1 Juan 3:24 - Zoque Copainalá New Testament

²⁴ Y iwʌ's quiojamjapya Diojsis 'yaŋgui'mguy, choco'yojmo ñʌ'itjojcʌtʌcpa Diojsis. Y Dios itjojcʌtʌcpa te'šejpʌ pʌ'nis choco'yojmo. Mustambatʌ que ñe'cʌ itjojcʌtʌcpa tʌta'm ndzoco'yojmo porque tzi'tamwa'ndʌ te' Espíritu Santo.

1 Juan 3:24 ပူးပေါင်းရင်းမြစ်များ

San Juan 10:38

Pero juca ndzʌcpa'ʌs Ndata Diojsis šunbapʌ tiyʌ, ñempe misʌj ja'n nwʌ'aŋjamdame ʌj, wʌ'aŋjamdamʌ te' ʌs ndzʌquiajpapʌ isaŋwʌ'ajcuy. Te'šej wa'mis mustamu y nwʌ'aŋjamdamu que ʌs Ndataj ijtu ʌs ndzoco'yojmo, y ʌj ijtu'ʌj Ndata's choco'yojmo.

San Juan 14:17

Te'wʌte' te' Espíritu Santo, wiyuŋdzambapʌ. Iwʌ'sʌj ja'n wʌ'aŋjame ʌj ja'n maŋu pyʌjcʌchoŋu te' Espíritu porque ja'n quiene ni ja'n ispʌqui. Pero mis ispʌctambamis porque miji'ŋda'm ijtu, y itwa'a mista'm ndzoco'yojmo.

San Juan 17:21

Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

1 Corintios 3:16

¿Ja'nja mustame que Diojsismijte' ñdyʌcta'm y que te' Diojsis 'Yespiritu itpa mi'ojmota'm?

1 Corintios 6:19

¿O ja'nja mustame que mista'm ŋgüerpo Espíritu Santo's te' tyʌc, y que ijtu te' Espíritu Santo mi'ojmota'm? Yʌ' Espíritu ñchi'tamumij Diojsis. Ja'nde' mista'mne' ne' nwin.

2 Corintios 6:16

¿Tiya' ijtu Diojsis tyʌjquis te' comichʌquiji'ŋda'm? Porque tʌta'mde' te' quenbapʌ Diojsis tyʌc ijtumʌy ñe'cʌ. Yʌ'šej nʌmu Dios: Maŋba'ʌj ijtu ñe'ta'm choco'yojmo, Y maŋba'ʌj nwijtu ñe'co'mota'm, Y ʌjte' te' ñe'ta'm Dios, Y ñe'cʌta'mde' ʌs mbʌnda'm.

1 Tesalonicenses 4:8

Te'šej jeque, iwʌ's myenoschʌcpa yʌ' aŋma'yoquiuy, ja'nde' pyʌndʌwʌ nʌ myenoschʌjcu sino que te' Dios, te' tzi'tambapʌ'stʌ ñe' 'Yespiritu Santo.

2 Timoteo 1:14

Te' tʌta'm ndzoco'yojmo itpapʌ Espíritu Santopit, coquena te' Diojsismij ñitza'mʌyjayupʌ tiyʌ.

1 Juan 2:24

Tiyʌmis matoŋdamu nwyʌ'aŋja'moytyamu'cmij, te'šej wʌ'aŋjamjojcʌtʌctamʌ. Juca nwʌ'aŋjamjojcʌtʌctambamis tiyʌmis matoŋdamu nwyʌ'aŋja'moytyamu'cmij, choco'yojmomij maŋba ñʌ'itjojcʌtʌctamu Diojsis, y te'šejtijque' 'Yune's.

1 Juan 2:3

Juca ŋgojamjapyatʌ te' Diojsis 'yaŋgui'mguy, te'šejtʌ muspa que ispʌctambatʌ ñe'cʌ.

1 Juan 2:5

Pero iwʌ's quiojamjapya te' Diojsis chame, yʌ'šejpʌ pʌ'nis choco'yojmo Diojsis quiotwa'a wiyuŋšejpʌ y cota'nupʌ su'noquiuy. Yʌ'šejtʌ mustamba que Diojsis choco'yojmotʌ ittamu.

1 Juan 2:6

Juca iwʌjutiwʌ nʌmba: Ʌj Cristo's choco'yojmo'ʌj itjojcʌtʌcpa, pyʌcpa wa'y wyijtu Cristo wijtušej.

1 Juan 3:22

Y tiyʌta'mdʌ nwa'ctamba ñe'cʌcʌsi, ñe'cʌ's maŋbatʌ tzi'tamu, porque ŋgojamjaytyambatʌ ñe' 'yaŋgui'mguy y ndzʌctambatʌ tiyʌcʌsitʌ ñe'cʌ nyajtzocopyacpa.

1 Juan 4:7

Tʌwʌy, sundamba'ʌsmij. Pyʌcpa wa'ytyʌ našunʌtʌjtamu ne'co'mo, porque Diojsiste' šajpa te' našunʌtʌjcuy. Mumu jujche'ŋdʌ ndumʌtzocoy našunʌtʌjtamba, Diojsisandʌte'ñe', y ispʌcpa Dios.