1 Juan 5:13 - Zoque Copainalá New Testament

¹³ Yʌ'šejta'mbʌ tiya'mʌsmij njayjaytyamu porque nwʌ'aŋjamdambamis te' Diojsis 'Yune, y wa'mis mustamu que nʌ'ittamumis ja'n yayepʌ quenguy, y wa'mis tumʌtzocoy nwʌ'aŋjamdamu te' Diojsis 'Yune.

1 Juan 5:13 ပူးပေါင်းရင်းမြစ်များ

San Juan 1:12

Pero jujche'ŋ iwʌ's pyʌjcʌchoŋyaju ñe'cʌ, y wyʌ'aŋjamyaju que ñe'cʌte' te' Mesías, yʌ'wʌ's maŋba yajmujšaju que Diojsis pyʌjcʌchoŋyaju 'yunešej.

San Juan 2:23

Jerusale'ŋojmo ijtu'c Jesús pascua-sʌ'ŋoyj wyʌ'aŋjamyaju wʌwʌta'mbʌ's que ñe'cʌte' te' Mesías, quienjayaju'ca isaŋwʌ'ajcuy nʌ inʌc chʌjcupʌ.

San Juan 20:31

Pero yʌ' ja'yʌyajupʌ tiyʌ ja'yʌyu wa'mis nwʌ'aŋjamdamu que Jesuste' te' Cristo, te' Diojsis 'Yune. Y mista'm nwʌ'aŋjamgupyit nite'tzʌytyambamis ñe'cʌ wa'mis mba'ttamu iscuy-quenguy.

San Juan 21:24

Ʌjte' te' cʌ'aŋmaye quiotestigosajpapʌ's yʌ'šejta'mbʌ tiyʌ, y nja'yʌyu'ʌs yʌ'šejta'mbʌ tiyʌ. Y mustambatʌ que ʌs ŋgotestigosajpašej wiyuŋbʌ tiyʌte'.

San Juan 3:18

Iwʌ'sʌj wʌ'aŋjamba ʌj ja'n yajtiyʌ quio'aŋgʌy. Pero iwʌ'sʌj ja'n wʌ'aŋjame maŋba quio'aŋgʌyu, porque jawyʌ'aŋjamʌ ʌj te' Diojsis 'Yune.

San Juan 5:24

Wiyuŋše'ʌsmij nwiyuŋdzamjaytyamba: Iwʌ's quiʌmato'ŋʌpya ʌs ndzamyajupʌ tiyʌ, y wyʌ'aŋjamba te' cʌ'wejupʌ'sʌj, pya'twa'a ja'n yayepʌ iscuy-quenguy. Y te'wʌ's ja'n maŋu quio'aŋgʌyu quiowa. Ñempe ca'uwʌše'a inʌc quiowa'ojmo pya'twa'nde' iscuy-quenguy.

Hechos 3:16

Y yʌ' Jesujsis ñʌquiʌsipʌ wʌ'aŋjamgupyit yajtzojcu Jesujsis yʌ' pʌn nʌmis ŋguendamupʌ y ispʌctambapʌmis. Te' Jesujsistʌ tzi'tambapʌ wʌ'aŋjamgupyit, ijtu yʌ'wʌ's cota'nupʌ ša'sa'ajcuy mista'm nwi'naŋdʌjqui.

Hechos 4:12

Y eyawʌ's ja'ndʌ musi yajcotzojcu, porque na' ñe' ñʌquiʌsi cotzoquiajpa najsacopajcʌsita'mbʌ pʌn.

2 Corintios 5:1

Mustambatʌ que juca yajpa yʌ' najsacopajcʌsipʌ tʌ ndʌc, tʌsyʌ' ŋgüerpo, ittamutʌ oyepʌ ndʌc Diojsistʌ tzi'tamupʌ. Yʌ'wʌ ja'nyʌ' yayepʌ te' tzajpojmo, ja'n cʌ'pit tujcupʌ.

Gálatas 4:6

Y como 'yuneta'm mij, Diojsis quiojtu te' 'Yune's 'Yespiritu mista'm ndzoco'yojmo, y te'wʌ's wyejwindzoŋba, y nʌmba: Abba, Tatay.

1 Pedro 5:12

Y yʌ' Silvano ʌs jicapyʌ atziše'ʌs nʌ'ijtu. Y ñe'cʌ ʌs nʌ nyaja'yʌyu yajtya' metza tuca'y ʌs ndzame yʌ' carta'ojmo, y ñe'cʌ's maŋba ñʌminu mij ittamumʌy. Sunba'ʌsmij mbaquitzi'tamu ndzoco'yojmo yʌ' cartapit wa'yʌsmij ndzamjaytyamu Diojsis wiyuŋšejpʌ yajya'moquiuy. Te'cotoya maŋdzʌ'yu'c nʌmdamʌ: Ja'ndiyʌ eyapʌ Dios yajyambapʌ'stʌ.

1 Juan 1:4

Y yʌ'šejta'mbʌ tiyʌtʌsmij njayjaytyamba wa'ytyʌ omdzocopyactamu.

1 Juan 2:1

Tʌwʌy, yʌ'šejta'mbʌ tiyʌ'ʌsmij nʌ njayjaytyamu wa'mij jana ŋguiowapa'ttamu. Y juca iwʌjutiwʌ cowapa'tpa, te' justopʌ Jesucristo'stʌ maŋba co'otoŋu Diojsis wyi'naŋdʌjqui.

1 Juan 2:21

Nʌ'ʌsmij njayjaytyamu ja'nde' porque ja'nmis mustame wiyuŋbʌ tiyʌ, sino porque mustamba'mis. Porque sutzi ñʌtu'ŋajyajpapʌ's ja'n wyiyuŋdzamyay.

1 Juan 2:25

Y Jesucristo'stʌte' tzamdzi'tamu te' ja'n yayepʌ quenguy.

1 Juan 2:26

Yʌ' nʌše'ʌsmij njayjaytyamu wa'yʌsmijte' nyajmustamu te' sunbapʌ'smij 'yaŋgoma'cʌtʌjtamu.

1 Juan 3:23

Y yʌ'wʌte' te' ñe' 'yaŋgui'mguy: Wa'ytyʌ nwʌ'aŋjamjaytyamu te' 'Yune Jesucristo, y wa'ytyʌ našunʌtʌjtamu ne'co'mo, ñe'cʌ'stʌ aŋgui'mdamušej.

1 Juan 4:9

Yajquenutʌ Diojsis que ñe'cʌ's sundambatʌ, porque quiʌ'weju te' tʌŋdumʌpʌ 'Yune najsacopajcʌsi wa'ytyʌ mba'ttamu quenguy ñe'cʌpit.

1 Juan 5:10

Iwʌ's wyʌ'aŋjamba Jesús, te' Diojsis 'Yune, myuspa choco'yojmo que wiyuŋšej quiotestigosaju Diojsis. Iwʌ's ja'n wyʌ'aŋjame Dios, nʌ quiomʌ'yu sutzpapʌte', porque ja'n wyʌ'aŋjame te' Diojsis quiotestigosajušej te' 'Yune.

1 Juan 5:11

Y yʌ'šejte' chamu Diojsis: Que ñe'cʌ'stʌte' tzi'tamu ja'n yayepʌ quenguy. Y te'šejpʌ quenguy tzi'patʌ 'Yunepit.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.