1 Juan 2:13 - Zoque Copainalá New Testament

¹³ Y mijta'm, tatajta'm, nʌ'ʌsmij njayjaytyaŋgue'tu, porque ispʌctambamis Cristo, te' ijtupʌytya' inʌc maŋba'cmaj tyujcu mumutiyʌ. Y mijta'm, unepʌnda'm, nʌ'ʌsmij njayjaytyaŋgue'tu, porque nwʌytyamwa'mis te' yatziwʌ. Y mij, uneta'm, nʌ'ʌsmij njayjaytyaŋgue'tu, porque ispʌctamba'mis tʌ Ndata Dios.

1 Juan 2:13 ပူးပေါင်းရင်းမြစ်များ

San Mateo 11:27

Yʌ'šej cha'maŋwajcʌ'yu Jesujsis: Ʌs ŋgʌ'ojmo quiojtu ʌs Ndata Diojsis mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Mateo 13:19

Iwʌ's myatoŋba jutz aŋgui'mba te' tzajpojmo ijtupʌ, y ja'n ñʌctʌ'i, minba te' yatziwʌ y yajʌcʌ'japya te' Diojsis chame tʌjcʌyupa'a choco'yojmo. Yʌ'wʌte' te' tʌmbu cuñajuwʌ tuŋgʌsi.

San Mateo 13:38

Y te' yojsaŋ, najsacopacte'. Y te' oyeta'mbʌ tʌmbu, te' Diojsis te' 'yuneta'm. Y te' yatzi-pa'aj, te' yatziwʌ'ste' 'yuneta'm.

San Mateo 5:37

Pero tumʌnanʌmdamʌ jʌ'ʌ, o ja'ne. Juca más mis a'ŋʌytyamba, yatziwʌ'ste'ñe'.

San Lucas 10:22

Ʌs ŋgʌ'ojmo quiojtu ʌs Ndata's mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Juan 14:7

Juca inʌc misʌj ispʌctamba ʌj, te'šejtijmis inʌc ispʌcjaytyaŋgue'tpa ʌs Ndataj. Y desde yʌtij ispʌctambamis y ŋguendamwa'mis.

San Juan 14:9

Y ñʌjayu Jesujsis: Sone aŋsʌ'ŋa'mʌj ijtu miji'ŋda'm y ¿ja'nmaja'ʌj ispʌqui mis Felipe? Iwʌ'sʌj quenwa'a ʌj, quienjawya'mʌs Ndataj. ¿Tiyajca'nde' ñʌmbamij: Yajquenatʌj mis Ndata Dios?

San Juan 16:3

Y yʌ'šejta'mbʌ tiyʌ maŋba chʌquiaju porque ja'nʌj ispʌquiay ʌj ni ʌs Ndata Dios.

San Juan 16:33

Yʌ'šejta'mbʌ tiyʌ'ʌsmij ndzamjaytyamu wa'mij sʌ'mnayu'c ittamu ʌs nʌ ndzamyajupʌ tiyʌpit. Maŋbamis ŋguendamu toya najsacopajcʌsi, pero paquitzoco'yajtamʌ, nwʌwya'mʌs najsacopajcʌsi quiʌñʌñajpapʌ tiyʌ.

San Juan 17:21

Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 8:19

Ñe'cʌ'sta'm quiʌ'aŋwa'quiaju: ¿Juta' jeque ijtu mis Ndataj? Aŋdzoŋu Jesús: Ja'nmisʌj ispʌctame ʌj ni ʌs Ndataj. Juca inʌc misʌj ispʌctamba ʌj, ispʌcjaytyambamis inʌc ʌs Ndataj.

2 Corintios 4:6

Aŋgui'mu Dios wa'y šʌ'ŋjojpajcu sʌ'ŋgʌ' pi'tza'ŋajcʌ'ojmo. Yʌ' Dios sʌ'ŋjojpajcu tʌ ndzoco'yojmo wa'ytyʌ tzi'u nʌctʌ'yoquiuy. Yʌ'šej chʌjcu wa'ytyʌ musjayu Diojsis myʌja'ŋajcuy. Yʌ' mʌja'ŋajcuy tʌ ŋguendamba Jesucristo's wyinnacacʌsi.

1 Timoteo 5:1

Uy otoŋjayay tzamyajupʌ pʌnda'm, sino que sa'sa'c aŋnʌctza'mʌya jujcha' mis ndataj, y te' más unepʌnda'mbʌ jujcha' mis atzita'm.

Tito 2:6

Te'šejtij aŋnʌctza'mʌyajque'ta unepʌnda'm wa'y mujsu quiopiŋyaju tiyʌ oye y tiyʌ ja'n 'yoye.

1 Juan 1:1

Nyajmustambatʌsmij te' ijtupʌytya' inʌc maŋba'cmaj tyujcu mumutiyʌ, ne' ŋgowipittʌs ŋgʌmato'ŋʌyupʌ, y ne' nwitʌmbittʌs ŋguenupʌ. Y yʌ' ŋguenupʌ tiyʌtʌs, y mbi'quisupʌ tiyʌtʌs, ñe'cʌte' te' Tzame tzi'tambapʌ'stʌ quenguy.

1 Juan 2:1

Tʌwʌy, yʌ'šejta'mbʌ tiyʌ'ʌsmij nʌ njayjaytyamu wa'mij jana ŋguiowapa'ttamu. Y juca iwʌjutiwʌ cowapa'tpa, te' justopʌ Jesucristo'stʌ maŋba co'otoŋu Diojsis wyi'naŋdʌjqui.

1 Juan 2:12

Nʌ'ʌsmij njayjaytyamu tʌwʌy, porque Diojsis yajcotocoyjaytyamwa'a mista'm ŋgowa tʌ Ngomi Jesucristo's ñʌquiʌsi.

1 Juan 2:14

Y mijta'm, tatajta'm, njayjaytyamu'ʌsmij, porque ispʌctambamis Cristo, te' ijtupʌytya' inʌc maŋba'cmaj tyujcu mumutiyʌ. Y mijta'm, unepʌnda'm, njayjaytyaŋgue'tu'ʌsmij, porque mbyaquipaquita'm mij, y Diojsis chame ijtu mista'm ndzoco'yojmo y nwʌytyamwa'mis te' yatziwʌ.

1 Juan 3:12

Uytyʌ ndzʌctamu Cai'ŋis chʌjcušej. Satanajsiste' inʌc ñe', y yajca'u te' pyotzo. ¿Y tiyʌcotoyasʌ'ŋde' yajca'u? Porque te' ñe' chʌqui yatzita'mbʌte' inʌc, y te' pyotzo's chʌqui wʌta'mbʌte' inʌc.

1 Juan 4:4

Tʌwʌy, Diojsismijyʌ' ñe'ta'm y te'cotoya nwʌytyamwa'mis yʌ' sujchajpapʌ. Porque te' Dios, te' ijtupʌ mista'm ndzoco'yojmo, maste' pʌmi'ʌyupʌ que ja'nde' yatziwʌ, aŋgui'mbapʌ najsacopajcʌsi.

1 Juan 5:18

Muspatʌ que mumu jujche'ŋdʌ Diojsis 'yuneta'm ja'ndʌ ŋgowapa'tjojcʌtʌctame, porque te' Diojsis 'Yune'stʌ coquendamba y te' yatziwʌ's ja'ndʌ musi wʌyu.

1 Juan 5:20

Mustambatʌ que te' Diojsis 'Yune minu najsacopajcʌsi y tzi'tamutʌ nʌctʌ'yoquiuy wa'ytyʌ ispʌctamu te' wiyuŋšejpʌ Dios. Y yʌtij wiyuŋšejpʌ Diojsisandʌ nʌ'ittamu ñe' choco'yojmo, te'wʌte' te' Jesucristo. Yʌ'wʌte' te' wiyuŋšejpʌ Dios, y ñe'cʌ'stʌ tzi'pa ja'n yayepʌ quenguy.

El Apocalipsis 12:11

Te' tʌta'm atzi'sta'm wyʌyajwa'a Satanás porque te' Ñchowambe Jesucristo's quioca'yaju ñe'cʌta'm 'yumbʌ'u'c ñʌ'pin y te'šejtijque' ñʌwʌ'ajyajwa'a porque quiotestigosajyaju Jesús, y jatyo'ya'ŋʌya wyin ni jaña'cha wa'y quia'yaju.

El Apocalipsis 2:7

Iwʌ's ijtyaju quiowi wa'y myatoŋyaju, yajcʌmato'ŋʌya te' Espíritu Santo's 'yoto'ŋʌyajpašej te' Diojsis tyu'mʌquiuytya'm. Iwʌ's ñʌwʌ'ajpa, maŋba'ʌs ndzi'u lugar wa'y quiu'tu te' iscuy-quenguquiotoya yospapʌ cu'yis tyʌm. Te'šejpʌ mʌja cuy, Diojsiste' pyaraiso'ojmo ijtupʌ.