1 Juan 4:9 - Zoque Copainalá New Testament

⁹ Yajquenutʌ Diojsis que ñe'cʌ's sundambatʌ, porque quiʌ'weju te' tʌŋdumʌpʌ 'Yune najsacopajcʌsi wa'ytyʌ mba'ttamu quenguy ñe'cʌpit.

1 Juan 4:9 ပူးပေါင်းရင်းမြစ်များ

San Marcos 12:6

Itque'tu inʌc tumʌwʌ 'yune šunbapʌ. Te'wʌ quiʌ'wejque'tu último ñe'ca'ŋʌta'm y nʌmu: Yʌ' ʌs une maŋba quiʌna'tzʌyjayaju.

San Lucas 4:18

Tʌ Ngomi's 'Yespiritu ijtu ʌjcʌsi, Porque copiŋu'ʌj wa'yʌs minu ndzamgopuŋu oyeta'mbʌ tiyʌ pobreta'mbʌcotoya. Y cʌ'weju'ʌj wa'yʌs nyajtzoquiaju te' toya'ojmo ijtyajupʌ, Y wa'yʌs ŋgoquipyaju preso'mo ijtyajupʌ wa'y pyujtyaju, Y wa'y šʌ'ŋyaju to'tita'mbʌ's wyitʌm, Y wa'y chʌcʌpʌ'yatʌju te' nʌ yacsnutzʌquiatʌjuwʌ.

San Juan 10:10

Te' nu'mbapʌ minba wa'ytye' ñu'mu, y yajca'oyu y yajtoco'yoyu. Ʌj minu'ʌj wa'yʌs ndzi'yaju jomepʌ quenguy, y wa'y omgomʌ'ñaju te' jomepʌ quengu'yojmo.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

San Juan 3:18

Iwʌ'sʌj wʌ'aŋjamba ʌj ja'n yajtiyʌ quio'aŋgʌy. Pero iwʌ'sʌj ja'n wʌ'aŋjame maŋba quio'aŋgʌyu, porque jawyʌ'aŋjamʌ ʌj te' Diojsis 'Yune.

San Juan 5:23

Yʌ'šej chʌjcu wa'yʌj cʌna'tzʌyaju ʌj jujcha' quiʌna'tzʌyajpa ñe'cʌ ʌs Ndata Dios. Iwʌ'sʌj ja'n cʌna'tzʌy ʌj, te' 'Yune, ja'n quiʌna'tzʌyjay ʌs Ndataj cʌ'wejupʌ'sʌj.

San Juan 6:29

'Yaŋdzoŋyaju Jesujsis: Yʌ'šejte' šunba Diojsis wa'mis ndzʌctamu, wa'misʌj nwʌ'aŋjamdamu ʌj, porque Diojsisʌjyʌ' cʌ'weju.

San Juan 6:51

Ʌjte' te' pan wanajcupʌ tzajpojmoc, y šajpapʌ's quenguy. Juca iwʌ's wyi'cpa yʌ' pan, maŋba pya'tu ja'n yayepʌ quenguy. Y te' pan ʌs maŋba ndzi'oquia'upʌ, ʌste' ŋgüerpo. Ndzi'oquia'pa'ʌs wa'y pya'tyaju iscuy-quenguy najsacopajcʌsita'mbʌ's.

San Juan 6:57

Ʌs Ndata Dios ñe' pyʌmipit quengu'yʌyu, y ñe'cʌ'sʌj cʌ'weju. Y jutzʌj ʌj ñe'cʌpit quengu'yʌyu, te'šej iwʌ's quiʌ'sjapya ʌs sis pya'twa'a ʌjpit te' ja'n yayepʌ quenguy.

San Juan 8:29

Porque ʌj Ndata'sʌjyʌ' cʌ'weju y ʌji'ŋ ijtu. Jachacʌti'ʌj naytyumʌ Ndata's, porque ndzʌcjojcʌtʌcpa'ʌs šunbašej ñe'cʌ's.

San Juan 8:42

Pijche'ca Jesujsis ñʌjayaju: Juca inʌc Dios mista'm Ndataj, wiyuŋšej sundambamisʌj inʌc ʌj, porque ʌj, tzu'cumu'ʌj ijtumʌy Dios, y minu'ʌj yʌy. Jaminʌ'ʌj ne' su'noquiupyit, ñe'cʌ'sʌjyʌ' cʌ'weju.

San Juan 9:3

Aŋdzoŋu Jesús: Ja'nde' juca cowapa'tu yʌ'wʌ, ni tyatajta'm, sino que wa'ytye' quieju Diojsis isaŋwʌ'ajcuy ñe'cʌcʌsi.

Romanos 8:32

Te' jatyo'ya'ŋʌpʌ's ni te' ñe' 'Yune, sino que chi'oquia'u mumu tʌcotoyata'm, ¿ja'nsʌ'ŋdʌ tzi'taŋgue'te ñe'cʌji'ŋ mumutiyʌ? Tzi'wa'ndʌ.

Hebreos 1:5

Porque nijutipʌ angelesmaj jañʌjatyʌ'ʌ Diojsis yajtya' tumnaca: Mijte' te' ʌs Une, Išo'yʌs nyajquejpa que mijte' te' ʌs Une. Ni jachamʌ nijutipʌ ángeles wa'y ñʌmu: Ʌjte' te' Tyataj, Ne'cʌ ʌste' Une.

1 Juan 3:16

Jesucristo'stʌte' yajquenu jutz pyʌcpa wa'ytyʌ su'noytyamu. Ñe'cʌ's chi'oquia'u wyin tʌcotoyata'm. Te'šejtijque' pyʌcpa wa'ytyʌ ndzi'oquia'tamu ne' nwin atzicotoyata'm ñempetʌ yajca'ya pʌ'nis.

1 Juan 4:10

Quendamʌ jutztʌ sundamba Diojsis. Ñempetʌ inʌc tʌ ja'n sundame ñe'cʌ, ñe'cʌ's wiyuŋšej sundambatʌ. Quiʌ'weju te' 'Yune wa'y chi'oquia'u wyin wa'y quioyojayu tʌta'm ŋgowa ca'u'c cruzcʌsi.

1 Juan 4:16

Y tʌta'm mustamba'ndʌ ndzoco'yojmo y nwʌ'aŋjamdamwa'ndʌ que jene tʌ sundamba Diojsis. Diojsis šajpa su'noquiuy. Y iwʌ's šunba Dios y eyata'mbʌ pʌn, Diojsis ñʌ'itjojcʌtʌcpa te'šejpʌ pʌn choco'yojmo, y te' pʌ'nis choco'yojmo itjojcʌtʌcpa Dios.

1 Juan 5:11

Y yʌ'šejte' chamu Diojsis: Que ñe'cʌ'stʌte' tzi'tamu ja'n yayepʌ quenguy. Y te'šejpʌ quenguy tzi'patʌ 'Yunepit.

1 Juan 5:13

Yʌ'šejta'mbʌ tiya'mʌsmij njayjaytyamu porque nwʌ'aŋjamdambamis te' Diojsis 'Yune, y wa'mis mustamu que nʌ'ittamumis ja'n yayepʌ quenguy, y wa'mis tumʌtzocoy nwʌ'aŋjamdamu te' Diojsis 'Yune.