1 Juan 2:4 - Zoque Copainalá New Testament

⁴ Juca iwʌ nʌmba: Ʌs ispʌcpa'ʌs Dios, y ja'n quiojamjay ñe' 'yaŋgui'mguy, sutzpapʌte' y Diojsis chame ja'ndiyʌmaj ñe' choco'yojmo.

1 Juan 2:4 ပူးပေါင်းရင်းမြစ်များ

San Juan 8:44

Mijta'm diablo's mijyʌ' 'yuneta'm, te'wʌte' mista'm ndataj. Y mista'm ndata's šu'noquiuy, te'wʌ mis sunba ndzʌcjaytyamu. Ñe'cʌ yajca'opyapʌte' desde cho'tzcu'yojmo, y yajujche'c ja'n chʌqui wiyuŋbʌ tiyʌ porque ja'ndiyʌ wiyuŋbʌ tiyʌ ñe' choco'yojmo. Chamba'c sutzi ñe' quio'quips chamba, porque sutzpapʌte' y ñe'cʌ sutzi's te' pyo'c.

Tito 1:10

Coquena cuenta porque jene ijtyaju pʌn nimeque'ctij judiota'm ja'n wyʌ'aŋja'moyapyʌ oye, nuyuta'mbʌ, y jowi-tzamdzamnayajpapʌ y 'yaŋgoma'cʌyajpapʌ's pʌnda'm.

Tito 1:16

Nʌmyajpa que ispʌquiajpa Dios, pero te' chʌquipitta'm yajquejyajpa que ja'n ispʌquiay. Qui'nišajpa Diojsis porque ja'n myato'ŋoyjayay. Chʌjquišatʌju'c japyujtya oye wa'y chʌquiaju oyepʌ yoscuy.

1 Juan 1:10

Pero juca nʌmbatʌ que jaquiowapa'tʌtʌ, sutzpapʌ pʌnšejtʌ nʌ ŋgojtu Dios. Juca te'šejtʌ nʌmba ja'ndiyʌmaj ñe' chame tʌta'm ndzoco'yojmo.

1 Juan 1:6

Juca nʌmdambatʌ que tumʌquipstambatʌ Diosji'ŋ, y witpatʌ tocoquiu'yojmo, nʌtʌte' ŋga'ŋdzactamu, te' wiyuŋbʌ tiyʌ y sutztambatʌ.

1 Juan 1:8

Juca nʌmdambatʌ que ja'ndiyʌ tʌ ŋgowa, aŋgoma'cʌpyatʌ ne' nwin y ja'ndiyʌ wiyuŋbʌ tiyʌ tʌ ndzoco'yojmo.

1 Juan 2:3

Juca ŋgojamjapyatʌ te' Diojsis 'yaŋgui'mguy, te'šejtʌ muspa que ispʌctambatʌ ñe'cʌ.

1 Juan 2:9

Iwʌ nʌmba: Diojsis šʌ'ŋgʌtzʌcjapya ʌs ndzocoy, y qui'nispa 'yatzi, te'šejpʌ pʌ'nis japyʌjcʌchoŋjamaj Diojsis šʌ'ŋgʌ' ñe' choco'yojmo.

1 Juan 3:6

Y mumu jujche'ŋ quio'ŋjojcʌtʌcpapʌ's Cristo ja'n quiowapa'tjojcʌtʌqui. Y jujche'ŋ cowapa'tjojcʌtʌcpapʌ's ni jaquiendʌ'ʌmaj ni ja'nmaj ispʌqui Cristo.

1 Juan 4:20

Juca iwʌ nʌmba: Ʌs sunba'ʌs Dios. Y juca te'wʌ'stij qui'nispa 'yatzi, sutzpapʌte'. Porque iwʌ's ja'n šuni te' 'yatzi nʌ quienupʌ, ¿jutza' jeque muspa šunu Dios ja'n nʌ quienupʌ?

1 Juan 4:7

Tʌwʌy, sundamba'ʌsmij. Pyʌcpa wa'ytyʌ našunʌtʌjtamu ne'co'mo, porque Diojsiste' šajpa te' našunʌtʌjcuy. Mumu jujche'ŋdʌ ndumʌtzocoy našunʌtʌjtamba, Diojsisandʌte'ñe', y ispʌcpa Dios.