1 Juan 5:11 - Zoque Copainalá New Testament

¹¹ Y yʌ'šejte' chamu Diojsis: Que ñe'cʌ'stʌte' tzi'tamu ja'n yayepʌ quenguy. Y te'šejpʌ quenguy tzi'patʌ 'Yunepit.

1 Juan 5:11 ပူးပေါင်းရင်းမြစ်များ

San Mateo 25:46

Yʌ'ta'mbʌ maŋba tyʌjcʌyaju ja'n yayepʌ toya'ojmo. Pero te' justota'mbʌ maŋba tyʌjcʌyaju ja'n yayepʌ quengu'yojmo.

San Juan 1:19

Quiʌ'wejyaju te' judio'sta'm sacerdote y levitata'm Jerusale'ŋojmoc wa'y maŋu quiʌ'aŋwa'quiaju Juan: ¿Mij, iwa'mijyʌ'?

San Juan 1:4

Ñe'cʌte' te' iscuy-quenguy. Y te' iscuy-quenguy šajpapʌ ñe'cʌ's, te'wʌ'ste' šʌ'ŋgʌtzʌcjayajpa pʌ'nista'm chocoy.

San Juan 10:28

Y ʌs ndzi'yajpa'ʌs ja'n yayepʌ quenguy. Ja'n maŋu tyocoyaju mumu jamacotoya. Y ya'iwʌ's ja'n musi yajʌcʌ'jayaju ʌs ŋgʌ'ojmoc.

San Juan 12:50

Y ʌs muspa'ʌs que ñe'cʌ'sʌj aŋgui'myajupʌ tiyʌ yospa ja'n yayepʌ quenguquiotoya. Y tiyʌta'mʌj Ndata's aŋgui'mu, na' te'wʌ ʌs ndzamba.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 19:35

Tiyʌ'ʌs nʌ ndzamu ne' nwitʌmbi'tʌste' ŋguenupʌ. Y tiyʌ'ʌs ndzamba wiyuŋbʌ tiyʌte'. Y muspa'ʌs que tiyʌ'ʌs nʌ ndzamu wiyuŋbʌ tiyʌte' wa'mij nwyʌ'aŋja'moytyaŋgue'tu mijta'm.

San Juan 3:36

Iwʌ's wyʌ'aŋjamjapya te' 'Yune pya'twa'a ja'n yayepʌ quenguy. Pero iwʌ's ja'n myato'ŋoyjay te' 'Yune, ja'n pya'te te' ja'n yayepʌ quenguy, sino que ñe'cʌ's ijtu quiowa mumu jamacotoya, porque chʌjqui'šca'u Dios.

San Juan 4:36

Iwʌ's wyoctu'mʌpya te' tʌm, maŋba quioyojyaju. Y jujche'ŋ ñe'cʌ's wyoctu'mʌyajpapʌ y wʌ'aŋjamyajpa'ʌj maŋba pya'tyaju ja'n yayepʌ quenguy, wa'y tumʌ'ajcu'yoyj 'yomdzocopyaquiaju te' ñipyajpapʌ's y wyoctu'mʌyajpapʌ's.

San Juan 4:4

Y ijtupʌte' inʌc pyena wa'y quiʌtʌjcu Samaria-najsojmo.

San Juan 5:21

Jujcha'nde' ʌs Ndata's muspa yajwinsa'u ca'yajupʌ, y chi'yajpa quenguy, te'šejtijque' ʌs, te' 'Yune's, muspa'ʌs ndzi'u quenguy iwʌta'm ʌs sunba.

San Juan 5:26

Tʌ Ndata Diojsojmoc womba te' iscuy-quenguy, y te'še'ʌj tzi'que'tu ʌj, te' 'Yune, wa'y ʌ'ojmoc wyomu te' iscuy-quenguy.

San Juan 6:40

Y yʌ'šej šunba ʌs Ndata's: Jujche'ŋ iwʌ'sʌj ispʌcpa que ʌjte' te' Diojsis 'Yune, y wʌ'aŋjamba'ʌj, pya'tpa ja'n yayepʌ quenguy. Y ʌs maŋba'ʌs nyajwinsa'u ultimopʌ jamo'oyj.

San Juan 6:47

Wiyuŋše'ʌsmij nwiyuŋdzamjaytyamba: Iwʌ'sʌj wʌ'aŋjamba ʌj, pya'twa'a ja'n yayepʌ quenguy.

San Juan 6:68

'Yaŋdzoŋu Simón Pedro's: Señor, juca ndzacpatʌsmij, ¿iwa'ndʌs ŋgʌ'maŋba? Mis ndzambamis tiyʌ'stʌ tzi'pa ja'n yayepʌ quenguy.

Romanos 5:21

Te'šej tujcu, y ca'ʌnʌmjojcʌtʌjcu te' cowapit. Pero te' Diojsis yajya'moquiupyit tzi'patʌ ja'n yayepʌ quenguy tʌ Ngomi Jesucristo's. Mbʌjcʌchoŋbatʌ yʌ' ja'n yayepʌ quenguy te' jyusticiapit te' tzi'papʌtʌ.

Romanos 6:23

Porque te' cowa's quioyowa, ca'aŋde', pero Diojsistʌ saŋdzi'pa ja'n yayepʌ quenguy tʌta'm Ngomi Cristo Jesuspit.

1 Timoteo 1:16

Pero to'ya'ŋʌyu'ʌj Jesucristo's nimeque'ctij wa'y yajqueju wina ʌjcʌsi te' aŋba'tepʌ pyaciencia. Y te'šej chʌjcu wa'y quiengʌspʌquiaju ʌjcʌsi jujche'ŋ maŋbapʌ's wyʌ'aŋjamyaju ñe'cʌ wa'y pya'tyaju ja'n yayepʌ quenguy.

Tito 1:2

Nʌ'ʌs nyosjayu Dios porque njo'cpa'ʌs ja'n yayepʌ quenguy te' chamdzi'oquia'upʌ Diojsis maŋba'cmaj tyujcu yʌ' najsacopac. Y Dios yajujche'c ja'n šutzi.

1 Juan 2:25

Y Jesucristo'stʌte' tzamdzi'tamu te' ja'n yayepʌ quenguy.

1 Juan 4:10

Quendamʌ jutztʌ sundamba Diojsis. Ñempetʌ inʌc tʌ ja'n sundame ñe'cʌ, ñe'cʌ's wiyuŋšej sundambatʌ. Quiʌ'weju te' 'Yune wa'y chi'oquia'u wyin wa'y quioyojayu tʌta'm ŋgowa ca'u'c cruzcʌsi.

1 Juan 4:9

Yajquenutʌ Diojsis que ñe'cʌ's sundambatʌ, porque quiʌ'weju te' tʌŋdumʌpʌ 'Yune najsacopajcʌsi wa'ytyʌ mba'ttamu quenguy ñe'cʌpit.

1 Juan 5:10

Iwʌ's wyʌ'aŋjamba Jesús, te' Diojsis 'Yune, myuspa choco'yojmo que wiyuŋšej quiotestigosaju Diojsis. Iwʌ's ja'n wyʌ'aŋjame Dios, nʌ quiomʌ'yu sutzpapʌte', porque ja'n wyʌ'aŋjame te' Diojsis quiotestigosajušej te' 'Yune.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

1 Juan 5:7

Porque tuca'y ijtu tzajpojmo quiotestigosajyajpapʌ's te' Jesús: Tʌ Ndata Diojsis, te' Tzame's y te' Espíritu Santo's. Y yʌ' tuca'ytya'mbʌ tumo'oyjtya'm quipšajpa.

3 Juan 1:12

Mumu wʌ'aŋja'moye's wyʌcotzamyajpa Demetrio, y hasta te' wiyuŋbʌ tiyʌ's wyʌcocotpa. Y te'šejtijque' tʌs nwʌcotzambatʌs, y mustambamis que tʌj ja'ndʌj sutzi.

Judas 1:21

Como Diojsis jene sundambatʌ, coquendamʌ nwin wa'mis sundaŋgue'tu ñe'cʌ. Pacienciapit jo'ctamʌ wa'mij ŋguiotzococtuctamu y wa'mij ñchi'tamu ja'n yayepʌ quenguy tʌ Ngomi Jesucristo's te' tyo'ya'ŋʌ'oquiupyit.

El Apocalipsis 1:2

Y ʌs ŋgotestigosajapya'ʌs Diojsis chame y Jesucristo's chambašej y mumu tiyʌta'm ʌs ŋguenu.

El Apocalipsis 22:1

Jʌsa'ca yajquengue'tu'ʌj te' angelejsis tzusnʌpʌ mʌja nʌ', qui'toŋbapʌ jujcha' cristal, šajpapʌ's iscuy-quenguy. Yʌ' mʌja nʌ' nʌ inʌc wyomu Diojsis y Ñchowambe's 'yaŋgui'mʌtʌjcuy-pyocscuquiʌ'mʌ.