1 Juan 2:18 - Zoque Copainalá New Testament

¹⁸ Tʌwʌy, co'yajcu'yojmotya'ndʌyʌ' nʌ ittamu. Matoŋdamwa'mis que maŋba inʌc quieju te' qui'nispapʌ's te' Cristo. Y yʌtij yʌmʌc teymʌjca nʌ quiejyaju qui'nišajpapʌ's Cristo. Yʌ'šejta'mbʌ tiyʌ'stʌ yajnʌctʌ'pya que co'yajcu'yojmotya'ndʌyʌ' nʌ ittamu.

1 Juan 2:18 ပူးပေါင်းရင်းမြစ်များ

San Mateo 24:11

Y jene maŋba ijtu chʌquichʌquita'mbʌ tza'maŋwa'oye, y wʌwʌ pʌn maŋba 'yaŋgoma'cʌyaju.

San Mateo 24:24

Porque maŋba chu'cumyaju chʌquichʌquita'mbʌ Cristo y tza'maŋwa'oyeta'm. Y maŋba chʌquiaju maya'aŋda'mbʌ tiyʌ y isaŋwʌ'ajcuy wa'y 'yaŋgoma'cʌyaju hasta te' Diojsis quiopiwita'm, juca inʌc pya'tyajpa jutz.

San Mateo 24:5

Porque maŋba miñaju wʌwʌ pʌn ʌs nʌquiʌsi sujchajpawʌ, y maŋba ñʌmyaju: Ʌjte' te' Cristo. Y wʌwʌ pʌn maŋba 'yaŋgoma'cʌyaju.

San Marcos 13:6

Porque maŋba miñaju wʌwʌ pʌn ʌs nʌquiʌsi sujchajpapʌ y nʌmyajpapʌ: Ʌjte' te' Cristo. Y wʌwʌ pʌn maŋba 'yaŋgoma'cʌyaju.

San Juan 21:5

Y nʌjayutʌj: Tʌwʌy, ¿nʌ'ittamuja tiyʌ'iwʌpʌ cu'tcuy? Aŋdzoŋutʌs: Jañʌ'itʌtʌs.

Romanos 13:11

Y yʌtij, como muspa'ndʌ tiyʌ aŋsʌŋyʌ', nu'cwa'nde' hora wa'ytyʌ itzaŋwajtamu nwitʌm porque yʌtij masa' tome wa'ytyʌ ŋgotzocta'nu que ja'nde' nwʌ'aŋjamdamu'ctʌ.

Romanos 13:12

Nʌwa'nde' quiʌtʌjcu te' tzu', y maŋbapa'nde' minu tʌ Ngomi. Ndzacta'mitʌy tʌta'm ndzoco'yojmopʌ pi'tza'ŋajcu'yis chʌqui, y ŋgoquipta'mitʌy nwin tʌ nʌctʌ'yoquiu'yis šʌ'ŋgʌpit.

Hebreos 1:2

Pero yʌ' ultimota'mbʌ aŋsʌ'ŋoyj oto'ŋʌytyamuwa'ndʌ Diojsis te' 'Yunepit. Y ñe'cʌpittijte'que' chʌjcu Diojsis mumutiyʌ y quiopiŋu wa'y ñe'cʌ's pyʌjcʌchoŋbʌ'u.

1 Pedro 1:20

Diojsis quiopiŋu jeque te' Cristo antesquemaj tucpa najsacopac wa'y 'yumbʌ'u ñʌ'pin mijcotoyata'm. Pero jaminʌ Cristo hasta yʌ' ultimopʌ aŋsʌ'ŋojmo.

1 Pedro 1:5

Nʌmis nwʌ'aŋjamdamu'ŋmʌjcʌ Dios, ñe'cʌ'smij nʌ ŋguiopʌ'ctamu y ŋguiotu'stamu hasta ŋguiotzojcoctuctamu te' ultimota'mbʌ jamo'oyj. Jʌ'ʌ, pijche'cpʌ jamo'oyj, quipsušej Diojsis, maŋba yajqueju jutzte' mʌja'ŋbʌ tiyʌ tʌta'm ŋgotzojcuy.

1 Pedro 4:7

Tomya' wa'y yaju mumutiyʌ. Jʌ'ctzʌ'ytyamʌ nwin, tzʌctamʌ oyepʌ tiyʌ, y oto'ŋʌyjojcʌtʌctamʌ Dios y uy mochcʌtʌŋdame ndzoco'yojmo.

2 Pedro 2:1

Pero ijtyajque'tu inʌc Israel-pʌ'nojmota'm sujchajpapʌ tza'maŋwa'oyeta'm. Y te'šej maŋba ijtyajque'tu mi'ojmota'm sujchajpapʌ aŋma'yoye. Maŋba ñu'mdʌjcʌyaju mi'ojmota'm wa'y ñʌtʌjcʌyaju ja'n 'yoyepʌ aŋma'yoquiuy. Y yʌ' sujchajpapʌ aŋma'yoye maŋba ñʌmyaju que ja'nde' ñe' Quiomi te' yajcotzoquiajupʌ's. Y te'cotoya ñe'cʌ'stij ñʌcje'csʌyajpa wyin, y ja'n tiyʌ nʌ quipšaju'c maŋba tyocoyaju.

2 Pedro 3:3

Jamwʌtzʌctamʌ nimeque'ctij yʌ'wʌ: Ultimopʌ aŋsʌ'ŋojmo maŋba miñaju quiʌsijcʌyajpapʌ's te' Diojsis chame, te' ñe'ta'm yatzi su'noquiu'yojmo tu'ŋajyajpapʌ's.

1 Juan 2:22

Jujche'ŋ iwʌ's ja'n pyʌjcʌchowe que Jesuste' te' Cristo te' Diojsis quiopiwi, yʌ'wʌte' te' sutzpapʌ. Y jujche'ŋ iwʌ's ja'n pyʌjcʌchowe que te' Dios, Cristo's te' Tyataj, y te' Cristo que Diojsis te' 'Yune, yʌ'wʌte' te' qui'nispapʌ's Cristo.

1 Juan 4:1

Tʌwʌy, sundamba'ʌsmij. Uy wʌ'aŋjamdame ñempe'iwʌ pʌn nʌmbapʌ que Diojsis 'Yespiritupit aŋma'yopya. Tzʌjquistamʌ winac juca Diojsiste' 'Yespiritupit aŋma'yopya. Porque sone nʌ wyijtyaju sujchajpapʌ tza'maŋwa'oye yʌ' najsacopajcʌsi.

1 Juan 4:3

Y jujche'ŋ nʌmbapʌ que jaminʌ pyʌ'na jujcha' pʌn te' Jesucristo, Diojsis quiopiwi, te'šej nʌmbapʌ, ja'n 'yaŋma'yoy Diojsis 'Yespiritupit. Yʌ'šejpʌ pʌ'nis qui'nispa Cristo. Mustambamis que maŋba inʌc minu, y yʌtij yʌ'ya ijtu najsacopajcʌsi.

2 Juan 1:7

Porque jene ijtyajwa'a aŋgoma'cʌ'oyajpapʌ najsacopajcʌsi. Yʌ'ta'mbʌ nʌmyajpa que jaminʌ pyʌ'na jujcha' pʌn te' Jesucristo, te'šej aŋgoma'cʌ'opyapʌte' y qui'nispapʌ's te' Cristo.

Judas 1:18

te' yʌ'šej nʌmyaju'c: Ultimopʌ aŋsʌ'ŋojmo maŋba ijtu quiʌsijcʌyajpapʌ's te' Diojsis chame, te' ñe'ta'm tu'ŋajyajpapʌ yatzi su'noquiu'yojmo.