1 Juan 5:10 - Zoque Copainalá New Testament

¹⁰ Iwʌ's wyʌ'aŋjamba Jesús, te' Diojsis 'Yune, myuspa choco'yojmo que wiyuŋšej quiotestigosaju Diojsis. Iwʌ's ja'n wyʌ'aŋjame Dios, nʌ quiomʌ'yu sutzpapʌte', porque ja'n wyʌ'aŋjame te' Diojsis quiotestigosajušej te' 'Yune.

1 Juan 5:10 ပူးပေါင်းရင်းမြစ်များ

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

San Juan 3:18

Iwʌ'sʌj wʌ'aŋjamba ʌj ja'n yajtiyʌ quio'aŋgʌy. Pero iwʌ'sʌj ja'n wʌ'aŋjame maŋba quio'aŋgʌyu, porque jawyʌ'aŋjamʌ ʌj te' Diojsis 'Yune.

San Juan 3:33

Pero iwʌ's wyʌ'aŋjamba tiyʌta'm chamba, yʌ'wʌ's chamgopuŋba que Dios wiyuŋdzamba.

San Juan 5:38

Ni jañʌ'itjaytyamʌmis ñe' chame mista'm ndzoco'yojmo, porque ja'nmisʌj nwʌ'aŋjamdame ʌj, y ñe'cʌ'sʌjte' cʌ'weju.

Hechos 8:37

Y 'yaŋdzoŋu Felipe's: Juca tumʌtzocoy mis nwʌ'aŋjamba, muspamij ñʌ'yʌyu. Y aŋdzoŋu: Nwʌ'aŋjamba'ʌs que te' Jesucristo Diojsis te' 'Yune.

Romanos 8:16

Te' mismopʌ Espiritu's, y tʌ ŋguipsoquiu'yistʌ yajmustamba que Diojsistʌte' 'yuneta'm.

Gálatas 4:1

Pero nʌmgue'tpa'ʌj que te' une, maŋbapʌ's ñʌtzʌ'yjayu tyata's itʌpa'tcuy, nʌ'cmaj myʌja'u coyosašej 'yaŋgui'mdochʌquiajpa, ñempe ñe'cʌte' te' itʌpa'tcu'yis quiomi.

Gálatas 4:6

Y como 'yuneta'm mij, Diojsis quiojtu te' 'Yune's 'Yespiritu mista'm ndzoco'yojmo, y te'wʌ's wyejwindzoŋba, y nʌmba: Abba, Tatay.

Colosenses 3:3

Porque ñdyumʌtzʌctamwa'mij Cristoji'ŋ ñe' quia'a'ŋojmo y yʌtij Cristo Diosji'ŋa ijtu y ñe'cʌ'smij ñchi'tamba iscuy-quenguy.

Hebreos 3:12

Coquendamʌ cuenta jeque, atzita'm, uy ijtu mi'ojmota'm yatzipʌ tzocoy ja'n wyʌ'aŋja'mopyʌ. Juca te'šejpʌ tzocomyis nʌ'ittamu maŋbamis ndzactamu te' quenjojcʌtʌcpapʌ Dios.

2 Pedro 1:19

Y ŋguenwa'ndʌs jeque que tucwa'a tʌs nwi'naŋdʌjqui te' chamyajušej tza'maŋwa'oye'sta'm y muspatʌs que te' cha'maŋwajyajušej wiyuŋbʌ tiyʌte', y šʌ'ŋjayajpa pi'tza'ŋajcu'yojmo ijtyajupʌ. Pyʌcpa jeque wa'mis ŋgoquendamu cuenta te' tza'maŋwa'oye'sta'm chame hasta que taŋbʌ'nʌmba ʌ' jamo'oyj y hasta que yajsʌ'ŋjayajpa mista'm ndzocoy te' namdzuctya'a tzotpapʌ matza's.

1 Juan 1:10

Pero juca nʌmbatʌ que jaquiowapa'tʌtʌ, sutzpapʌ pʌnšejtʌ nʌ ŋgojtu Dios. Juca te'šejtʌ nʌmba ja'ndiyʌmaj ñe' chame tʌta'm ndzoco'yojmo.

1 Juan 5:1

Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.

El Apocalipsis 12:17

Pijche'ca te' drago'ŋis jene qui'šca'jayu te' yomo. Y maŋu ñʌquipcʌ'yjayaju te' yomo's 'yune'sta'm quiʌchʌ'yʌ, te' quiojamjayajpapʌ's Diojsis 'yaŋgui'mguy y quiotestigosajyajpa Jesucristo.

El Apocalipsis 2:17

Iwʌ's ijtyaju quiowi wa'y myatoŋyaju, yajcʌmato'ŋʌya te' Espíritu Santo's 'yoto'ŋʌyajpašej te' Diojsis tyu'mʌquiuytya'm. Iwʌ's ñʌwʌ'ajpa, maŋba'ʌs ndzi'u wa'y quiu'tu te' ja'nmaj quieyepʌ maná y maŋba'ʌs ndzi'u tumʌ popopʌ nama tza', y te' nama tza'cʌsi ja'yʌyumʌy jomepʌ nʌy. Y te'wʌ ya'iwʌ's ja'n maŋu ispʌjcu sino que te' pyʌjcʌchoŋbapʌ's.

El Apocalipsis 2:28

Te'cotoya iwʌ's ñʌwʌ'ajpa, maŋba'ʌs nyajsʌ'ŋjayu chocoy porque ʌjte' te' namdzuctya'a tzi'muŋu'c tzotpapʌ matza.