1 Juan 5:1 - Zoque Copainalá New Testament

¹ Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.

1 Juan 5:1 ပူးပေါင်းရင်းမြစ်များ

San Mateo 16:16

Y 'yaŋdzoŋu te' Simón Pedro's, y nʌmu: Mijte' te' Cristo te' quenbapʌ Diojsis 'Yune.

San Lucas 7:5

porque jene šunjapya tʌs nación, y ñe'cʌ's yajtenayjayu tʌs nwindʌc.

San Juan 1:3

Ñe'cʌpit tujcu mumutiyʌ. Y juca inʌc ja'n ñe'cʌpit, yajtiyʌ inʌc jatyucʌ.

San Juan 15:23

Iwʌ'sʌj qui'nispa ʌj, qui'nisjaquie'tpa ʌs Ndataj.

San Juan 3:3

Y ñʌjayu Jesujsis: Wiyuŋše'ʌsmij nwiyuŋdzamjapya, iwʌ ja'n pyʌ'najwʌtzʌqui ja'n musi quie'nʌyu jutz aŋgui'mba Dios.

San Juan 6:69

Y tʌs nwʌ'aŋjambatʌs y ispʌcbatʌsmij que mijte' te' Cristo. Mijte' te' Diojsis 'Yune, te' Diojsis ñe' pyʌmipit quengu'yʌyupʌ.

San Juan 8:42

Pijche'ca Jesujsis ñʌjayaju: Juca inʌc Dios mista'm Ndataj, wiyuŋšej sundambamisʌj inʌc ʌj, porque ʌj, tzu'cumu'ʌj ijtumʌy Dios, y minu'ʌj yʌy. Jaminʌ'ʌj ne' su'noquiupyit, ñe'cʌ'sʌjyʌ' cʌ'weju.

Hechos 8:36

Y te'šejtij nʌ tyu'ŋajyaju'c nu'quiaju ijtumʌy nʌ', y nʌmu te' eunuco: Yʌy ijtu nʌ'. ¿Tiyʌ'samʌj yajwinducpa u'yʌj nʌ'yʌyu?

Hechos 8:37

Y 'yaŋdzoŋu Felipe's: Juca tumʌtzocoy mis nwʌ'aŋjamba, muspamij ñʌ'yʌyu. Y aŋdzoŋu: Nwʌ'aŋjamba'ʌs que te' Jesucristo Diojsis te' 'Yune.

Santiago 1:18

Porque ñe'cʌ's šunušej yajpʌ'najwʌtzʌctamutʌ nwʌ'aŋjamjaytyamu'ctʌ te' Diojsis wiyuŋbʌ chame. Chʌjcu te'šej wa'ytyʌ pʌjcʌchoŋdamu jujcha' ñe' wyin-uneta'm.

1 Pedro 1:3

Wʌcotzamda'mitʌy Dios, tʌ Ngomi Jesucristo's Tyataj, porque aŋba'tetʌ toya'ŋʌytyamu. Te'cotoya jomecotzʌctamutʌ ndzoco'yojmo wa'ytyʌ jana na'chcuy njo'ctamu ja'n yayepʌ quenguy, porque winsa'u Jesucristo ca'yajupʌ'ojmoc.

1 Juan 2:10

Iwʌ's šunba 'yatzi, Diojsis šʌ'ŋgʌtzʌcjawya'a chocoy, y choco'yojmopʌ tiyʌ's ja'na yajcowapa'te.

1 Juan 2:29

Juca mustambamis que yʌ' Cristo justopʌte', mustaŋgue'ta que iwʌ'sta'mis chʌquiajpa justota'mbʌ tiyʌ Diojsisande' 'yuneta'm.

1 Juan 3:14

Ca'uwʌše'andʌte' inʌc cowa'ojmo, pero mba'twa'ndʌ te' iscuy-quenguy. Mustambatʌ que yʌ'šejte' porque suñajpatʌ te' atzita'm. Iwʌ's ja'n šuni 'yatzi ca'uwʌšejmaj ijtu choco'yojmo.

1 Juan 3:17

Pero iwʌ's pya'tpatij jyamacʌtʌjcuy, y quienba 'yatzi nʌ quienupʌ's toya y ja'n quiotzowe tiyʌ'iwʌpit, ¿jutza yajquejpa juca ijtu ñe' choco'yojmo te' Diojsis šu'noquiuy?

1 Juan 3:9

Mumu jujche'ŋ Diojsisa 'yuneta'm, ja'n quiowapa'tjojcʌtʌquiay, porque Diojsis quiotjayajwa'a choco'yojmo jomepʌ quenguy. Te'ta'mbʌ ja'na musi quiowapa'tyaju porque Diojsisande' 'yuneta'm.

1 Juan 4:2

Yʌ'wʌcʌsitʌ muspa iwʌ's ñʌ'itjayu Diojsis 'Yespiritu: Iwʌ tumʌtzocoy nʌmba que Jesuste' te' Cristo, Diojsis quiopiwi, y que minu pyʌ'naju jujcha' pʌn najsacopajcʌsi, te'šej quiowʌ'aŋjambapʌ's, te'wʌte' aŋma'yopyapʌ Diojsis 'Yespiritupit.

1 Juan 4:20

Juca iwʌ nʌmba: Ʌs sunba'ʌs Dios. Y juca te'wʌ'stij qui'nispa 'yatzi, sutzpapʌte'. Porque iwʌ's ja'n šuni te' 'yatzi nʌ quienupʌ, ¿jutza' jeque muspa šunu Dios ja'n nʌ quienupʌ?

1 Juan 4:7

Tʌwʌy, sundamba'ʌsmij. Pyʌcpa wa'ytyʌ našunʌtʌjtamu ne'co'mo, porque Diojsiste' šajpa te' našunʌtʌjcuy. Mumu jujche'ŋdʌ ndumʌtzocoy našunʌtʌjtamba, Diojsisandʌte'ñe', y ispʌcpa Dios.

1 Juan 5:18

Muspatʌ que mumu jujche'ŋdʌ Diojsis 'yuneta'm ja'ndʌ ŋgowapa'tjojcʌtʌctame, porque te' Diojsis 'Yune'stʌ coquendamba y te' yatziwʌ's ja'ndʌ musi wʌyu.

1 Juan 5:4

Porque jujche'ŋdʌ Diojsis 'yuneta'm ndzactambatʌ mumu yacha'cuy ijtupʌ najsacopajʌcʌsi. Y tʌte' nwʌ'aŋjamgupyit ndʌŋgʌspa'tpatʌ wa'ytyʌ nwʌyu najsacopajcʌsita'mbʌ yacha'cuy.

1 Juan 5:5

¿Iwʌ'sasʌ'ŋde' tyʌŋgʌspa'tpa wa'y wyʌyu najsacopajcʌsipʌ yacha'cuy? Wyʌyajpa jujche'ŋ wyʌ'aŋjamyajpapʌ's que Jesuste' te' Diojsis 'Yune.