1 Juan 3:22 - Zoque Copainalá New Testament

²² Y tiyʌta'mdʌ nwa'ctamba ñe'cʌcʌsi, ñe'cʌ's maŋbatʌ tzi'tamu, porque ŋgojamjaytyambatʌ ñe' 'yaŋgui'mguy y ndzʌctambatʌ tiyʌcʌsitʌ ñe'cʌ nyajtzocopyacpa.

1 Juan 3:22 ပူးပေါင်းရင်းမြစ်များ

San Mateo 17:5

Y te'šejtij nʌ chamu'c Pedro's wanajcu sʌ'ŋbawʌ o'na y quiʌmʌŋdzʌcjayaju. Pijche'ca myatoŋyaju otowe te' o'na'ojmoc nʌmupʌ: Yʌ'wʌte' te' ʌs sunbapʌ Une, yajtzocopyacpawʌ'sʌj. Cʌmato'ŋʌytyamʌ ñe'cʌ.

San Mateo 21:22

Oto'ŋʌytyamba'cmis Dios, pyʌcpa wa'mij tumʌtzocoy nwyʌ'aŋja'moyu. Juca te'šej mij nwya'coytyamba maŋbamis mbʌjcʌchoŋdamu.

San Marcos 11:24

Te'cotoya ndzamjaytyamba'ʌsmij, que oto'ŋʌytyamba'cmis Dios, pyʌcpa wa'mij tumʌtzocoy nwyʌ'aŋja'moyu. Juca te'šejmij nwya'coytyamba, maŋbamis mbʌjcʌchoŋdamu.

San Juan 14:13

Y tiyʌta'm mis nwa'cjaytyamba ʌs Ndataj ʌs nʌquiʌsi, te'wʌ ʌs maŋba ndzʌjcu. Te'še'ʌs maŋba ndzʌjcu wa'y quieju ʌs Ndata Diojsis myʌja'ŋajcuy ʌj, te' 'Yunepit.

San Juan 15:10

Juca ŋgojamjaytyambamis ʌs aŋgui'mguytya'm, maŋbamisʌj sunjojcʌtʌctamu ʌsmij sunjojcʌtʌctambašej. Ʌs ŋgojamjayu'ʌs Ndata's 'yaŋgui'mguytya'm, y sunjojcʌtʌcpa'ʌs Ndataj ñe'cʌ'sʌj sunjojcʌtʌcpašej.

San Juan 15:7

Juca ʌs ndzoco'yojmo mij itjojcʌtʌctamba, y juca ʌs ndzame itjojcʌtʌcpa mista'm ndzoco'yojmo, wa'ctamʌ tiyʌta'm mis sundamba y maŋba'ʌsmij ndzi'tamu.

San Juan 6:29

'Yaŋdzoŋyaju Jesujsis: Yʌ'šejte' šunba Diojsis wa'mis ndzʌctamu, wa'misʌj nwʌ'aŋjamdamu ʌj, porque Diojsisʌjyʌ' cʌ'weju.

San Juan 8:29

Porque ʌj Ndata'sʌjyʌ' cʌ'weju y ʌji'ŋ ijtu. Jachacʌti'ʌj naytyumʌ Ndata's, porque ndzʌcjojcʌtʌcpa'ʌs šunbašej ñe'cʌ's.

San Juan 9:31

Mustambatʌ que Diojsis ja'n quiʌmato'ŋʌy cowatzʌquita'mbʌ. Pero juca iwʌjutiwʌ's quiʌna'tzpa Dios, y chʌcpa ñe'cʌ's šunbašej, yʌ'wʌ quiʌmato'ŋʌpya Diojsis.

Hechos 17:30

Ñempe Diojsis jañʌcma'yʌyjaya quiowa winata'mbʌ aŋsʌ'ŋojmo porque jañʌctʌ'ya, yʌtij nʌ 'yaŋgui'myaju mumu pʌn mumujutʌ wa'y quipswitu'yaju.

Hechos 20:21

Ndzamjo'yjayaju'ʌs judiota'm y gentilta'm wa'y quipswitu'yaju Diojsis wyi'naŋdʌjqui y wa'y wyʌ'aŋjamyaju Ngomi Jesucristo.

Filipenses 4:18

Mbʌjcʌchoŋbʌ'wa'mʌs mumu te' yajya'moquiuy ŋgʌ'wejaytyamupʌmisʌj Epafroditocʌsi. Aŋba'tya' misʌj ndzi'tamu ndajša'ŋoyj. Yʌ' nʌšejmis si'ndamu nwa'ttamu mbu'u wa'misʌj ŋgotzoŋdamu omombapʌ tiyʌšejpʌyʌ' yajtzocopyacpapʌ's Dios.

Colosenses 1:10

Y nwa'que'tpatʌs Dioscʌsi wa'mij ñdyu'ŋajtamu pyʌcpašej wa'mis nyajtzocopyactamu tʌ Ngomi mumutiyʌcʌsi. Te'šej maŋbamis nyajwʌ'aŋjamyaju te' eyata'mbʌ pʌn mis oyeta'mbʌ ndzʌquipit y maŋbamis a'ŋʌyjojcʌtʌctamu mista'm Dioscʌsipʌ nʌctʌ'yoquiuy.

Hebreos 13:21

Sunba'ʌs wa'mij nyajtziŋi'ajtamu Diojsis, wa'mis ndzʌctamu mumu oyeta'mbʌ tiyʌ šunbašej ñe'cʌ's. Y wa'y yajcota'njayu mista'm ndzoco'yo'c nʌctʌ'yoquiuy Jesucristopit wa'mis nyajtzocopyactamu Dios. Y ma'ndʌ nwʌcotzamjojcʌtʌctamu ñe'cʌ. Amén.

Santiago 1:5

Y juca ijtu mi'ojmota'm iwʌjutiwʌ ja'ndiyʌpʌ's myujsoquiuy te' Diojsis šajpapʌ, yajwa'cʌ ñe'cʌcʌsi y maŋba chi'u juca wya'cpa. Porque Diojsis šajpa mujsoquiuy y tzi'tastaswʌ'opya, y tiyʌtʌ tzi'pa ja'ndʌ tzambutjay.

Santiago 4:3

Y ñempe mis nwa'ctamʌ Dioscʌsi, ja'nmij ñchi'tame, porque ja'nmis nwa'ctame oyepʌ quipsoquiupyit sino que nwa'ctambamis wa'mis ndzʌctamu ne'ta'm su'noquiuy.

Santiago 5:16

Juca nʌmis maŋgocʌtʌctamu yʌ'wʌ te'wʌ atzi, cowʌ'aŋjamdamʌ mista'm ŋgowa ñe'cʌcʌsita'm y oto'ŋʌytyamʌ Dios ndʌwʌcotoyata'm wa'mij Diojsis nyajtzoctamu ŋguia'epa'ttamba'cmij. Juca te' justopʌ pʌ'nis wya'ctenapyacpa Dioscʌsi tiyʌ'iwʌ, Diojsis chʌcpa tiyʌta'm wya'cpa.

1 Juan 2:3

Juca ŋgojamjapyatʌ te' Diojsis 'yaŋgui'mguy, te'šejtʌ muspa que ispʌctambatʌ ñe'cʌ.

1 Juan 5:14

Y nite'tzʌytyambatʌ Dios, y te'cotoya muspatʌ que ñe'cʌ'stʌ cʌmato'ŋʌpya nwa'ctamba'ctʌ tiyʌ'iwʌ ñe'cʌ's šunbašej.