1 Juan 2:24 - Zoque Copainalá New Testament

²⁴ Tiyʌmis matoŋdamu nwyʌ'aŋja'moytyamu'cmij, te'šej wʌ'aŋjamjojcʌtʌctamʌ. Juca nwʌ'aŋjamjojcʌtʌctambamis tiyʌmis matoŋdamu nwyʌ'aŋja'moytyamu'cmij, choco'yojmomij maŋba ñʌ'itjojcʌtʌctamu Diojsis, y te'šejtijque' 'Yune's.

1 Juan 2:24 ပူးပေါင်းရင်းမြစ်များ

San Lucas 1:2

Y yʌ' quieñajupʌ tiyʌ cho'tzcu'yojmo jya'yʌyaju yajqueñajušejtʌ. Y yʌ' pʌnda'm yojšajque'tu wa'y chamgopuŋyaju te' evangelio.

San Lucas 9:44

Matoŋdamʌ oye'c, y umis njambʌ'tamu te' nʌ'ʌsmij ndzamupʌ tiyʌ: Maŋba'ʌj tzi'oquiu'yajyaju ʌj, te' Pʌ'nis 'Yune, pʌ'nista'm quiʌ'ojmo.

San Juan 14:23

Aŋdzoŋu Jesús: Iwʌ'sʌj sunba, quiojamjapya ʌs ndzame. Y ʌs Ndata's maŋba šunu, y ŋgʌ'minbatʌs ñe'cʌ y minbatʌj ijtu ñe' choco'yojmo.

San Juan 15:7

Juca ʌs ndzoco'yojmo mij itjojcʌtʌctamba, y juca ʌs ndzame itjojcʌtʌcpa mista'm ndzoco'yojmo, wa'ctamʌ tiyʌta'm mis sundamba y maŋba'ʌsmij ndzi'tamu.

San Juan 6:56

Iwʌ's quiʌ'sjapya ʌs sis y tyo'ŋjapya ʌs nʌ'pin, ʌs ndzoco'yojmo itjojcʌtʌcpa y ʌj ñe' choco'yojmo itpa.

San Juan 8:25

Y quiʌ'aŋwa'quiaju: ¿Mij, iwa'mijyʌ'? Pijche'ca Jesujsis ñʌjayaju: Ndzamjaytyamuše'amʌsmij desde nʌcʌtzo'tzu'cʌs aŋma'yoquiuy.

Filipenses 4:15

Filipo-pʌnda'm, mustambamis que na' mista'mde' ndu'mʌquiu'yisʌj cotzoŋu yajya'moquiupyit. Yʌ'šejmis ndzʌctamu wa'mis nyajquejtamu que nʌmisʌj nʌjaytyamu yʌscotoya, porque ndzamgopuŋjaytyamu'ʌsmij te' evangelio. Te'šejmis ndzʌctamu maŋba'cma'ʌj tzu'cumu Macedonia-najsojmoc wa'yʌs ndzamgopuŋnitzʌjcu te' evangelio emʌ.

Colosenses 3:16

Ya'itjojcʌtʌcʌ Cristo's chame mista'm ndzoco'yojmo. Y te'šej muspamis na'yaŋmayʌtʌjtamu y nachamjatʌjtamu te' tzajpojmopʌ mujsoquiuy. Y wandamʌ salmo y himno y eyata'mbʌ wane Espíritu Santo'smij 'yaŋmayajpapʌ, te'šej wa'y quieju que mis ndzoco'yojmo nʌmij ñʌmdamu: Yʌscotoya chʌcpa Diojsis.

Hebreos 2:1

Como wiyuŋšejta'mbʌ tiyʌyʌ', ijtu pyena wa'ytyʌ tumʌtzocoy mato'ŋoytyamu te' matoŋdamupʌ tiya'ndʌ uytya'ndʌ maŋu njascojchi'ttamu.

Hebreos 3:14

Juca nite'tzʌytyamba Dios hasta ŋguendamba ñe'cʌ, y nwʌ'aŋjambatʌ jujcha'nde' mbʌjcʌchoŋdamu'cšejtʌ, maŋbatʌ nʌpʌctamu Cristo's jujche'ŋ ñe'cʌ's quiowindzʌmba.

1 Juan 1:3

Yʌ'wʌ ŋguenutʌs y ne'cʌtʌste' ŋgʌmato'ŋʌyu. Y yʌtij nyajmustambatʌsmij wa'ytyʌ ndumʌquipstamu ne'co'mo, jujcha' tʌj ndumʌquipspa Diosji'ŋ y 'Yune Jesucristoji'ŋ.

1 Juan 1:7

Juca Diojsis šʌ'ŋgʌ' tʌ nʌtu'ŋajapya, sʌ'ŋjapyašejtʌ ñe'cʌ's, wiyuŋšejtʌ tumʌquipspa Diosji'ŋ, y Diojsis 'Yune's, Jesucristo's ñʌ'pi'nis yajcowajapya mumu tʌ ŋgowa.

1 Juan 2:7

Atzita'm, ja'ʌsmij nʌ njayjaytyamu jomepʌ aŋgui'mguy, sino que te' wina tʌjcʌyupʌ, te' nʌ'ittamupʌmis desde cho'tzcu'yojmo. Te' wina tʌjcʌyupʌ aŋgui'mguy, te'wʌtijte'que' te' tzame mbʌjcʌchoŋdamupʌmis nwʌ'aŋjamdamu'cmis Cristo.

1 Juan 3:24

Y iwʌ's quiojamjapya Diojsis 'yaŋgui'mguy, choco'yojmo ñʌ'itjojcʌtʌcpa Diojsis. Y Dios itjojcʌtʌcpa te'šejpʌ pʌ'nis choco'yojmo. Mustambatʌ que ñe'cʌ itjojcʌtʌcpa tʌta'm ndzoco'yojmo porque tzi'tamwa'ndʌ te' Espíritu Santo.

1 Juan 4:13

Mustambatʌ que ñe'cʌ Diojsis nʌ'itjojcʌtʌctambatʌ ñe' choco'yojmo, y ñe'cʌ itjojcʌtʌcpa tʌta'm ndzoco'yojmo. Mustambatʌ yʌ'šej porque ñe'cʌ'stʌ tzi'tamu te' ñe' 'Yespiritu Santo.

1 Juan 4:15

Iwʌ tumʌtzocoy nʌmbapʌ que Jesús Diojsis te' 'Yune, ñe' choco'yojmo itjojcʌtʌcpa Dios y Diojsis ñʌ'itjojcʌtʌcpa te'šejpʌ pʌn choco'yojmo.

1 Juan 4:16

Y tʌta'm mustamba'ndʌ ndzoco'yojmo y nwʌ'aŋjamdamwa'ndʌ que jene tʌ sundamba Diojsis. Diojsis šajpa su'noquiuy. Y iwʌ's šunba Dios y eyata'mbʌ pʌn, Diojsis ñʌ'itjojcʌtʌcpa te'šejpʌ pʌn choco'yojmo, y te' pʌ'nis choco'yojmo itjojcʌtʌcpa Dios.

2 Juan 1:2

Sundambatʌsmij porque mustamba'ndʌ que ijtu te' wiyuŋbʌ tiyʌ tʌta'm ndzoco'yojmo, y teymʌ maŋba itjojcʌtʌjcu.

2 Juan 1:9

Iwʌ's myaŋdochʌcpa y ja'n wyitjojcʌtʌqui te' aŋma'yoyušej Cristo, ja'ndiyʌmaj Diojsis 'Yespiritu ñe' choco'yojmo. Iwʌ witjojcʌtʌcpa aŋma'yoyušej Cristo ñʌc'ijtʌwya'a choco'yojmo tʌ Ndata Diojsis y te' 'Yune's.

3 Juan 1:3

Wiyuŋšej jene nʌ'omu'ʌs miñaju'c te' atzita'm y tzamjayaju'ʌj que tumʌtzocoy mis nwʌ'aŋjamba te' wiyuŋbʌ tiyʌ. Y nʌwa'mis nʌtu'ŋaju wiyuŋšejpʌ wʌ'aŋja'moquiuy.

El Apocalipsis 3:11

Yʌtij jeque, jʌ'nʌ'amʌj maŋba minu. Pero ʌs ndzameta'm nʌ'itjaytyamupa'mis, cojamjojcʌtʌctamʌ umis maŋu nyajtocoytyamu mista'm ŋgorona te' maŋbamis mbʌjcʌchoŋdamupʌ.

El Apocalipsis 3:3

Jamwʌtzʌctamʌ jutzta'm mij ñchamjayaju y tiyʌta'm mis matoŋdamu y sa'sa'c cojamya, pero quipswitu'cuyji'ŋ. Y juca ja'nmis ŋgoquendame cuenta, maŋba'ʌj minjumbʌ'u jujcha' nu'mbawʌ y ja'nmis maŋu mustamu tiyʌ hora'ʌj minjumbʌ'pa.