1 Juan 5:14 - Zoque Copainalá New Testament

¹⁴ Y nite'tzʌytyambatʌ Dios, y te'cotoya muspatʌ que ñe'cʌ'stʌ cʌmato'ŋʌpya nwa'ctamba'ctʌ tiyʌ'iwʌ ñe'cʌ's šunbašej.

1 Juan 5:14 ပူးပေါင်းရင်းမြစ်များ

San Mateo 21:22

Oto'ŋʌytyamba'cmis Dios, pyʌcpa wa'mij tumʌtzocoy nwyʌ'aŋja'moyu. Juca te'šej mij nwya'coytyamba maŋbamis mbʌjcʌchoŋdamu.

San Juan 11:42

Ʌs muspa'ʌs que ŋgʌmato'ŋʌyjojcʌtʌcpamisʌj. Pero yʌ' yʌy no'tznayajupʌ pʌngotoya ndzamu'ʌs te'šej wa'y myatoŋyaju y wyʌ'aŋjamyaju que misʌjyʌ' ŋgʌ'weju najsacopajcʌsi.

San Juan 14:13

Y tiyʌta'm mis nwa'cjaytyamba ʌs Ndataj ʌs nʌquiʌsi, te'wʌ ʌs maŋba ndzʌjcu. Te'še'ʌs maŋba ndzʌjcu wa'y quieju ʌs Ndata Diojsis myʌja'ŋajcuy ʌj, te' 'Yunepit.

San Juan 15:7

Juca ʌs ndzoco'yojmo mij itjojcʌtʌctamba, y juca ʌs ndzame itjojcʌtʌcpa mista'm ndzoco'yojmo, wa'ctamʌ tiyʌta'm mis sundamba y maŋba'ʌsmij ndzi'tamu.

San Juan 16:24

Yʌti'cše'ŋoyj yajtiyʌmajmis janwya'cjaytyamʌ ʌs Ndataj ʌs nʌquiʌsi. Wa'ctamʌ y maŋbamis mbʌjcʌchoŋdamu wa'mij 'yomdzocopyactamu.

San Juan 9:31

Mustambatʌ que Diojsis ja'n quiʌmato'ŋʌy cowatzʌquita'mbʌ. Pero juca iwʌjutiwʌ's quiʌna'tzpa Dios, y chʌcpa ñe'cʌ's šunbašej, yʌ'wʌ quiʌmato'ŋʌpya Diojsis.

Efesios 3:12

Te'cotoya yʌtij jana na'chcuytyʌ muspa ndo'mʌytyamu Dios porque tumʌtzʌctamutʌ Cristoji'ŋ. Te'šejtʌ muspa ndzʌjcu porque nwʌ'aŋjamdambatʌ y nijamdambatʌ Cristo Jesús.

Hebreos 10:35

Te'cotoya jeque uy tzocomyocha'tame. Quipstʌjwʌytyamʌ Diojsismij maŋba ñchi'tamupʌ tiyʌ.

Hebreos 3:14

Juca nite'tzʌytyamba Dios hasta ŋguendamba ñe'cʌ, y nwʌ'aŋjambatʌ jujcha'nde' mbʌjcʌchoŋdamu'cšejtʌ, maŋbatʌ nʌpʌctamu Cristo's jujche'ŋ ñe'cʌ's quiowindzʌmba.

Hebreos 3:6

Pero Cristo myato'ŋoyjayu Dios mumutiyʌcʌsi yojsu'c te' Diojsis pyʌ'nojmocta'm, y ñe'cʌte' te' pʌ'nista'm Quiomi, porque Diojsiste' 'Yune. Y te' pʌnda'm tʌta'mde', juca tumʌtzocoytyʌ nite'tzʌyjojcʌtʌctamba ñe'cʌ, y oma'omatʌ njo'ctamba.

Santiago 4:3

Y ñempe mis nwa'ctamʌ Dioscʌsi, ja'nmij ñchi'tame, porque ja'nmis nwa'ctame oyepʌ quipsoquiupyit sino que nwa'ctambamis wa'mis ndzʌctamu ne'ta'm su'noquiuy.

Santiago 5:16

Juca nʌmis maŋgocʌtʌctamu yʌ'wʌ te'wʌ atzi, cowʌ'aŋjamdamʌ mista'm ŋgowa ñe'cʌcʌsita'm y oto'ŋʌytyamʌ Dios ndʌwʌcotoyata'm wa'mij Diojsis nyajtzoctamu ŋguia'epa'ttamba'cmij. Juca te' justopʌ pʌ'nis wya'ctenapyacpa Dioscʌsi tiyʌ'iwʌ, Diojsis chʌcpa tiyʌta'm wya'cpa.

1 Juan 2:28

Yʌtij jeque, tʌwʌy, co'ŋjojcʌtʌctamʌ ñe'cʌ, uytyʌ maŋu na'tztamu ndzoco'yojmo ni ndza'ajtamu ñe' wyi'naŋdʌjqui tzajpojmo'ca nʌ wyanajcu'c nʌ'ca minu.