1 Juan 2:25 - Zoque Copainalá New Testament

²⁵ Y Jesucristo'stʌte' tzamdzi'tamu te' ja'n yayepʌ quenguy.

1 Juan 2:25 ပူးပေါင်းရင်းမြစ်များ

San Lucas 18:30

te'wʌ's maŋba pyʌjcʌchoŋu más wʌwʌ yʌy najsacopajcʌsi y te' minbapʌ tiempo'ojmo maŋba pyʌjcʌchoŋu te' ja'n yayepʌ quenguy.

San Juan 10:28

Y ʌs ndzi'yajpa'ʌs ja'n yayepʌ quenguy. Ja'n maŋu tyocoyaju mumu jamacotoya. Y ya'iwʌ's ja'n musi yajʌcʌ'jayaju ʌs ŋgʌ'ojmoc.

San Juan 12:50

Y ʌs muspa'ʌs que ñe'cʌ'sʌj aŋgui'myajupʌ tiyʌ yospa ja'n yayepʌ quenguquiotoya. Y tiyʌta'mʌj Ndata's aŋgui'mu, na' te'wʌ ʌs ndzamba.

San Juan 3:15

wa'y iwʌ'sta'misʌj wʌ'aŋjamyajpa ʌj, uy tyocoyaju sino que wa'y pya'tyaju ja'n yayepʌ quenguy.

San Juan 5:39

Ndacsoctu'ndambamis te' Totojayeta'm porque nwʌ'aŋjamdambamis que te'wʌcʌsi mba'ttambamis te' ja'n yayepʌ quenguy. Te'wʌ'sʌjte' cotestigosajyajpa ʌj,

San Juan 6:27

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

San Juan 6:40

Y yʌ'šej šunba ʌs Ndata's: Jujche'ŋ iwʌ'sʌj ispʌcpa que ʌjte' te' Diojsis 'Yune, y wʌ'aŋjamba'ʌj, pya'tpa ja'n yayepʌ quenguy. Y ʌs maŋba'ʌs nyajwinsa'u ultimopʌ jamo'oyj.

San Juan 6:47

Wiyuŋše'ʌsmij nwiyuŋdzamjaytyamba: Iwʌ'sʌj wʌ'aŋjamba ʌj, pya'twa'a ja'n yayepʌ quenguy.

San Juan 6:54

Iwʌ's quiʌ'sjapya ʌs sis y tyo'ŋjapya ʌs nʌ'pin pya'twa'a ja'n yayepʌ quenguy, y maŋba'ʌs nyajwinsa'u ultimopʌ jamo'oyj.

San Juan 6:68

'Yaŋdzoŋu Simón Pedro's: Señor, juca ndzacpatʌsmij, ¿iwa'ndʌs ŋgʌ'maŋba? Mis ndzambamis tiyʌ'stʌ tzi'pa ja'n yayepʌ quenguy.

Romanos 2:7

Ñe'cʌ's maŋba chi'yaju ja'n yayepʌ quenguy iwʌ'sta'mis chʌcjojcʌtʌcpa oyeta'mbʌ tzʌqui, y te'wʌpit mye'chajpa wa'y pyʌjcʌchoŋyaju ñe' pyarte Diojsis myʌja'ŋajcu'yojmo, wyʌcotzamgu'yojmo y quienjojcʌtʌjcu'yojmo.

Romanos 5:21

Te'šej tujcu, y ca'ʌnʌmjojcʌtʌjcu te' cowapit. Pero te' Diojsis yajya'moquiupyit tzi'patʌ ja'n yayepʌ quenguy tʌ Ngomi Jesucristo's. Mbʌjcʌchoŋbatʌ yʌ' ja'n yayepʌ quenguy te' jyusticiapit te' tzi'papʌtʌ.

Romanos 6:23

Porque te' cowa's quioyowa, ca'aŋde', pero Diojsistʌ saŋdzi'pa ja'n yayepʌ quenguy tʌta'm Ngomi Cristo Jesuspit.

Gálatas 6:8

Iwʌ's chʌcpa ñe' yatzipʌ wyi'nis šunbašej, tyocoquiuytye' nʌ ñimejcʌyu te'šejpʌ wyi'nis chʌquipit. Pero iwʌ's chʌcpa te' Espíritu Santo's šunbašej maŋba pyʌjcʌchoŋu ja'n yayepʌ quenguy te' Espiritupit.

1 Timoteo 1:16

Pero to'ya'ŋʌyu'ʌj Jesucristo's nimeque'ctij wa'y yajqueju wina ʌjcʌsi te' aŋba'tepʌ pyaciencia. Y te'šej chʌjcu wa'y quiengʌspʌquiaju ʌjcʌsi jujche'ŋ maŋbapʌ's wyʌ'aŋjamyaju ñe'cʌ wa'y pya'tyaju ja'n yayepʌ quenguy.

1 Timoteo 6:12

Y coquipʌ oye'c te' wiyuŋšejpʌ wʌ'aŋja'moquiuy. Ndumʌtzocoy nite'tzʌ te' ja'n yayepʌ quenguy. Diojsis te'wʌcotoyamijte' nwyeju cuando quejuqueju'c mij ñʌmu'c que nwyʌ'aŋja'mopyamij sonepʌ testigujsis wyi'naŋdʌjqui.

1 Timoteo 6:19

Yʌ'šejta'mbʌ tzʌquipit nʌte' ñipcʌwʌ'ñaju rico'ajcuy tzajpojmocotoya, y tumʌtzocoy nʌ ñite'tzʌyaju te' ja'n yayepʌ quenguy.

Tito 1:2

Nʌ'ʌs nyosjayu Dios porque njo'cpa'ʌs ja'n yayepʌ quenguy te' chamdzi'oquia'upʌ Diojsis maŋba'cmaj tyujcu yʌ' najsacopac. Y Dios yajujche'c ja'n šutzi.

Tito 3:7

Te'šej chʌjcu Diojsis wa'ytyʌ nʌcma'yʌyu justota'mbʌšej te' ñe' yajya'moquiupyit, y wa'ytyʌ yajcotzojcoctuctamu njo'ctambašejtʌ hasta que tucpa.

1 Juan 1:2

Diojsis yajquenutʌj quenequene yʌ' tzi'papʌ'stʌj quenguy. Y ŋguenutʌs, y ñe'cʌtʌs ŋgotzamba. Y nyajmustambatʌsmij que yʌ'wʌte' te' ja'n yayepʌ quenguy ijtupʌytya' inʌc tʌ Ndata Diosji'ŋ, y minutʌj yajquenu wyin.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

Judas 1:21

Como Diojsis jene sundambatʌ, coquendamʌ nwin wa'mis sundaŋgue'tu ñe'cʌ. Pacienciapit jo'ctamʌ wa'mij ŋguiotzococtuctamu y wa'mij ñchi'tamu ja'n yayepʌ quenguy tʌ Ngomi Jesucristo's te' tyo'ya'ŋʌ'oquiupyit.