1 Juan 3:20 - Zoque Copainalá New Testament

²⁰ Pero juca aŋjambatʌ ndzoco'yojmo que ja'ndʌ nwʌ'aŋjamdame te' wiyuŋbʌ tiyʌ, más oye wa'ytyʌ nwʌ'aŋjamdamu Dios que ja'n tʌta'm ndzocoy, porque ñe'cʌ's myuspa mumutiyʌ.

1 Juan 3:20 ပူးပေါင်းရင်းမြစ်များ

San Juan 21:17

Ñʌjaquie'tu Jesujsis tyuca'y ñaco'mo: Simón, Jonajsis 'yune, ¿sunbaja'ʌj? Tuyuquiʌñe'cu Pedro tyuca'y ñaco'ma' quiʌ'aŋwa'cu'ŋmʌjcʌ Jesujsis: ¿Sunbaja'ʌj? Aŋdzoŋgue'tu Pedro: Señor, bieŋdijmis muspa mumutiyʌ. Muspamis que sunba'ʌsmij. Ñʌjayu Jesujsis: Pʌ'nʌyjaya ʌs ñchowambeta'm ʌs ndzamepit.

San Juan 8:9

Myatoŋyaju'ctij yʌ'šej ñe'cʌ'sta'm ñʌctʌ'yaju choco'yojmo tumduma'ŋbʌ'nis que ijtyaju quiowa, y ca'ŋga'ŋñayu'c tzu'cumyaju. Wina tzu'cumyaju te' tzamupʌnda'mbʌ 'y yucaŋgʌ'ytya'm tzu'cumyajque'tu te' ŋga'eta'm. Ñaytyumʌ tzʌ'yu Jesús y te' yomo cucmʌ inʌc tenayupʌ.

Hechos 5:33

Pero myatoŋyaju'ca ñe'cʌ'sta'm yʌ'šej, jene qui'šca'yaju y sunba inʌc yajca'yatʌju.

Romanos 8:34

¿Iwʌ'sasʌ'ŋdʌ yajnʌco'aŋgʌpya tiyʌ'iwʌ? Cristo Jesús te' ca'u, y te'wʌtijque' te' winsa'que'tupʌ. Y yʌtij Diojsis chʌ'na'ŋojmo ijtu, y te'wʌ'stʌte' tzamdʌjcʌytyamba.

1 Corintios 4:4

Ñempe ʌs ndzoco'yis ja'nʌj ni'aŋba'te, ja'nʌs te'wʌcotoya nwʌcomʌ'i nwin. Te' cʌme'tzpapʌ'sʌj tʌ te' Ngomi's.

Tito 3:11

Porque muspamis que te'šejpʌ pʌn ca'ŋdocoyuwa'nde', y nʌte' quiowapa'tu. Ñe'cʌ's myuspa que maŋba quio'aŋgʌyu.

Hebreos 4:13

Diojsis chʌjcu mumutiyʌ, y ñe'cʌ's quienba y myuspa mumutiyʌ. Ñe'cʌ's quienba mumutiyʌ y mumu'iwʌ mumujutʌ, y ñe' wyi'naŋdʌjqui maŋbatʌ ndza'maŋguejtamu nwin.

Hebreos 6:13

Chamdzi'u Diojsis te' Abrahán sone tiyʌta'm. Y como ja'ndiyʌ inʌc iwʌ's ñʌy chambʌcjapya más mʌja'ŋbʌ pʌn que ja'n ñe'cʌ, ñe' wyin chambʌjcu.

1 Juan 3:19

Yʌ'wʌpit muspatʌ que nwʌ'aŋjambatʌ te' wiyuŋbʌ tiyʌ Diojsis wyi'naŋdʌjqui, y te'šej sʌ'mnayu'c tʌ ittamba ñe' wyi'naŋdʌjqui.

1 Juan 3:21

Tʌwʌy, sundamba'ʌsmij. Juca aŋjamdambatʌ ndzoco'yojmo que nwʌ'aŋjamdambatʌ te' wiyuŋbʌ tiyʌ jana na'chcuytyʌ muspa oto'ŋʌytyamu Dios.

1 Juan 4:4

Tʌwʌy, Diojsismijyʌ' ñe'ta'm y te'cotoya nwʌytyamwa'mis yʌ' sujchajpapʌ. Porque te' Dios, te' ijtupʌ mista'm ndzoco'yojmo, maste' pʌmi'ʌyupʌ que ja'nde' yatziwʌ, aŋgui'mbapʌ najsacopajcʌsi.

El Apocalipsis 2:23

Y ñe' 'yuneta'm quio'ŋjayajpapʌ's ñe' chʌqui maŋba'ʌs ŋgotjayaju toya wa'y quia'yaju. Y mumu Diojsis tyu'mʌquiu'yis maŋba myujšaju que ʌs ocme'tzpʌ'jayajpa'ʌs pʌ'nista'm quipsoquiuy y chocoy. Y tumduma'ŋbʌnmij maŋba ŋguiʌme'tzatʌjtamu tiyʌta'm mis ndzʌctamu yʌy najsacopajcʌsi.