1 Juan 2:7 - Zoque Copainalá New Testament

⁷ Atzita'm, ja'ʌsmij nʌ njayjaytyamu jomepʌ aŋgui'mguy, sino que te' wina tʌjcʌyupʌ, te' nʌ'ittamupʌmis desde cho'tzcu'yojmo. Te' wina tʌjcʌyupʌ aŋgui'mguy, te'wʌtijte'que' te' tzame mbʌjcʌchoŋdamupʌmis nwʌ'aŋjamdamu'cmis Cristo.

1 Juan 2:7 ပူးပေါင်းရင်းမြစ်များ

San Mateo 5:43

Matoŋdaŋgue'tumis que ñʌjayatʌju: Sunʌ mis ndʌwʌ, y qui'nisʌ te' ŋgui'nišajpapʌ'smij.

San Juan 13:34

Jomepʌ aŋgui'mgu'yʌsmij ndzi'tamba. Yʌ'wʌte': Wa'mij našunʌtʌjtamu ne'co'mo. Jujcha' ʌsmij sundamušej, te'šejmij wa'y našunʌtʌjtaŋgue'tu ne'co'mo.

Hechos 17:19

Y pyʌquiaju Pablo y ñʌmaŋyaju te' Areopago-pu'mnacʌsi y nʌmyaju: ¿Maŋbajatʌj ndza'maŋwajayu yʌ' jomepʌ aŋma'yoquiuy nʌmis ndzamupʌ?

Hebreos 6:9

Atzita'm, sundamba'ʌsmij, y ñempe'ʌsmij yʌ'šej ndzamjaytyamba nijamba'ʌs que ijtu más oyeta'mbʌ tiyʌ mijcotoyata'm que ja'n te'šejta'mbʌ, y que maŋbamij ŋguiotzojcoctuctamu.

1 Juan 2:24

Tiyʌmis matoŋdamu nwyʌ'aŋja'moytyamu'cmij, te'šej wʌ'aŋjamjojcʌtʌctamʌ. Juca nwʌ'aŋjamjojcʌtʌctambamis tiyʌmis matoŋdamu nwyʌ'aŋja'moytyamu'cmij, choco'yojmomij maŋba ñʌ'itjojcʌtʌctamu Diojsis, y te'šejtijque' 'Yune's.

1 Juan 3:11

Porque matoŋdamumis que chamyaju desde cho'tzcu'yojmo que pyʌcpapʌte' wa'ytyʌ našunʌtʌjtamu ne'co'mo.

1 Juan 3:2

Tʌwʌy sundamba'ʌsmij. Yʌtij jeque, Diojsisandʌyʌ' 'yuneta'm, pero ja'nmaj quieye jutztʌ maŋba nductamu. Pero mustambatʌ que ñe'cʌšejtʌ maŋba nductamu minba'ca. Porque maŋbatʌ ŋguendamu ñe'cʌ mero jutzpʌte'.

1 Juan 3:21

Tʌwʌy, sundamba'ʌsmij. Juca aŋjamdambatʌ ndzoco'yojmo que nwʌ'aŋjamdambatʌ te' wiyuŋbʌ tiyʌ jana na'chcuytyʌ muspa oto'ŋʌytyamu Dios.

1 Juan 3:23

Y yʌ'wʌte' te' ñe' 'yaŋgui'mguy: Wa'ytyʌ nwʌ'aŋjamjaytyamu te' 'Yune Jesucristo, y wa'ytyʌ našunʌtʌjtamu ne'co'mo, ñe'cʌ'stʌ aŋgui'mdamušej.

1 Juan 4:1

Tʌwʌy, sundamba'ʌsmij. Uy wʌ'aŋjamdame ñempe'iwʌ pʌn nʌmbapʌ que Diojsis 'Yespiritupit aŋma'yopya. Tzʌjquistamʌ winac juca Diojsiste' 'Yespiritupit aŋma'yopya. Porque sone nʌ wyijtyaju sujchajpapʌ tza'maŋwa'oye yʌ' najsacopajcʌsi.

1 Juan 4:11

Tʌwʌy, sundamba'ʌsmij. Juca te'šej tʌ sundamu Diojsis, te'šejtijque' pyʌcpa wa'ytyʌ našunʌtʌjtamu ne'co'mo.

1 Juan 4:21

Y Diojsis yʌ'šejtʌ aŋgui'mdamu: Iwʌ'sʌj sunba ʌj, tiene que wa'y šungue'tu 'yatzi.

1 Juan 4:7

Tʌwʌy, sundamba'ʌsmij. Pyʌcpa wa'ytyʌ našunʌtʌjtamu ne'co'mo, porque Diojsiste' šajpa te' našunʌtʌjcuy. Mumu jujche'ŋdʌ ndumʌtzocoy našunʌtʌjtamba, Diojsisandʌte'ñe', y ispʌcpa Dios.