1 Juan 3:21 - Zoque Copainalá New Testament

²¹ Tʌwʌy, sundamba'ʌsmij. Juca aŋjamdambatʌ ndzoco'yojmo que nwʌ'aŋjamdambatʌ te' wiyuŋbʌ tiyʌ jana na'chcuytyʌ muspa oto'ŋʌytyamu Dios.

1 Juan 3:21 ပူးပေါင်းရင်းမြစ်များ

Romanos 14:22

Te' nʌšejmis nwʌ'aŋjamu ne'cʌ, te'šej wʌ'aŋjamʌ Diojsis wyi'naŋdʌjqui. Dichoso iwʌ's ja'n ñi'aŋba'te wyin te' chʌcpapʌ tiyʌcʌsi.

1 Corintios 4:4

Ñempe ʌs ndzoco'yis ja'nʌj ni'aŋba'te, ja'nʌs te'wʌcotoya nwʌcomʌ'i nwin. Te' cʌme'tzpapʌ'sʌj tʌ te' Ngomi's.

2 Corintios 1:12

Pero ne'cʌtijtʌs nwʌcotzamba nwin, porque cotestigosajpatʌj ne' ndzoco'yis que tu'ŋajutʌj eyata'mbʌ pʌ'nojmo masa'najcu'yojmo y wiyu'ŋajcu'yojmo Diojsistʌj tzi'upʌ, y nimeque mi'ojmota'm. Tu'ŋajutʌj ja'nde' pʌ'nis myujsoquiupyit sino que Diojsis yajya'moquiupyit.

Efesios 3:12

Te'cotoya yʌtij jana na'chcuytyʌ muspa ndo'mʌytyamu Dios porque tumʌtzʌctamutʌ Cristoji'ŋ. Te'šejtʌ muspa ndzʌjcu porque nwʌ'aŋjamdambatʌ y nijamdambatʌ Cristo Jesús.

1 Timoteo 2:8

Sunba'ʌs jeque wa'y 'yoto'ŋʌyaju Dios te' pʌ'nista'm mumu Diojsis tyu'mʌquiu'yojmo. Cowajupʌ tzocopyit yajpacsqui'mya quiʌ' Diojsis wyi'naŋdʌjqui. Uy quipšaju quipcuy ni qui'šca'cuy.

Hebreos 10:22

Ngʌnu'cʌytya'mitʌy Dios wa'ytyʌ oto'ŋʌyu tumʌtzocoy, wiyuŋšejpʌ wʌ'aŋjamgupyit, cowajupʌ ndzocopyit, nyajʌcʌ'jayu'c yatzipʌ tʌ ŋguipsoquiuy, y ŋgotze'u'candʌ ŋgüerpo susnʌpʌ nʌ'pit.

Hebreos 4:16

Te'cotoya pyʌcpa wa'ytyʌ jana na'chcuy oto'ŋʌytyamu Dios. Y ñe'cʌ'stʌ maŋba tzi'tamu yajya'moquiuy. Y te' ñe' yajya'moquiupyittʌ maŋba to'ya'ŋʌytyamu y cotzoŋdamu nʌše'ŋdʌ sundamu.

1 Juan 2:28

Yʌtij jeque, tʌwʌy, co'ŋjojcʌtʌctamʌ ñe'cʌ, uytyʌ maŋu na'tztamu ndzoco'yojmo ni ndza'ajtamu ñe' wyi'naŋdʌjqui tzajpojmo'ca nʌ wyanajcu'c nʌ'ca minu.

1 Juan 2:7

Atzita'm, ja'ʌsmij nʌ njayjaytyamu jomepʌ aŋgui'mguy, sino que te' wina tʌjcʌyupʌ, te' nʌ'ittamupʌmis desde cho'tzcu'yojmo. Te' wina tʌjcʌyupʌ aŋgui'mguy, te'wʌtijte'que' te' tzame mbʌjcʌchoŋdamupʌmis nwʌ'aŋjamdamu'cmis Cristo.

1 Juan 3:2

Tʌwʌy sundamba'ʌsmij. Yʌtij jeque, Diojsisandʌyʌ' 'yuneta'm, pero ja'nmaj quieye jutztʌ maŋba nductamu. Pero mustambatʌ que ñe'cʌšejtʌ maŋba nductamu minba'ca. Porque maŋbatʌ ŋguendamu ñe'cʌ mero jutzpʌte'.

1 Juan 3:20

Pero juca aŋjambatʌ ndzoco'yojmo que ja'ndʌ nwʌ'aŋjamdame te' wiyuŋbʌ tiyʌ, más oye wa'ytyʌ nwʌ'aŋjamdamu Dios que ja'n tʌta'm ndzocoy, porque ñe'cʌ's myuspa mumutiyʌ.

1 Juan 4:17

Juca te'še'andʌ, cota'nbʌ'wa'a Diojsis šu'noquiuy tʌta'm ndzoco'yojmo wa'ytyʌ jana na'tztamu te' cʌme'tzoquiuy jamo'oyj. Jujcha' ñe'cʌ su'nopya, te'šejtijtʌ su'noytyaŋgue'tpa yʌy najsacopajcʌsi.

1 Juan 5:14

Y nite'tzʌytyambatʌ Dios, y te'cotoya muspatʌ que ñe'cʌ'stʌ cʌmato'ŋʌpya nwa'ctamba'ctʌ tiyʌ'iwʌ ñe'cʌ's šunbašej.