1 Juan 3:5 - Zoque Copainalá New Testament

⁵ Y mustambamis que Cristo minu najsacopajcʌsi wa'y yajʌcʌ'jayu tʌta'm ŋgowa, y ñe'cʌ jaquiowapa'tʌ.

1 Juan 3:5 ပူးပေါင်းရင်းမြစ်များ

San Mateo 1:21

Maŋba ya'ijtu te' 'yune, y maŋbamis ŋgotjayu ñʌy JESUS, porque ñe'cʌ's maŋba yajcotzojcu te' pyʌnda'm quiowa'ojmoc.

San Lucas 23:41

Tʌta'm, wiyuŋšej justopʌ tiyʌte' wa'ytyʌ ndoyapʌjcu, porque ndzʌjcupʌ tzʌquitʌte' nʌ ŋgo'aŋgʌyu. Pero yʌ'wʌ's jachʌcʌ yajtiyʌ cowa.

San Lucas 23:47

Quienu'ca te' capita'ŋis tiyʌ tujcu, myʌja'ŋwʌcotzamu Dios y nʌmu: Wiyuŋšej justopʌyʌ' inʌc yʌ' pʌn.

San Juan 1:29

Jo'pit quienu Jua'ŋis te' Jesús, nʌ'c minu ñe'ca'ŋi, y nʌmu Juan: Quendʌ'ʌ te' pʌn chi'oquia'upʌ Diojsis jujcha' ñchowambe, yajʌcʌ'japyapʌ's najsacopajcʌsita'mbʌ's quiowa.

San Juan 1:31

Y ʌs ja'ʌs inʌc musi juca Mesiaste'. Pero minu'ʌj nyajnʌ'yʌ'oyu nʌ'pit wa'y quieñaju ñe'cʌ te' Israel-pʌ'nista'm.

San Juan 14:30

Ja'na'mʌj jene maŋu ndzamdzamnayu miji'ŋda'm porque jʌ'nʌ'a maŋba minu yʌ' najsacopajqui's yatzi-cowi'na. Pero te'wʌ's ja'nʌj aŋgui'mi ʌj.

San Juan 8:46

¿Mi'ojmota'mbʌ's ijtusʌ'ŋ iwʌ's pya'tjapya ʌs ŋgowa? Nʌ'ʌs ndzamu wiyuŋbʌ tiyʌ, y ¿tiyajca'mʌjte' ja'n nwʌ'aŋjamdame?

2 Corintios 5:21

Cristo, te' jaquiowapa'tʌpʌ, chʌmidzi'pʌ'u cowa Diojsis tʌcotoyata'm wa'ytyʌ justococojtu Diojsis ñe' jyusticia'ojmo Cristopit.

1 Timoteo 1:15

Yʌ'wʌ jeque wiyuŋšejpʌ tzameyʌ', y pyʌcpa wa'y tyumʌtzocoy pyʌjcʌchoŋu mumu pʌ'nis. Wiyuŋšej, te' Cristo Jesús minu najsacopajcʌsi wa'y yajcotzojcu cowapa'tyajupʌ, y te'wo'mocta'm ʌjte' te' más cowatzʌqui.

1 Timoteo 3:16

Tiene que wa'ytyʌ ndzamu que mʌja'ŋbʌte' te' nʌtʌ nwʌ'aŋjamdamupʌ, te' Diojsis jayajqueyapʌ cʌtʌquiajupʌ aŋsʌ'ŋojmo. Yʌ'šejte' tujcu: Minu yajqueju Diojsis te' Cristo pʌnšej, Y chamu que justopʌte' Espíritu Santopit. Y quieñaju ñe'cʌ angelejsista'm. Chamgopuŋyajwa'a pʌ'nista'm te' nacio'ŋojmota'm. Wyʌ'aŋjamyajwa'a najsacopajcʌsita'mbʌ's. Y yajmʌja'ŋajwa'a Diojsis tzajpojmo.

Tito 2:14

Yʌ' Jesucristo's chi'oquia'u wyin wa'y quia'u tʌcotoyata'm wa'ytyʌ jupyuttamu y yajcotzoctamu mumu tʌta'm nyacha'cu'yojmoc. Y te'šej chʌjcu wa'y yajcowajayu tʌta'm ndzocoy wa'ytyʌ pʌjcʌchoŋu jujcha' ñe' 'yune, quiʌñʌñajpapʌ's wa'y chʌquiaju oyeta'mbʌ tiyʌ.

Hebreos 1:3

Yʌ' Diojsis 'Yune mʌja'ŋbʌyʌ' jujcha' Dios, y tzi'muŋba myʌja'ŋajcu'yojmo Diojsis myʌja'ŋajcupyit. Y Tyata Diojsis chocoy y itcuy ñʌ'itjayu. Y como mʌja'ŋbʌte', 'yaŋgui'mba ñe'cʌ's mumutiyʌ chamepit. Yajcowajayu'ca tʌta'm ndzocoy cowapit, pijche'c maŋu pyocspajcu tzajpojmo Diojsis chʌ'na'ŋoyj nimeque'ctijpʌ mʌja'ŋajcu'yojmo.

Hebreos 4:15

To'ya'ŋʌpyatʌ tʌyʌ' mʌja'ŋbʌ sacerdote-cowi'na's, porque mochita'mbʌtʌyʌ' y oc'išajpatʌ. Ñe'cʌ te'šejtij 'yoc'išajyajque'tu mumutiyʌcʌsi, pero jaquiowapa'tʌ.

Hebreos 7:26

Porque te'šejpʌ mʌja'ŋ sacerdotetʌte' inʌc sundamba: Masanbʌ, jaquiowapa'tʌpʌ, cowajupʌ, jamyotapʌ cowatzʌquiji'ŋda'm, y ñʌmaŋu Diojsis más cʌsmʌ que ja'nde' te' tzap.

Hebreos 9:26

Juca te'šej, pyʌcpa inʌc wa'y quia'u Cristo sone naca yʌy desde que tzo'tzu najsacopac. Pero jachʌcʌ te'šej, sino que ta'nu'ca te' cʌtʌquiajupʌ aŋsʌŋda'm minu chi'oquia'u wyin tumnacatij wa'y ñe'cʌ's quioca'jayu tʌta'm ŋgowa.

Hebreos 9:28

Wiyuŋšej te'šej tumnacatij ca'que'tu Cristo wa'y yajʌcʌ'jayu pʌ'nista'm quiowa. Pero maŋba minwʌtzʌjque'tu ja'n wa'y yajʌcʌ'jayu pʌ'nista'm quiowa, sino que wa'y minu yajcotzojcoctuquiaju jujche'ŋ nʌ jyo'quiajupʌ's.

1 Pedro 1:18

Porque mustambamis que njyupyujtʌtʌjtamumij ja'nde' yajpapʌ tiyʌpit jujcha' oro o plata, sino que te' Cristo's ñʌ'pinbit te' aŋba'tepʌ coyowapʌ tiyʌ Diojsis wyi'naŋdʌjqui. Y jujcha' Diojsis jayu'cʌpʌ Ñchowambe, te' ja'ndiyʌpʌ's quiowa, Cristo's 'yumbʌ'u ñʌ'pin mijcotoyata'm. Njyupyujtʌtʌjtamumij jeque wa'mis jana ŋgo'ŋdamu mista'm ndata's quiostumbre porque jojtacapʌ tiyʌte'.

1 Pedro 1:20

Diojsis quiopiŋu jeque te' Cristo antesquemaj tucpa najsacopac wa'y 'yumbʌ'u ñʌ'pin mijcotoyata'm. Pero jaminʌ Cristo hasta yʌ' ultimopʌ aŋsʌ'ŋojmo.

1 Pedro 2:22

Y Cristo jaquiowapa'tʌ, ni jachamʌ nijutzpʌ aŋgoma'cʌ'oquiuy.

1 Pedro 2:24

Yʌ' Cristo'ste' chi'oquia'u wyin tʌcotoyata'm y ñʌmaŋjayu tʌta'm ŋgowa ñe' cuerpocʌsi ca'u'c cruzcʌsi. Te'cotoya pyʌcpa wa'ytyʌ ca'uwʌšej ndzʌctamu nwin cowa's wyi'naŋdʌjqui u'yandʌ ŋgowapa'ttamu. Y pyʌjque'tpa wa'ytyʌ ndzʌcjojcʌtʌctamu justota'mbʌ tiyʌ. Porque te' ñe' tyoyapʌjcu'yis yajʌcʌ'jawya'a tʌta'm ŋgowa.

1 Pedro 3:18

Cristo's tiju quienu toya tumnaca tʌcotoyata'm. Ñe'cʌ justopʌte' y ca'u ja'n jyustota'mbʌcotoya wa'y yajʌ'cʌ'jayu tʌta'm ŋgowa y wa'ytyʌ yajtʌjcʌytyamu Diojsis wyi'naŋdʌjqui. Wiyuŋšej ca'u Cristo's cuerpo pero Diojsis yajwinsa'jayu. Y te' Cristo's ñe' 'yespiritu itjojcʌtʌcpa.

1 Juan 1:2

Diojsis yajquenutʌj quenequene yʌ' tzi'papʌ'stʌj quenguy. Y ŋguenutʌs, y ñe'cʌtʌs ŋgotzamba. Y nyajmustambatʌsmij que yʌ'wʌte' te' ja'n yayepʌ quenguy ijtupʌytya' inʌc tʌ Ndata Diosji'ŋ, y minutʌj yajquenu wyin.

1 Juan 1:7

Juca Diojsis šʌ'ŋgʌ' tʌ nʌtu'ŋajapya, sʌ'ŋjapyašejtʌ ñe'cʌ's, wiyuŋšejtʌ tumʌquipspa Diosji'ŋ, y Diojsis 'Yune's, Jesucristo's ñʌ'pi'nis yajcowajapya mumu tʌ ŋgowa.

1 Juan 2:1

Tʌwʌy, yʌ'šejta'mbʌ tiyʌ'ʌsmij nʌ njayjaytyamu wa'mij jana ŋguiowapa'ttamu. Y juca iwʌjutiwʌ cowapa'tpa, te' justopʌ Jesucristo'stʌ maŋba co'otoŋu Diojsis wyi'naŋdʌjqui.

1 Juan 2:2

Y yʌ' Cristo's chi'oquia'u wyin wa'y quioyojayu tʌta'm ŋgowa, ca'u'c cruzcʌsi. Y ja'n na' tʌta'mne' ŋgowata'm wa'y quioyojayu, sino que mumu najsacopajcʌsita'mbʌ'sñe'.

1 Juan 2:29

Juca mustambamis que yʌ' Cristo justopʌte', mustaŋgue'ta que iwʌ'sta'mis chʌquiajpa justota'mbʌ tiyʌ Diojsisande' 'yuneta'm.

1 Juan 3:8

Iwʌ cowapa'tjojcʌtʌcpa, Satanajsiste'ñe', porque Satanás cowapa'tjojcʌtʌcpa desde tzo'tzcu'yojmo. Y te' Diojsis 'Yune's minu wa'y yajayu te' Satanajsis yojsaŋ.

El Apocalipsis 1:5

Te'šejtʌ tzi'que'tpa Jesucristo's, te' jicapyʌ testigujsis, te' winbʌ winsa'upʌ ca'yajupʌ'ojmoc pʌngotoyata'm. Te'wʌte' te' cowi'na najsacopajcʌsita'mbʌ re'yisñe'. Mʌja'ŋgotzamda'mitʌy yʌ' Cristo, te' sundambapʌ'stʌ, te' yajcotocoyjayupʌ's tʌ ŋgowa 'yumbʌ'u'c ñʌ'pin tʌcotoyata'm.