1 Juan 4:11 - Zoque Copainalá New Testament

¹¹ Tʌwʌy, sundamba'ʌsmij. Juca te'šej tʌ sundamu Diojsis, te'šejtijque' pyʌcpa wa'ytyʌ našunʌtʌjtamu ne'co'mo.

1 Juan 4:11 ပူးပေါင်းရင်းမြစ်များ

San Lucas 10:37

Y te' aŋgui'mguy-myujsoye nʌmu: Te' tyo'ya'ŋʌyupʌ's. Pijche'ca Jesujsis ñʌjayu: Mawʌ, y te'šej tzʌjque'ta mis.

San Juan 13:34

Jomepʌ aŋgui'mgu'yʌsmij ndzi'tamba. Yʌ'wʌte': Wa'mij našunʌtʌjtamu ne'co'mo. Jujcha' ʌsmij sundamušej, te'šejmij wa'y našunʌtʌjtaŋgue'tu ne'co'mo.

Efesios 4:31

Uy nʌ'ittame tacapyʌ tzocoy mi'ojmota'm, ni uy nu'motoŋdame, ni uy nisujtzʌytyame mis atzita'm. Jambʌ'tamʌ te' qui'šca'cuy, y mawʌqui'šca'cuy y te' wejwejnaquiuy.

Colosenses 3:13

Juca ijtu tiyʌ'iwʌ qui'šca'cuy mi'ojmota'm, napyʌ'mgopajcʌtʌjtamʌ ne'co'mota'm y yajcotocoytyamʌ ndʌwʌ ne'co'mota'm. Te' nyajcotocoytyamušejmij Cristo's, te'šej yajcotocoytyamʌ mista'm ndʌwʌ.

1 Juan 2:7

Atzita'm, ja'ʌsmij nʌ njayjaytyamu jomepʌ aŋgui'mguy, sino que te' wina tʌjcʌyupʌ, te' nʌ'ittamupʌmis desde cho'tzcu'yojmo. Te' wina tʌjcʌyupʌ aŋgui'mguy, te'wʌtijte'que' te' tzame mbʌjcʌchoŋdamupʌmis nwʌ'aŋjamdamu'cmis Cristo.

1 Juan 3:11

Porque matoŋdamumis que chamyaju desde cho'tzcu'yojmo que pyʌcpapʌte' wa'ytyʌ našunʌtʌjtamu ne'co'mo.

1 Juan 3:23

Y yʌ'wʌte' te' ñe' 'yaŋgui'mguy: Wa'ytyʌ nwʌ'aŋjamjaytyamu te' 'Yune Jesucristo, y wa'ytyʌ našunʌtʌjtamu ne'co'mo, ñe'cʌ'stʌ aŋgui'mdamušej.

1 Juan 4:7

Tʌwʌy, sundamba'ʌsmij. Pyʌcpa wa'ytyʌ našunʌtʌjtamu ne'co'mo, porque Diojsiste' šajpa te' našunʌtʌjcuy. Mumu jujche'ŋdʌ ndumʌtzocoy našunʌtʌjtamba, Diojsisandʌte'ñe', y ispʌcpa Dios.

2 Juan 1:5

Y yʌtij yomoy, nwa'cjapya'ʌsmij wa'ytyʌ našunʌtʌjtamu ne'co'mo. Yʌ'wʌpit ja'ʌsmij nʌ njayjayu jomepʌ aŋgui'mguy, sino que te' aŋgui'mguy tʌs nʌ'ijtupʌ desde cho'tzcu'yojmo.