendamʌ nwin wa'mis sundaŋgue'tu ñe'cʌ. Pacienciapit jo'ctamʌ wa'mij ŋguiotzococtuctamu y wa'mij ñchi'tamu ja'n yayepʌ quenguy tʌ Ngomi Jesucristo's te' tyo'ya'ŋʌ'oquiupyit.

Judas 1:24

Diojsismij maŋba ŋguioquendamu umij maŋu ñchʌcjopi'ttamu mista'm ŋgowa's, porque ñe'cʌ pʌmi'ʌyupʌte'. Y maŋbamij nya'aŋguejtamu ñe' wyi'naŋdʌjqui cowataca y oma'oma ñe' chi'muŋgʌ'ojmo.

El Apocalipsis 2:13

y que muspa'ʌs tiyʌta'm mis ndzʌctamba. Y musque'tpa'ʌs jutzpʌte' te' cumguy ijtumʌmyij. Tey ijtu Satanajsis 'yaŋgui'mʌtʌjcuy porque tey ijtu pyocscuy. Pero mis ŋgowʌ'aŋjamjaytyambamis ʌs nʌy, y paqui mij inʌc ittamu mis nwʌ'aŋjamgu'yojmo nimeque'ctij te' jamo'oyjtya'm ca'u'c ʌs wiyuŋdzambapʌ ndestigos Antipas. Te'wʌ yajca'yaju mi'ojmota'm, tepyʌ cumgu'yoyj ijtumʌy Satanajsis itcuy.