1 Juan 3:16 - Zoque Copainalá New Testament

¹⁶ Jesucristo'stʌte' yajquenu jutz pyʌcpa wa'ytyʌ su'noytyamu. Ñe'cʌ's chi'oquia'u wyin tʌcotoyata'm. Te'šejtijque' pyʌcpa wa'ytyʌ ndzi'oquia'tamu ne' nwin atzicotoyata'm ñempetʌ yajca'ya pʌ'nis.

1 Juan 3:16 ပူးပေါင်းရင်းမြစ်များ

San Mateo 20:28

Jujcha' ʌj, te' Pʌ'nis 'Yune, jaminʌ'ʌj wa'yʌj yosjayaju, sino que minu'ʌj wa'yʌs coyospawʌšej ndzʌjcu nwin. Y minu'ʌs ndzi'oquia'u nwin wa'yʌs njupyujtyaju wʌwʌ pʌn.

San Juan 10:11

Ʌjte' te' oyepʌ coque'noye. Y ʌs ndzi'oquia'pa'ʌs nwin ñchowambecotoyata'm, sunba'ʌjte' nʌmu pʌngotoyata'm.

San Juan 10:15

jujcha' ʌs Ndata'sʌj ispʌcpa, y ʌs ispʌcpa'ʌs ʌs Ndataj. Y ndzi'oquia'pa'ʌs ne' nwin ñchowambecotoyata'm, y te'wʌ pʌnda'mde'.

San Juan 13:34

Jomepʌ aŋgui'mgu'yʌsmij ndzi'tamba. Yʌ'wʌte': Wa'mij našunʌtʌjtamu ne'co'mo. Jujcha' ʌsmij sundamušej, te'šejmij wa'y našunʌtʌjtaŋgue'tu ne'co'mo.

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

Hechos 20:28

Te'cotoya coquendamʌ ne' nwin y mumu wʌ'aŋja'moye-tu'mʌquiuy te' Espíritu Santo'smij ŋguiottamumʌy jujcha' coque'nopyapʌ. Aŋmayjaytyamʌ te' Diojsis tyu'mʌquiuy, te' jyuyupʌ ñe' ñʌ'pinbit.

Romanos 16:4

Yʌ'ta'mbʌ's jañʌcna'tzʌya wyin wa'yʌj yajcotzoquiaju, y nʌjayajpa'ʌs yʌscotoya. Y ja'n na' ʌstij nʌjayay yʌscotoya, te'šejtijque' mumu tu'mʌquiu'yis genti'lojmo ijtyajupʌ's ñʌjayajque'tpa yʌscotoya.

Romanos 5:8

Pero yajqueju Diojsis que sundambatʌ porque ñempetʌ cowatzʌquita'm Cristo'stʌ minu coca'tamu.

2 Corintios 4:12

Yʌ'šej jeque tʌj maŋba ŋga'u, pero mij maŋbamis mba'ttamu quenguy.

Efesios 5:2

Chi'oquia'u'c Cristo's te' wyin y ca'u'c tʌcotoyata'm, yajqueju que jene sundambatʌ. Te'cotoya pyʌcpa wa'ytyʌ tʌ našunʌtʌjtamu ne'co'mo. Porque Cristo's chi'oquia'u ñe' wyin jujcha' tzi'oquiuy Dioscotoya y te'šej tzocopyajcu Dios.

Efesios 5:25

Jayajta'm, yajyamdamʌ mista'm nyomo jujcha' Cristo's yajyamba ñe' tyu'mʌquiuy y chi'oquia'u wyin y ca'u ñe' tyu'mʌquiuquiotoya.

Filipenses 2:17

Mis jeque, nwʌ'aŋjamdamumis Dios y ndzi'oquia'tamumis ne' nwin ñe'cʌcʌsi jujcha' tzi'oquiuy. Y ñempe'ʌj yajca'ya oma'oma'ʌs maŋba ndzi'oquia'u nwin Dioscʌsi, porque te'še'ʌs maŋba nyajcota'nbʌ'u mista'm ndzi'oquiuy. Te'cotoya tzi'ŋbʌ'pa'ʌj y omdzocopyacpa'ʌj miji'ŋda'm.

Filipenses 2:30

Porque wa'ytyij yojsu Cristo's yoscu'yojmo yʌ' Epafrodito maŋba inʌc quia'u. Jyambʌ'u wyin wa'ytyi'ʌj cotzoŋu misʌj ja'n musi ŋgotzoŋdamupʌ tiyʌcʌsi.

1 Tesalonicenses 2:8

Y como jene sundambatʌsmij, sunbatʌsmij inʌc nyajmustamu ja'n na' Diojsis 'yevangeliotij, sino hasta wa'ytyʌs ndzi'oquia'u tʌsne' nwin mijcotoyata'm, porque aŋba'tetʌsmij sundamba.

Tito 2:13

Ittamʌ yʌ'šej nʌ'cše'ŋoyjtyʌ omapit njo'ctamu hasta que mingue'tpa chi'muŋgʌ'ojmo tʌ Ngomi Jesucristo te' yajcotzojcupʌ'stʌ. Y ñe'cʌte' tʌ mʌja'ŋbʌ Dios.

1 Pedro 1:18

Porque mustambamis que njyupyujtʌtʌjtamumij ja'nde' yajpapʌ tiyʌpit jujcha' oro o plata, sino que te' Cristo's ñʌ'pinbit te' aŋba'tepʌ coyowapʌ tiyʌ Diojsis wyi'naŋdʌjqui. Y jujcha' Diojsis jayu'cʌpʌ Ñchowambe, te' ja'ndiyʌpʌ's quiowa, Cristo's 'yumbʌ'u ñʌ'pin mijcotoyata'm. Njyupyujtʌtʌjtamumij jeque wa'mis jana ŋgo'ŋdamu mista'm ndata's quiostumbre porque jojtacapʌ tiyʌte'.

1 Pedro 2:24

Yʌ' Cristo'ste' chi'oquia'u wyin tʌcotoyata'm y ñʌmaŋjayu tʌta'm ŋgowa ñe' cuerpocʌsi ca'u'c cruzcʌsi. Te'cotoya pyʌcpa wa'ytyʌ ca'uwʌšej ndzʌctamu nwin cowa's wyi'naŋdʌjqui u'yandʌ ŋgowapa'ttamu. Y pyʌjque'tpa wa'ytyʌ ndzʌcjojcʌtʌctamu justota'mbʌ tiyʌ. Porque te' ñe' tyoyapʌjcu'yis yajʌcʌ'jawya'a tʌta'm ŋgowa.

1 Pedro 3:18

Cristo's tiju quienu toya tumnaca tʌcotoyata'm. Ñe'cʌ justopʌte' y ca'u ja'n jyustota'mbʌcotoya wa'y yajʌ'cʌ'jayu tʌta'm ŋgowa y wa'ytyʌ yajtʌjcʌytyamu Diojsis wyi'naŋdʌjqui. Wiyuŋšej ca'u Cristo's cuerpo pero Diojsis yajwinsa'jayu. Y te' Cristo's ñe' 'yespiritu itjojcʌtʌcpa.

1 Juan 2:6

Juca iwʌjutiwʌ nʌmba: Ʌj Cristo's choco'yojmo'ʌj itjojcʌtʌcpa, pyʌcpa wa'y wyijtu Cristo wijtušej.

1 Juan 2:9

Iwʌ nʌmba: Diojsis šʌ'ŋgʌtzʌcjapya ʌs ndzocoy, y qui'nispa 'yatzi, te'šejpʌ pʌ'nis japyʌjcʌchoŋjamaj Diojsis šʌ'ŋgʌ' ñe' choco'yojmo.

El Apocalipsis 1:5

Te'šejtʌ tzi'que'tpa Jesucristo's, te' jicapyʌ testigujsis, te' winbʌ winsa'upʌ ca'yajupʌ'ojmoc pʌngotoyata'm. Te'wʌte' te' cowi'na najsacopajcʌsita'mbʌ re'yisñe'. Mʌja'ŋgotzamda'mitʌy yʌ' Cristo, te' sundambapʌ'stʌ, te' yajcotocoyjayupʌ's tʌ ŋgowa 'yumbʌ'u'c ñʌ'pin tʌcotoyata'm.

El Apocalipsis 5:9

Y nʌ inʌc wyañaju jomepʌ wane nʌmbapʌ: Miste' pyʌcpa wa'mis mbʌjcu te' libro y wa'mis ndzijtzjʌcʌ'jayu te' libro's šello porque mijte' te' cʌmnʌ'pinbʌ Ñchowambe yajca'yajupʌ. Y njupyujtumis Dioscotoya mis nʌ'pinbit wʌwʌ pʌn, mumu raza'ojmota'mbʌ, wi'ni eya otoweta'mbʌ, jujche'ŋ najsacopac-iti y mumu nacio'ŋojmota'mbʌ.