1 Juan 3:10 - Zoque Copainalá New Testament

¹⁰ Jujche'ŋ ja'n chʌquiapyʌ's justopʌ tiyʌ y ja'n šuñay 'yatzi, ŋgue'nʌpyatʌ que ja'nde' Diojsista'm 'yune, sino que Satanajsista'mde' 'yune.

1 Juan 3:10 ပူးပေါင်းရင်းမြစ်များ

San Mateo 13:38

Y te' yojsaŋ, najsacopacte'. Y te' oyeta'mbʌ tʌmbu, te' Diojsis te' 'yuneta'm. Y te' yatzi-pa'aj, te' yatziwʌ'ste' 'yuneta'm.

San Lucas 6:35

Sundamʌ jeque te' ŋgui'nišajpapʌ'smij. Tzʌcjaytyamʌ bien y nucschi'tamʌ ndʌwʌ yempetiyʌ y uy jo'ctame wa'mij ñchi'taŋgue'tu. Y te'šej maŋbamis mbʌjcu wʌwʌ mis ŋgoyowa y maŋba quieju que tzajpojmo ijtupʌ's mijte' 'yuneta'm. Porque hasta te' ingratota'mbʌ y paquita'mbʌ's chocoy tyo'ya'ŋʌpya ñe'cʌ's.

San Juan 1:12

Pero jujche'ŋ iwʌ's pyʌjcʌchoŋyaju ñe'cʌ, y wyʌ'aŋjamyaju que ñe'cʌte' te' Mesías, yʌ'wʌ's maŋba yajmujšaju que Diojsis pyʌjcʌchoŋyaju 'yunešej.

San Juan 11:52

Y ja'n na' te' nacioŋgotoyatij, sino que wa'y tyumʌwʌ'aŋja'moyaju mumu pʌn titnayajupʌ naswindumʌ, jujche'ŋ Diojsis maŋba 'yune'ajyajupʌ.

San Juan 8:44

Mijta'm diablo's mijyʌ' 'yuneta'm, te'wʌte' mista'm ndataj. Y mista'm ndata's šu'noquiuy, te'wʌ mis sunba ndzʌcjaytyamu. Ñe'cʌ yajca'opyapʌte' desde cho'tzcu'yojmo, y yajujche'c ja'n chʌqui wiyuŋbʌ tiyʌ porque ja'ndiyʌ wiyuŋbʌ tiyʌ ñe' choco'yojmo. Chamba'c sutzi ñe' quio'quips chamba, porque sutzpapʌte' y ñe'cʌ sutzi's te' pyo'c.

San Juan 8:47

Iwʌta'm Diojsisñe' myatoŋjayajpa Diojsis chame. Te'cotoya ja'nmis ŋgʌmato'ŋʌytyame mista'm porque ja'n mijyʌ' Diojsista'mñe'.

Hechos 13:10

y ñʌjayu: Mij jʌ'ʌ, njyo'ʌyupʌmijyʌ' aŋgoma'cʌ'oquiu'yis y yacha'cu'yis, diablo'smijyʌ' ñʌc'ijtʌyupʌ, ŋgui'nispamis mumu justota'mbʌ tiyʌ. ¿Ja'nsʌ'ŋmis ndzaque wa'mis nyajto'yjayu tʌ Ngomi's wiyuŋda'mbʌ Tyuŋ?

Romanos 13:8

Uy tzʌctame ja'tzi ya'iwʌcʌsi, sino que našunʌtʌjtamʌ, porque iwʌ's šunba tyʌwʌ nʌte' quiojamu te' aŋgui'mguy.

Efesios 5:1

Mijta'm, como Diojsismijyʌ' 'yuneta'm, jene šundambapʌmij. Te'cotoya quengʌspʌctamʌ ñe'cʌcʌsi.

Colosenses 3:14

Y nʌtu'ŋajtamʌ nimeque'ctij te' tʌwʌ-sunguy porque te'šejtʌ muspa nʌtu'ŋajtamu mumu oyeta'mbʌ tiyʌ porque te'šejtʌte' nyajcota'nba.

1 Timoteo 1:5

Yʌ'še'ʌsmij aŋgui'mba wa'mij šu'noyu cowajupʌ ndzocopyit, y mis oyepʌ ndzoco'yis quipsoquiupyit y wiyuŋšejpʌ nwʌ'aŋjamgupyit.

1 Juan 2:29

Juca mustambamis que yʌ' Cristo justopʌte', mustaŋgue'ta que iwʌ'sta'mis chʌquiajpa justota'mbʌ tiyʌ Diojsisande' 'yuneta'm.

1 Juan 3:1

Coquendamʌ cuenta jutztʌ aŋba'te sundamba tʌ Ndata Diojsis wa'y ñʌmu: Yʌtij ʌsamijyʌ' uneta'm. Te'cotoya te' ja'n wyʌ'aŋjamyapyʌ's ñe'cʌ ja'ndʌ ispʌquiay tʌta'm, porque ja'n ispʌquiay ñe'cʌ.

1 Juan 3:2

Tʌwʌy sundamba'ʌsmij. Yʌtij jeque, Diojsisandʌyʌ' 'yuneta'm, pero ja'nmaj quieye jutztʌ maŋba nductamu. Pero mustambatʌ que ñe'cʌšejtʌ maŋba nductamu minba'ca. Porque maŋbatʌ ŋguendamu ñe'cʌ mero jutzpʌte'.

1 Juan 4:21

Y Diojsis yʌ'šejtʌ aŋgui'mdamu: Iwʌ'sʌj sunba ʌj, tiene que wa'y šungue'tu 'yatzi.

1 Juan 4:6

Tʌta'm Diojsistʌte' ñe'ta'm. Iwʌ's ispʌcpa Dios, cʌmato'ŋʌpyatʌ. Y iwʌ ja'n Diojsisñe', ja'ndʌ cʌmato'ŋʌy. Yʌ'šejta'mbʌ tiyʌcʌsitʌ muspa iwʌ's pyʌjcʌchoŋba te' wiyuŋbʌ tiyʌ y iwʌ's ja'n pyʌjcʌchowe.

1 Juan 4:8

Iwʌta'm ja'n ñašunʌtʌjyay, ja'n ispʌquiay Dios, porque Diojsiste' šajpa su'noquiuy.

1 Juan 5:19

Mustambatʌ que Diojsistʌyʌ' 'yuneta'm, pero mumu ja'n wyʌ'aŋja'moyapyʌ 'yaŋgui'mba yatziwʌ's.

1 Juan 5:2

Juca sundambatʌ Dios, y ŋgojamjapyatʌ ñe' 'yaŋgui'mguy, te'šejtʌ muspa que suñajpatʌ Diojsis 'yuneta'm.

3 Juan 1:11

Tʌwʌy, uy tzʌqui chʌquiajpašej yatzita'mbʌ's, sino que tzʌcʌ oyeta'mbʌ pʌ'nis chʌquiajpašej. Te' chʌcpapʌ's oyeta'mbʌ tiyʌ Diojsiste'ñe', pero te' chʌcpapʌ's yatzita'mbʌ tiyʌ ja'n ispʌqui Dios.