1 Juan 2:27 - Zoque Copainalá New Testament

²⁷ Pero mijta'm njyo'ʌytyamwa'mij Cristo's te' Espíritu Santopit, te' nʌ'ittamupa'mis mista'm ndzoco'yojmo. Te'cotoya ja'ndiyʌ pyena eyawʌ'smij wa'y 'yaŋmaytyamu, porque ñe'cʌ'smij 'yaŋmaytyamu mumutiyʌcʌsi. Y aŋma'yopya wiyuŋbʌ tiyʌpit y ja'n šutzi. Te'šej jeque co'ŋjojcʌtʌctamʌ Cristo te' Espíritu Santo'smij 'yaŋmaytyamušej.

1 Juan 2:27 ပူးပေါင်းရင်းမြစ်များ

San Mateo 13:11

Y Jesujsis aŋdzoŋutʌj, y nʌmu: Porque Diojsismij nyajmustamba mij te' jayajqueyapʌ tiyʌta'm winata'mbʌ tiempo'ojmo, te' chambapʌ's jutz aŋgui'mba tzajpojmo ijtupʌ Dios. Pero te' eyata'mbʌ pʌn jayajmujša.

San Juan 14:16

Y ʌs maŋba'ʌs nwa'cjayu Ndata Dios, y maŋbamij ŋguiʌ'wejaytyamu eyapʌ Cotzo'ŋopyapʌ. Ñe'cʌ maŋba chʌ'yu miji'ŋda'm mumu jamacotoya.

San Juan 14:17

Te'wʌte' te' Espíritu Santo, wiyuŋdzambapʌ. Iwʌ'sʌj ja'n wʌ'aŋjame ʌj ja'n maŋu pyʌjcʌchoŋu te' Espíritu porque ja'n quiene ni ja'n ispʌqui. Pero mis ispʌctambamis porque miji'ŋda'm ijtu, y itwa'a mista'm ndzoco'yojmo.

San Juan 14:26

Pero ʌs Ndata's maŋba quiʌ'weju ʌs nʌquiʌsi te' Cotzo'ŋopyapʌ, y yʌ'wʌte' te' Espíritu Santo. Ñe'cʌ'smij maŋba 'yaŋmaytyamu mumutiyʌcʌsi, y nyajamwʌtzʌctamu tiyʌta'mʌsmij ndzamjaytyamupʌ.

San Juan 16:13

Pero minba'ca te' wiyuŋdzambapʌ Espíritu, ñe'cʌ'smij maŋba yajnʌctʌ'ytyamu mumu te' wiyuŋbʌ tiyʌ. Ja'n maŋu chamu te' ñe' quio'quips, sino que maŋba chamu jujche'ŋ tiyʌta'm yajmuspa Diojsis, y maŋbamij cha'maŋwajaytyamu maŋbamaj tyuquiajupʌ tiyʌ.

San Juan 4:14

pero iwʌ's tyo'ŋba te' nʌ' ʌs ndzi'papʌ ja'na yoctʌtzque'temaj. Te' ʌs ndzi'papʌ nʌ' maŋba wyomjojcʌtʌjcu ñe'co'mo jujcha' wombamʌy nʌ', y maŋba wyipqui'mjojcʌtʌjcu choco'yojmo wa'y pya'tu ja'n yayepʌ quenguy ñe'cʌ's.

San Juan 6:45

Yʌ'šej jya'yʌyaju tza'maŋwa'oyajpapʌ's: Diojsis maŋba 'yaŋmayaju mumu pʌn. Te'cotoya mumu iwʌ's quiʌmato'ŋʌpya tʌ Ndata Dios y aŋmapya, cʌ'minba'ʌj.

1 Corintios 2:12

Pero tʌs jambyʌjcʌchoŋjatʌs pʌ'nista'm myujsoquiuy, sino que mbʌjcʌchoŋutʌs te' Espíritu Santo, te' tzi'upʌtʌj Diojsis wa'ytyʌ mustamu tiyʌtʌ tzi'u ñe'cʌ's.

1 Corintios 2:13

Te'wʌ jequetʌste' ndzamba. Pero ja'ndʌs ndzame mujsoyajpapʌ pʌ'nista'm aŋmayušej, sino que ndzambatʌs aŋmayušejtʌj te' Espíritu Santo's. Y nyajnʌctʌ'yajpatʌs Espíritu Santo'ʌyajupʌ pʌn tiyʌta'm Espiritu'sñe'.

2 Corintios 1:21

Y miji'ŋdʌj paquitzi'pa ndzoco'yojmo Cristopit Diojsis, y ñe'cʌ'stʌj tzi'tamu te' 'Yespiritu.

Efesios 4:21

Wiyuŋšej matoŋdamwa'mis te' evangelio chambapʌ's te' Jesucristo, y te'wʌpit ispʌctambamis oye te' Cristo chambapʌ's te' wiyuŋbʌ tiyʌ.

Colosenses 2:6

Como mbʌjcʌchoŋdamumis nwʌ'aŋjamgupyit tʌ Ngomi Jesucristo, te'šej tu'ŋajojcʌtʌctamʌ ñe'cʌji'ŋ.

1 Tesalonicenses 2:13

Te'cotoya nʌmjojcʌtʌcjapyatʌs Dios yʌscotoya porque mbʌjcʌchoŋjaytyamumis te' ñe' chame, tʌsmij nyajmatoŋdamupʌ. Nʌ'nʌmjaytyamumis te' Diojsis chame, y jañʌmdamʌmij, pʌ'nistijyʌ' chame, sino que nwʌ'aŋjamdamumis que wiyuŋšej Diojsiste' chame. Y yʌtij yʌ' tzame nʌ yojsu mijšejta'mbʌ wʌ'aŋja'moye'ojmota'm.

1 Tesalonicenses 4:9

Pero ja'ndiyʌ pyena wa'ytyʌsmij njayjaytyamu wa'mij ñašunʌtʌjtamu, porque Diojsismij 'yaŋmaytyamu wa'mij ñašunʌtʌjtamu ne'co'mo.

1 Timoteo 2:7

Te'cotoya copiŋu'ʌj y cʌ'weju'ʌj Diojsis wa'yʌs ndzamgopuŋu y wa'yʌs aŋmayaju te' gentilta'm wa'y wyʌ'aŋja'moyaju y wa'y pyʌjcʌchoŋyaju te' wiyuŋbʌ tiyʌ. Ʌj, wiyuŋdzamba'ʌj, ja'nʌj sutzi.

1 Pedro 1:23

Porque yʌtij njyomecotzʌctamwa'mij ndzoco'yojmo te' Diojsis chame's. Y te' Diojsis chame ja'nde' jujcha' yajpapʌ tiyʌ sino que itjojcʌtʌcpapʌ tiyʌte' y nunca ja'n yaye.

1 Juan 2:28

Yʌtij jeque, tʌwʌy, co'ŋjojcʌtʌctamʌ ñe'cʌ, uytyʌ maŋu na'tztamu ndzoco'yojmo ni ndza'ajtamu ñe' wyi'naŋdʌjqui tzajpojmo'ca nʌ wyanajcu'c nʌ'ca minu.

1 Juan 3:24

Y iwʌ's quiojamjapya Diojsis 'yaŋgui'mguy, choco'yojmo ñʌ'itjojcʌtʌcpa Diojsis. Y Dios itjojcʌtʌcpa te'šejpʌ pʌ'nis choco'yojmo. Mustambatʌ que ñe'cʌ itjojcʌtʌcpa tʌta'm ndzoco'yojmo porque tzi'tamwa'ndʌ te' Espíritu Santo.

2 Juan 1:2

Sundambatʌsmij porque mustamba'ndʌ que ijtu te' wiyuŋbʌ tiyʌ tʌta'm ndzoco'yojmo, y teymʌ maŋba itjojcʌtʌjcu.