1 Juan 2:22 - Zoque Copainalá New Testament

²² Jujche'ŋ iwʌ's ja'n pyʌjcʌchowe que Jesuste' te' Cristo te' Diojsis quiopiwi, yʌ'wʌte' te' sutzpapʌ. Y jujche'ŋ iwʌ's ja'n pyʌjcʌchowe que te' Dios, Cristo's te' Tyataj, y te' Cristo que Diojsis te' 'Yune, yʌ'wʌte' te' qui'nispapʌ's Cristo.

1 Juan 2:22 ပူးပေါင်းရင်းမြစ်များ

San Mateo 24:24

Porque maŋba chu'cumyaju chʌquichʌquita'mbʌ Cristo y tza'maŋwa'oyeta'm. Y maŋba chʌquiaju maya'aŋda'mbʌ tiyʌ y isaŋwʌ'ajcuy wa'y 'yaŋgoma'cʌyaju hasta te' Diojsis quiopiwita'm, juca inʌc pya'tyajpa jutz.

San Mateo 24:5

Porque maŋba miñaju wʌwʌ pʌn ʌs nʌquiʌsi sujchajpawʌ, y maŋba ñʌmyaju: Ʌjte' te' Cristo. Y wʌwʌ pʌn maŋba 'yaŋgoma'cʌyaju.

San Juan 8:44

Mijta'm diablo's mijyʌ' 'yuneta'm, te'wʌte' mista'm ndataj. Y mista'm ndata's šu'noquiuy, te'wʌ mis sunba ndzʌcjaytyamu. Ñe'cʌ yajca'opyapʌte' desde cho'tzcu'yojmo, y yajujche'c ja'n chʌqui wiyuŋbʌ tiyʌ porque ja'ndiyʌ wiyuŋbʌ tiyʌ ñe' choco'yojmo. Chamba'c sutzi ñe' quio'quips chamba, porque sutzpapʌte' y ñe'cʌ sutzi's te' pyo'c.

1 Juan 1:6

Juca nʌmdambatʌ que tumʌquipstambatʌ Diosji'ŋ, y witpatʌ tocoquiu'yojmo, nʌtʌte' ŋga'ŋdzactamu, te' wiyuŋbʌ tiyʌ y sutztambatʌ.

1 Juan 2:18

Tʌwʌy, co'yajcu'yojmotya'ndʌyʌ' nʌ ittamu. Matoŋdamwa'mis que maŋba inʌc quieju te' qui'nispapʌ's te' Cristo. Y yʌtij yʌmʌc teymʌjca nʌ quiejyaju qui'nišajpapʌ's Cristo. Yʌ'šejta'mbʌ tiyʌ'stʌ yajnʌctʌ'pya que co'yajcu'yojmotya'ndʌyʌ' nʌ ittamu.

1 Juan 2:23

Porque mumu'iwʌ'sta'mis ja'n pyʌjcʌchoŋyay te' Diojsis 'Yune, Tata Dioste' ja'n pyʌjcʌchoŋyay. Y iwʌ'sta'mis pyʌjcʌchoŋjayajpa te' Diojsis 'Yune, pyʌjcʌchoŋyajpa te' Tata Dios.

1 Juan 2:4

Juca iwʌ nʌmba: Ʌs ispʌcpa'ʌs Dios, y ja'n quiojamjay ñe' 'yaŋgui'mguy, sutzpapʌte' y Diojsis chame ja'ndiyʌmaj ñe' choco'yojmo.

1 Juan 4:20

Juca iwʌ nʌmba: Ʌs sunba'ʌs Dios. Y juca te'wʌ'stij qui'nispa 'yatzi, sutzpapʌte'. Porque iwʌ's ja'n šuni te' 'yatzi nʌ quienupʌ, ¿jutza' jeque muspa šunu Dios ja'n nʌ quienupʌ?

1 Juan 4:3

Y jujche'ŋ nʌmbapʌ que jaminʌ pyʌ'na jujcha' pʌn te' Jesucristo, Diojsis quiopiwi, te'šej nʌmbapʌ, ja'n 'yaŋma'yoy Diojsis 'Yespiritupit. Yʌ'šejpʌ pʌ'nis qui'nispa Cristo. Mustambamis que maŋba inʌc minu, y yʌtij yʌ'ya ijtu najsacopajcʌsi.

1 Juan 5:1

Mumu iwʌ's wyʌ'aŋjamba que Jesuste' te' Cristo te' Diojsis quiopiwi, te'wʌ Diojsis te' 'yuneta'm. Y iwʌ's šunba te' Tataj šunjaquie'tpa te' ñe' 'yuneta'm.

2 Juan 1:7

Porque jene ijtyajwa'a aŋgoma'cʌ'oyajpapʌ najsacopajcʌsi. Yʌ'ta'mbʌ nʌmyajpa que jaminʌ pyʌ'na jujcha' pʌn te' Jesucristo, te'šej aŋgoma'cʌ'opyapʌte' y qui'nispapʌ's te' Cristo.

Judas 1:4

Porque nu'mdʌjcʌyajwa'a mi'ojmota'm pʌnda'm ja'n ña'chapyʌ's Dios, chacjayajpapʌ's Diojsis yajya'moquiuy wa'y chʌcjayaju ñe'ta'm wyi'nis yatzi šu'noquiuy. Y nʌmyajpa que ja'n suni pyʌjcʌchoŋyaju te' tumʌpʌ Dios aŋgui'mbapʌ ni tʌ Ngomi Jesucristo. Diojsiste' myayaju desde wina yʌ'šejta'mbʌ pʌn wa'y tyocoyaju te'šejta'mbʌ tzʌquicʌsi.

El Apocalipsis 3:9

Yʌtij jeque maŋba'ʌs nwejmiñaju te' tu'mʌyajpapʌ wa'y chʌcjayaju Satanajsis šu'noquiuy. Yʌ'ta'mbʌ nʌmyajpa que judio-pʌnda'mde', y ja'nde' pitta'm, sujchajpapʌte'. Te'ta'mbʌ jeque, maŋba'ʌs nwejmiñaju wa'y minu quiʌna'tzʌ'oyaju mis nwi'naŋdʌjqui wa'y myujšaju que jene sunu'ʌsmij mij, ʌs ndu'mʌquiuy.