1 Juan 4:4 - Zoque Copainalá New Testament

⁴ Tʌwʌy, Diojsismijyʌ' ñe'ta'm y te'cotoya nwʌytyamwa'mis yʌ' sujchajpapʌ. Porque te' Dios, te' ijtupʌ mista'm ndzoco'yojmo, maste' pʌmi'ʌyupʌ que ja'nde' yatziwʌ, aŋgui'mbapʌ najsacopajcʌsi.

1 Juan 4:4 ပူးပေါင်းရင်းမြစ်များ

San Juan 12:31

Yʌtij nʌ cho'tzu wa'y quio'aŋgʌyaju najsacopajcʌsita'mbʌ's porque yʌ'še'ʌj nʌ tzʌquiaju. Yʌtij te' najsacopajcʌsipʌ yatzi-cowi'na ndʌŋgʌtejwa'mʌs.

San Juan 14:30

Ja'na'mʌj jene maŋu ndzamdzamnayu miji'ŋda'm porque jʌ'nʌ'a maŋba minu yʌ' najsacopajqui's yatzi-cowi'na. Pero te'wʌ's ja'nʌj aŋgui'mi ʌj.

San Juan 16:11

Maŋba yajmujšaju que Diojsis maŋba quiʌme'chaju porque Satanás, te' najsacopac-cowi'na, jyajcʌyjayajwa'a jutz maŋba quio'aŋgʌyu.

San Juan 17:23

Ʌj tʌjcʌwya'mʌj ñe'ta'm choco'yojmo, y mij, ñdyʌjcʌyumij ʌs ndzoco'yojmo, wa'y tumo'oyj quipsoyaju choco'yojmo myuma'ŋgʌ'y. Y como tumʌpʌ quipsoquiuytyʌ nʌtu'ŋajpa, te'wʌcʌsi maŋba myujšaju jana wʌ'aŋja'moye's que misʌjyʌ' ŋgʌ'weju, y ʌj misʌj sunbašej, te'šejmis sunjayajpa ʌs nwʌ'aŋja'moye.

Romanos 8:31

¿Tiya'ndʌ jeque ndzamba te'šejta'mbʌ tiyʌcʌsi? Juca Dios ijtu tʌji'ŋ ja'ndʌ iwʌ's tʌŋgʌteye.

Romanos 8:37

Pero como ijtu iwʌ'stʌ sunba, ñe'cʌpit matzcomʌ'ndambatʌ mumu yʌ'šejta'mbʌ tiyʌ.

1 Corintios 2:12

Pero tʌs jambyʌjcʌchoŋjatʌs pʌ'nista'm myujsoquiuy, sino que mbʌjcʌchoŋutʌs te' Espíritu Santo, te' tzi'upʌtʌj Diojsis wa'ytyʌ mustamu tiyʌtʌ tzi'u ñe'cʌ's.

1 Corintios 6:13

Te' cu'tcuy tʌ ndzejcotoya, y tʌ ndzec cu'tcuquiotoya, pero myejtzji'ŋ maŋba yajyaju Diojsis. Pero tʌ ŋgüerpo ja'nde' ispʌquitzʌjcuquiotoya, sino que tʌ Ngomicotoya, y tʌ Ngomi's quiotzoŋjapya tʌ ŋgüerpo.

2 Corintios 4:4

Como ja'n wyʌ'aŋjamyay, yajopi'tjayaju te' yʌpyʌ diojsis ñe'ta'm ñʌctʌ'yoquiuy. Yʌ'šej chʌjcu wa'y jana ñʌctʌ'yaju te' evangelio, te' tzi'papʌ'stʌ sʌ'ŋgʌ' y chambapʌ's te' Cristo's myʌja'ŋajcuy. Yʌ' Cristo's ñʌ'itjayu Diojsis chocoy y itcuy.

2 Corintios 6:16

¿Tiya' ijtu Diojsis tyʌjquis te' comichʌquiji'ŋda'm? Porque tʌta'mde' te' quenbapʌ Diojsis tyʌc ijtumʌy ñe'cʌ. Yʌ'šej nʌmu Dios: Maŋba'ʌj ijtu ñe'ta'm choco'yojmo, Y maŋba'ʌj nwijtu ñe'co'mota'm, Y ʌjte' te' ñe'ta'm Dios, Y ñe'cʌta'mde' ʌs mbʌnda'm.

Efesios 2:2

Y wina ŋguiowapa'ttambamij inʌc cowapa'tyajpašej ja'n wyʌ'aŋja'moyapyʌ. Y ndzʌcjaytyambamis inʌc te' diablo's 'yaŋgui'mguy. Y te' diablo jeque yatzipʌ cowi'na-espiritute' y 'yaŋgui'mba mumu pʌmi'ʌyajupʌ yatzi-espiritu sawo'mo ijtyajpapʌ, y te'šejtijque' 'yaŋgui'mba te' pʌnda'm ja'n myato'ŋoyjayapyʌ's Dios.

Efesios 3:17

Y nwa'que'tpa'ʌs Dioscʌsi wa'y itjojcʌtʌjcu te' Cristo mumu jama mista'm ndzoco'yojmo porque nwʌ'aŋjamdambamis ñe'cʌ. Y nwa'que'tpa'ʌs wa'y paquic itjojcʌtʌjcu Cristo's šu'noquiuy mi'ojmota'm.

Efesios 6:10

Y yʌtij, atzita'm, paquic ittamʌ porque ñdyumʌtzʌctamwa'mij tʌ Ngomiji'ŋ te' maya'aŋbʌ's pyʌmi.

1 Juan 2:1

Tʌwʌy, yʌ'šejta'mbʌ tiyʌ'ʌsmij nʌ njayjaytyamu wa'mij jana ŋguiowapa'ttamu. Y juca iwʌjutiwʌ cowapa'tpa, te' justopʌ Jesucristo'stʌ maŋba co'otoŋu Diojsis wyi'naŋdʌjqui.

1 Juan 2:13

Y mijta'm, tatajta'm, nʌ'ʌsmij njayjaytyaŋgue'tu, porque ispʌctambamis Cristo, te' ijtupʌytya' inʌc maŋba'cmaj tyujcu mumutiyʌ. Y mijta'm, unepʌnda'm, nʌ'ʌsmij njayjaytyaŋgue'tu, porque nwʌytyamwa'mis te' yatziwʌ. Y mij, uneta'm, nʌ'ʌsmij njayjaytyaŋgue'tu, porque ispʌctamba'mis tʌ Ndata Dios.

1 Juan 3:20

Pero juca aŋjambatʌ ndzoco'yojmo que ja'ndʌ nwʌ'aŋjamdame te' wiyuŋbʌ tiyʌ, más oye wa'ytyʌ nwʌ'aŋjamdamu Dios que ja'n tʌta'm ndzocoy, porque ñe'cʌ's myuspa mumutiyʌ.

1 Juan 3:24

Y iwʌ's quiojamjapya Diojsis 'yaŋgui'mguy, choco'yojmo ñʌ'itjojcʌtʌcpa Diojsis. Y Dios itjojcʌtʌcpa te'šejpʌ pʌ'nis choco'yojmo. Mustambatʌ que ñe'cʌ itjojcʌtʌcpa tʌta'm ndzoco'yojmo porque tzi'tamwa'ndʌ te' Espíritu Santo.

1 Juan 4:13

Mustambatʌ que ñe'cʌ Diojsis nʌ'itjojcʌtʌctambatʌ ñe' choco'yojmo, y ñe'cʌ itjojcʌtʌcpa tʌta'm ndzoco'yojmo. Mustambatʌ yʌ'šej porque ñe'cʌ'stʌ tzi'tamu te' ñe' 'Yespiritu Santo.

1 Juan 4:16

Y tʌta'm mustamba'ndʌ ndzoco'yojmo y nwʌ'aŋjamdamwa'ndʌ que jene tʌ sundamba Diojsis. Diojsis šajpa su'noquiuy. Y iwʌ's šunba Dios y eyata'mbʌ pʌn, Diojsis ñʌ'itjojcʌtʌcpa te'šejpʌ pʌn choco'yojmo, y te' pʌ'nis choco'yojmo itjojcʌtʌcpa Dios.

1 Juan 4:6

Tʌta'm Diojsistʌte' ñe'ta'm. Iwʌ's ispʌcpa Dios, cʌmato'ŋʌpyatʌ. Y iwʌ ja'n Diojsisñe', ja'ndʌ cʌmato'ŋʌy. Yʌ'šejta'mbʌ tiyʌcʌsitʌ muspa iwʌ's pyʌjcʌchoŋba te' wiyuŋbʌ tiyʌ y iwʌ's ja'n pyʌjcʌchowe.

1 Juan 5:19

Mustambatʌ que Diojsistʌyʌ' 'yuneta'm, pero mumu ja'n wyʌ'aŋja'moyapyʌ 'yaŋgui'mba yatziwʌ's.

1 Juan 5:4

Porque jujche'ŋdʌ Diojsis 'yuneta'm ndzactambatʌ mumu yacha'cuy ijtupʌ najsacopajʌcʌsi. Y tʌte' nwʌ'aŋjamgupyit ndʌŋgʌspa'tpatʌ wa'ytyʌ nwʌyu najsacopajcʌsita'mbʌ yacha'cuy.

El Apocalipsis 12:11

Te' tʌta'm atzi'sta'm wyʌyajwa'a Satanás porque te' Ñchowambe Jesucristo's quioca'yaju ñe'cʌta'm 'yumbʌ'u'c ñʌ'pin y te'šejtijque' ñʌwʌ'ajyajwa'a porque quiotestigosajyaju Jesús, y jatyo'ya'ŋʌya wyin ni jaña'cha wa'y quia'yaju.