1 Juan 2:8 - Zoque Copainalá New Testament

⁸ Pero nʌ'ʌsmij njayjaytyaŋgue'tu como que jomepʌ aŋgui'mguyʌ'. Itcupyit yajqueju Cristo's que wiyuŋbʌ tiyʌte', y te'šejmis nʌ nyajquejtaŋgue'tu mista'm. Porque yʌtij nʌwa'nde' quiʌtʌjcu tʌta'm ndzoco'yojmopʌ pi'tza'ŋajcuy, y nʌwa'ndʌ sʌ'ŋgʌtzʌcjaytyamu te' wiyuŋšejpʌ sʌ'ŋgʌ's.

1 Juan 2:8 ပူးပေါင်းရင်းမြစ်များ

San Mateo 4:16

Entero teymʌ ijtyajupʌ pʌn, pi'tza'ŋajcu'yojmo ijtyajupʌ's chocoy, Maya'aŋbʌ sʌ'ŋgʌ's minu šʌ'ŋgʌtzʌcjayaju. Te'še'a inʌc maŋba quia'yajupʌ pi'tza'ŋajcu'yojmo, Te' maya'aŋbʌ sʌ'ŋgʌ's minu šʌ'ŋjojpacjayaju.

San Lucas 1:79

Te'šej maŋba chʌjcu wa'y šʌ'ŋgʌtzʌcjayaju pi'tza'ŋajcu'yojmo ijtyajupʌ's chocoy, te' maŋba inʌc quia'yajupʌ. Y maŋbatʌ tuŋdzi'tamu wa'ytyʌ maŋu sʌ'mnaquiu'yojmo.

San Juan 1:9

Minu najsacopajcʌsi te' wiyuŋšejpʌ sʌ'ŋgʌtzʌjcopyapʌ. Te'wʌ's šʌ'ŋgʌtzʌcjayajpa mumu pʌ'nis chocoy.

San Juan 12:35

Pijche'c Jesujsis ñʌjayaju: Yʌy najsacopajcʌsi uša'ŋ horatya'mʌsmijyʌ' maŋba sʌ'ŋgʌtzʌcjaytyamu, te'šej wittamʌ umij mbya'tewʌ'ajtamu pi'tza'ŋajcʌ's. Porque iwʌ witpa pi'tza'ŋajcu'yojmo ja'n myusi jutʌte' nʌ myaŋu.

San Juan 12:46

Ʌj minu'ʌj najsacopajcʌsi wa'yʌs sʌ'ŋgʌtzʌcjayaju pʌ'nista'm chocoy wa'y mumu iwʌ'sʌj wʌ'aŋjamba ʌj u'ya wyijtyaju pi'tza'ŋajcu'yojmo.

San Juan 13:34

Jomepʌ aŋgui'mgu'yʌsmij ndzi'tamba. Yʌ'wʌte': Wa'mij našunʌtʌjtamu ne'co'mo. Jujcha' ʌsmij sundamušej, te'šejmij wa'y našunʌtʌjtaŋgue'tu ne'co'mo.

San Juan 8:12

'Yoto'ŋʌwyʌtzʌquiaju Jesujsis te' tu'mʌyajupʌ te' templo'ojmo, y ñʌjayaju: Ʌste' sʌ'ŋgʌtzʌcjayajpa najsacopajcʌsita'mbʌ pʌ'nis chocoy. Iwʌ'sʌj co'ŋba ʌj ja'n wyiti pi'tza'ŋajcu'yojmo, sino que sʌ'ŋba te' chocoy, pya'tpapʌpit iscuy-quenguy.

Hechos 17:30

Ñempe Diojsis jañʌcma'yʌyjaya quiowa winata'mbʌ aŋsʌ'ŋojmo porque jañʌctʌ'ya, yʌtij nʌ 'yaŋgui'myaju mumu pʌn mumujutʌ wa'y quipswitu'yaju.

Hechos 26:18

Myaŋbamij teymʌ wa'mis nyajsʌ'ŋjayaju wyitʌm, wa'y chaquiaju pi'tza'ŋajcʌ' y wa'y quieñaju sʌ'ŋgʌ', wa'y chacjayaju Satanajsis 'yaŋgui'mʌtʌjcuy y wa'y mye'chaju Dios. Te'šej wa'yʌs nyajcotocoyjayaju quiowa y wa'y pyʌjcʌchoŋyaju pyarte te' masa'najyajupʌji'ŋ jujche'ŋʌj wʌ'aŋjamyajpapʌ's.

Romanos 13:12

Nʌwa'nde' quiʌtʌjcu te' tzu', y maŋbapa'nde' minu tʌ Ngomi. Ndzacta'mitʌy tʌta'm ndzoco'yojmopʌ pi'tza'ŋajcu'yis chʌqui, y ŋgoquipta'mitʌy nwin tʌ nʌctʌ'yoquiu'yis šʌ'ŋgʌpit.

2 Corintios 8:9

Porque musjaytyamba'mis Ngomi Jesucristo's yajya'moquiuy, y jutzmij šundamba. Ñempe mʌja'ŋbʌte' yacsnu'ajcu'yojmopʌšej chʌjcu wyin mijcotoyata'm, wa'mij yajmʌja'ŋajtamu ñe' yacsnu'ajcupyit.

Efesios 5:8

Wina pi'tzʌta'majmis inʌc ŋguipsoquiuy, pero yʌtij tʌ'a Ngomi's 'yaŋgui'mʌtʌjcuquiʌ'mʌ mij ittamu ñe' šʌ'ŋgʌ'ojmo. Te'cotoya tu'ŋajtamʌ oye'c tu'ŋajyajpašej te' sʌ'ŋgʌ'ojmo ijtyajpapʌ.

2 Timoteo 1:10

Yajquendamwa'ndʌ Diojsis jutztʌ jene sunba, tiju'c yʌy tʌta'm nyajcotzojcopyapʌ Jesucristo. Yʌ'wʌ's yajʌcʌ'jayu pyʌmi ca'a'ŋisñe', y te' evangeliopit yajquenutʌ te' iscuy-quenguy ja'na maŋu yajupʌ.

1 Pedro 1:21

Y yʌtij ñe'cʌpit nite'tzʌytyambamis Dios y njo'ctambamis ndumʌtzocoy te' chamdzi'oquia'upʌ tiyʌ, porque mustambamis que Diojsis yajwinsa'u yʌ' Cristo ca'yajupo'moc y pijche'c yajmʌja'ŋaju ñe' wyi'naŋdʌjqui.

1 Juan 3:23

Y yʌ'wʌte' te' ñe' 'yaŋgui'mguy: Wa'ytyʌ nwʌ'aŋjamjaytyamu te' 'Yune Jesucristo, y wa'ytyʌ našunʌtʌjtamu ne'co'mo, ñe'cʌ'stʌ aŋgui'mdamušej.

1 Juan 4:11

Tʌwʌy, sundamba'ʌsmij. Juca te'šej tʌ sundamu Diojsis, te'šejtijque' pyʌcpa wa'ytyʌ našunʌtʌjtamu ne'co'mo.

1 Juan 4:21

Y Diojsis yʌ'šejtʌ aŋgui'mdamu: Iwʌ'sʌj sunba ʌj, tiene que wa'y šungue'tu 'yatzi.