1 Juan 3:11 - Zoque Copainalá New Testament

¹¹ Porque matoŋdamumis que chamyaju desde cho'tzcu'yojmo que pyʌcpapʌte' wa'ytyʌ našunʌtʌjtamu ne'co'mo.

1 Juan 3:11 ပူးပေါင်းရင်းမြစ်များ

San Juan 13:4

Tenaqui'mu jeque Jesús te' nʌtʌj ujcaŋbajcumʌy, yajʌ'cʌ'u ñiyam y pyʌjcu toalla y ši'nʌyu wyingʌsi.

San Juan 15:12

Yʌ'še'ʌsmij aŋgui'mdamba: Našunʌtʌjtamʌ ne'co'mo, jujcha'ʌsmij ʌs sundamu.

Gálatas 6:2

Naquiotzowatʌjtamʌ ne'co'mo ŋguendamba'cmis iwʌjutiwʌ atzi nʌ pyetewijtupʌ. Te'šej ŋgojamdambamis te' aŋgui'mušejtʌ Cristo's.

Efesios 5:2

Chi'oquia'u'c Cristo's te' wyin y ca'u'c tʌcotoyata'm, yajqueju que jene sundambatʌ. Te'cotoya pyʌcpa wa'ytyʌ tʌ našunʌtʌjtamu ne'co'mo. Porque Cristo's chi'oquia'u ñe' wyin jujcha' tzi'oquiuy Dioscotoya y te'šej tzocopyajcu Dios.

1 Tesalonicenses 4:9

Pero ja'ndiyʌ pyena wa'ytyʌsmij njayjaytyamu wa'mij ñašunʌtʌjtamu, porque Diojsismij 'yaŋmaytyamu wa'mij ñašunʌtʌjtamu ne'co'mo.

1 Timoteo 1:5

Yʌ'še'ʌsmij aŋgui'mba wa'mij šu'noyu cowajupʌ ndzocopyit, y mis oyepʌ ndzoco'yis quipsoquiupyit y wiyuŋšejpʌ nwʌ'aŋjamgupyit.

1 Pedro 1:22

Y te' Espíritu Santo's yajcowajayu mista'm ndzocoy wa'mis mato'ŋoyjaytyamu Diojsis wiyuŋbʌ chame. Te'cotoya tumʌtzocoy našunʌtʌjtamʌ ne'co'mo y tzʌcjaytyamʌ bien mista'm atzi wiyuŋšejpʌ y yo'capʌ ndzocopyit.

1 Pedro 3:8

Y yʌtij tumʌtzʌctamʌ mista'm ŋguipsoquiuy, to'ya'ŋʌ'oytyamʌ ne'co'mo, atzišej našunʌtʌjtamʌ y yo'capʌ tzocopyit yajya'moytyamʌ.

1 Pedro 4:8

Y nimeque'ctij tumʌtzocoy našunʌtʌjtamʌ ne'co'mo y te'šejmis maŋba matzcomʌ'ndamu aŋba'tepʌ cowa.

1 Juan 1:5

Matoŋutʌs tiyʌ chamu tʌ Ngomi Jesucristo's, y nyajmustambatʌsmij. Yʌ'šej nʌmu: Dios sʌ'ŋgʌte', y ñe' choco'yojmo ja'ndiyʌ nijutzpʌ pi'tza'ŋajcuy, porque nijujche'c ja'n quiowapa'te.

1 Juan 4:11

Tʌwʌy, sundamba'ʌsmij. Juca te'šej tʌ sundamu Diojsis, te'šejtijque' pyʌcpa wa'ytyʌ našunʌtʌjtamu ne'co'mo.

1 Juan 4:21

Y Diojsis yʌ'šejtʌ aŋgui'mdamu: Iwʌ'sʌj sunba ʌj, tiene que wa'y šungue'tu 'yatzi.

1 Juan 4:7

Tʌwʌy, sundamba'ʌsmij. Pyʌcpa wa'ytyʌ našunʌtʌjtamu ne'co'mo, porque Diojsiste' šajpa te' našunʌtʌjcuy. Mumu jujche'ŋdʌ ndumʌtzocoy našunʌtʌjtamba, Diojsisandʌte'ñe', y ispʌcpa Dios.

2 Juan 1:5

Y yʌtij yomoy, nwa'cjapya'ʌsmij wa'ytyʌ našunʌtʌjtamu ne'co'mo. Yʌ'wʌpit ja'ʌsmij nʌ njayjayu jomepʌ aŋgui'mguy, sino que te' aŋgui'mguy tʌs nʌ'ijtupʌ desde cho'tzcu'yojmo.