1 Juan 3:1 - Zoque Copainalá New Testament

¹ Coquendamʌ cuenta jutztʌ aŋba'te sundamba tʌ Ndata Diojsis wa'y ñʌmu: Yʌtij ʌsamijyʌ' uneta'm. Te'cotoya te' ja'n wyʌ'aŋjamyapyʌ's ñe'cʌ ja'ndʌ ispʌquiay tʌta'm, porque ja'n ispʌquiay ñe'cʌ.

1 Juan 3:1 ပူးပေါင်းရင်းမြစ်များ

San Lucas 20:36

Ja'na musi quia'yaju porque tu'mbacta'mba'nde' angelesji'ŋda'm. Y yʌ'šejta'mbʌ Diojsisande 'yuneta'm pitpʌ winsa'cu'yoyj.

San Juan 1:12

Pero jujche'ŋ iwʌ's pyʌjcʌchoŋyaju ñe'cʌ, y wyʌ'aŋjamyaju que ñe'cʌte' te' Mesías, yʌ'wʌ's maŋba yajmujšaju que Diojsis pyʌjcʌchoŋyaju 'yunešej.

San Juan 11:52

Y ja'n na' te' nacioŋgotoyatij, sino que wa'y tyumʌwʌ'aŋja'moyaju mumu pʌn titnayajupʌ naswindumʌ, jujche'ŋ Diojsis maŋba 'yune'ajyajupʌ.

San Juan 15:21

Pero mumu yʌ'šejta'mbʌ tiyʌ maŋbamij ñchʌcjatʌjtamu porque ŋgowʌ'aŋjamjaytyambamis ʌs nʌy, porque ñe'cʌ'sta'm ja'n ispʌquiay te' cʌ'wejupʌ'sʌj.

San Juan 16:3

Y yʌ'šejta'mbʌ tiyʌ maŋba chʌquiaju porque ja'nʌj ispʌquiay ʌj ni ʌs Ndata Dios.

San Juan 17:25

Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 3:16

Como jene šunu Diojsis te' najsacopajcʌsita'mbʌ, tzi'oquia'u'ʌj, ʌj te' tyʌŋdumʌpʌ 'Yune. Y mumu iwʌ'sʌj wʌ'aŋjamba ʌj, ja'n maŋu tyocoyu, sino que maŋba pya'tu ja'n yayepʌ quenguy.

Romanos 5:8

Pero yajqueju Diojsis que sundambatʌ porque ñempetʌ cowatzʌquita'm Cristo'stʌ minu coca'tamu.

Romanos 8:19

Mumu Diojsis chʌquiajupʌ tiyʌ's cʌñʌñu'c nʌ jyo'cjojcʌtʌquiaju wa'y quieju myʌja'ŋajcuy Diojsis 'yune'sta'mñe'.

Romanos 8:21

Porque Diojsis maŋba ñʌpujtu tocoquiu'yojmoc tiyʌta'm chʌjcu, uy tyocoyaju sino que maŋba jyomecotzʌjcu wa'y oma'ojmo ijtyaju Diojsis 'yuneji'ŋda'm.

Romanos 8:32

Te' jatyo'ya'ŋʌpʌ's ni te' ñe' 'Yune, sino que chi'oquia'u mumu tʌcotoyata'm, ¿ja'nsʌ'ŋdʌ tzi'taŋgue'te ñe'cʌji'ŋ mumutiyʌ? Tzi'wa'ndʌ.

2 Corintios 6:18

Y ʌj misʌjte' maŋba Ndata'ajtamu, Y mij ʌsmijte' maŋba une'ajtamu. Te'šej nʌmba tʌ Ngomi, te' Cojojmejcoya.

Gálatas 3:26

Porque mumu mijta'm, juca judiota'm o ja'ne, Diojsismijte' 'yuneta'm, porque nwʌ'aŋjamdamumis Jesucristo.

Gálatas 3:29

Y como Cristo'samij ñe'ta'm, yʌtij wiyuŋšej Abraha'ŋismijte' wyinboyata'm. Y maŋbamis mbʌjcʌchoŋdamu mbarte Diojsis chamdzi'ušej ñe'cʌ.

Colosenses 3:3

Porque ñdyumʌtzʌctamwa'mij Cristoji'ŋ ñe' quia'a'ŋojmo y yʌtij Cristo Diosji'ŋa ijtu y ñe'cʌ'smij ñchi'tamba iscuy-quenguy.

1 Juan 3:10

Jujche'ŋ ja'n chʌquiapyʌ's justopʌ tiyʌ y ja'n šuñay 'yatzi, ŋgue'nʌpyatʌ que ja'nde' Diojsista'm 'yune, sino que Satanajsista'mde' 'yune.

1 Juan 3:2

Tʌwʌy sundamba'ʌsmij. Yʌtij jeque, Diojsisandʌyʌ' 'yuneta'm, pero ja'nmaj quieye jutztʌ maŋba nductamu. Pero mustambatʌ que ñe'cʌšejtʌ maŋba nductamu minba'ca. Porque maŋbatʌ ŋguendamu ñe'cʌ mero jutzpʌte'.

1 Juan 4:17

Juca te'še'andʌ, cota'nbʌ'wa'a Diojsis šu'noquiuy tʌta'm ndzoco'yojmo wa'ytyʌ jana na'tztamu te' cʌme'tzoquiuy jamo'oyj. Jujcha' ñe'cʌ su'nopya, te'šejtijtʌ su'noytyaŋgue'tpa yʌy najsacopajcʌsi.

El Apocalipsis 21:7

Iwʌ's ñʌwʌ'ajpa, te'wʌ's maŋba ñʌtzʌ'pyʌ'u mumutiyʌ. Te'wʌte' ʌs une y ʌjte' te' ñe' Dios.