1 Juan 3:12 - Zoque Copainalá New Testament

¹² Uytyʌ ndzʌctamu Cai'ŋis chʌjcušej. Satanajsiste' inʌc ñe', y yajca'u te' pyotzo. ¿Y tiyʌcotoyasʌ'ŋde' yajca'u? Porque te' ñe' chʌqui yatzita'mbʌte' inʌc, y te' pyotzo's chʌqui wʌta'mbʌte' inʌc.

1 Juan 3:12 ပူးပေါင်းရင်းမြစ်များ

San Mateo 13:19

Iwʌ's myatoŋba jutz aŋgui'mba te' tzajpojmo ijtupʌ, y ja'n ñʌctʌ'i, minba te' yatziwʌ y yajʌcʌ'japya te' Diojsis chame tʌjcʌyupa'a choco'yojmo. Yʌ'wʌte' te' tʌmbu cuñajuwʌ tuŋgʌsi.

San Mateo 13:38

Y te' yojsaŋ, najsacopacte'. Y te' oyeta'mbʌ tʌmbu, te' Diojsis te' 'yuneta'm. Y te' yatzi-pa'aj, te' yatziwʌ'ste' 'yuneta'm.

San Mateo 23:35

Mis ittamu ŋgowa desde que yajca'yaju te' justopʌ Abel y mumu justota'mbʌ pʌn najsacopajcʌsi hasta te' yajca'yaju'c Zacarías, te' Berequiajsis 'yune. Yʌ'wʌ nyajca'tamumis Diojsis tyemplo'ojmo alta'raŋi.

San Mateo 27:23

Y te' gobernado'ris ñʌjayaju: ¿Tiyʌ yacha'cu'ya jeque chʌjcu? Pero ñe'cʌta'm más wejqui'mwʌtzʌquiaju: Yajma'mʌtʌ cruzcʌsi.

San Mateo 5:37

Pero tumʌnanʌmdamʌ jʌ'ʌ, o ja'ne. Juca más mis a'ŋʌytyamba, yatziwʌ'ste'ñe'.

San Lucas 11:51

te' yajca'yaju'c te' Abel hasta que yajca'yaju te' Zacarías te' Diojsis tyemplo'ojmo alta'raŋi. Yʌ'še'ʌsmij ndzamjaytyamba que te'wʌcotoya Diojsis maŋba ñi'aŋba'tyatʌju hasta yʌtijta'mbʌ pʌn.

San Juan 10:32

Ñʌjayaju Jesujsis: Ndzʌcwa'mʌs sone oyeta'mbʌ tzʌqui mista'm nwi'naŋdʌjqui. ¿Jutipʌ tzʌquicotoya'mʌjte' sunba ndʌŋga'tamu tza'pit?

San Juan 8:40

Pero yʌtij ndzʌcme'tztambamis wa'misʌj nyajca'tamu, y ndzamjaytyamu'ʌsmij wiyuŋbʌ tiyʌ yajmatoŋuše'ʌj Diojsis. Abraha'ŋis jaquipsʌ yajca'oquiuy.

San Juan 8:41

Mis ndzʌctambamis chʌcpašej inʌc mista'm ndata's. Pijche'ca ñʌjayaju Jesús: Tʌj, ja'ndʌjyʌ' ispʌqui-une. Tumʌtij ijtu tʌs Ndataj, te'wʌte' te' Dios.

Hechos 7:52

¿Jutipʌ tza'maŋwa'oye'a janyacsnutzʌquia mista'm ndata's? Y yajca'yatʌju te' chamgopuŋyajupʌ's que maŋba inʌc minu te' Justopʌ. Y yʌ'wʌ ndzi'oquiu'ya'tamumis y nyajca'tamumis.

1 Tesalonicenses 2:14

Atzita'm, jujcha' judio'sta'm yacsnutzʌquiaju Judea-najsojmo ijtyajupʌ Diojsis tyu'mʌquiuytya'm, te'šejmij nʌ nyacsnutzʌcʌtʌjtaŋgue'tu mijta'm mis ŋgumguy-tyʌwʌ'sta'm.

Hebreos 11:4

Wyʌ'aŋjamu Abe'lis te' Dios, te'cotoya pyʌjcʌchoŋjayu Diojsis te' chi'oquia'upʌ copʌn, pero japyʌjcʌchoŋja Cai'ŋis chi'oquia'upʌ tiyʌ. Te'cotoya ñʌcma'yʌyu Diojsis te' Abel justopʌ pʌnšej pyʌjcʌchoŋjayu'c chi'oquiuy. Y ñempe ca'u que'naŋgʌschi'ʌpyatʌ wyʌ'aŋjamguy.

Hebreos 12:24

Y teymʌ itque'tu Jesús, y ñe'cʌpit tujcu te' más oyepʌ trato. Y ñʌtʌjcʌyu ñe'cʌ's ñe' ñʌ'pin que más oye yajyojsu que ja'nde' Abe'lisñe'.

1 Pedro 4:4

Y te' yatzita'mbʌ genti'lista'm maŋba ñʌmaya'yaju porque ja'namij nwyittame ñe'cʌji'ŋda'm te'šejpʌ ca'ŋdocoquiu'yojmo, y maŋbamij nyatzicotzamʌtʌjtamu.

1 Juan 3:8

Iwʌ cowapa'tjojcʌtʌcpa, Satanajsiste'ñe', porque Satanás cowapa'tjojcʌtʌcpa desde tzo'tzcu'yojmo. Y te' Diojsis 'Yune's minu wa'y yajayu te' Satanajsis yojsaŋ.

Judas 1:11

Toya maŋba pyʌjcʌchoŋyaju yʌ'ta'mbʌ's porque yacha'cuy chʌquiajpa chʌcpašej inʌc yajca'opyapʌ Cai'ŋis. Y wa'ytyij yajtu'mʌyaju tumin, chi'oquia'yajpa wyin ñi'aŋsu'noquiu'yojmo chʌcpašej inʌc Balaa'ŋis. Y maŋba tyocoyaju jujcha'nde' pʌn Coré, te' ñʌquipotoŋbapʌ's inʌc Moisés, Diojsis quioyosa.

El Apocalipsis 17:6

Y ŋguenu'ʌs te' yomo no'tpawʌšej tujcu omapit ya'umbʌ'ʌtʌju'c nʌ'pin masanbʌ'nista'mñe' y jujche'ŋ ca'yajupʌ'sñe' yajca'yatʌjupʌ Cristocotoya. Te'še'amʌs ŋguenu'c, na'cha'ŋʌs nʌmaya'u.