1 Juan 2:10 - Zoque Copainalá New Testament

¹⁰ Iwʌ's šunba 'yatzi, Diojsis šʌ'ŋgʌtzʌcjawya'a chocoy, y choco'yojmopʌ tiyʌ's ja'na yajcowapa'te.

1 Juan 2:10 ပူးပေါင်းရင်းမြစ်များ

San Mateo 13:21

Pero te' choco'yojmo ja'n wyatzipʌqui te' tzame, uša'ŋ horacotoyatij wyʌ'aŋjamyajpa. Quiengʌ'yajpa'c toya o qui'nisoquiuy te' Diojsis chamecotoya, pijche'ctij ja'na šuñay, y chaquiajpa.

San Mateo 18:7

Jene maŋba quieñaju toya najsacopac-pʌ'nista'm, porque jene ijtu yajcowapa'toyajpapʌ tiyʌ. Te'šejta'mbʌ tiyʌ's pyʌcpa wa'y ijtu, pero maŋba quienu toya te' yajcowapa'tpapʌ's tyʌwʌ.

San Juan 11:9

Aŋdzoŋu Jesús: Macwʌstʌjca'y hora ñʌ'ijtu tuma'ŋ jama's. Iwʌ witpa jama's wyi'noyj ja'n ñepcʌschʌmi, porque šʌ'ŋba jama.

San Juan 12:35

Pijche'c Jesujsis ñʌjayaju: Yʌy najsacopajcʌsi uša'ŋ horatya'mʌsmijyʌ' maŋba sʌ'ŋgʌtzʌcjaytyamu, te'šej wittamʌ umij mbya'tewʌ'ajtamu pi'tza'ŋajcʌ's. Porque iwʌ witpa pi'tza'ŋajcu'yojmo ja'n myusi jutʌte' nʌ myaŋu.

San Juan 8:31

Y te' judiota'm, wyʌ'aŋjamyajupʌ's, ñʌjayaju Jesujsis: Mijta'm, juca myato'ŋoytyambamij ndzamjaytyamuše'ʌsmij, wiyuŋšejpʌ ʌs ŋgʌ'aŋmaye mijta'mde?

Romanos 14:13

Te'cotoya u'yandʌ ŋguenjayu eyapʌ's jyana oye'ajcuy. Más oye wa'ytyʌ ŋgoquenu cuenta uytyʌ nyajnepcʌschʌmu ni uytyʌ nyajcowapa'tu tʌ atzi.

Filipenses 1:10

te'šej wa'mis mujsu ŋgopiŋdamu te' más oyeta'mbʌ tiyʌ. Y maŋbamij ñdyu'ŋajtamu wiyu'ŋajcu'yojmo y yajtiyʌcʌsimij ja'n maŋu ŋguionocatʌjtamu te' jamo'oyj minba'ca Cristo.

2 Pedro 1:10

Te'cotoya, atzita'm, coquendamʌ cuenta wa'mis nyajquejtamu mista'm nwʌ'aŋja'moquiu'yojmo que wiyuŋšej ja'nmij myochcʌtʌŋdame porque Diojsismijyʌ' nwyejtamu y ŋguiopiŋdamu. Y juca yʌ'šejmis ndzʌctamba, ja'nmij ñdyocoytyame Diojsis wyi'naŋdʌjqui.

1 Juan 2:11

Pero iwʌ's qui'nispamaj 'yatzi, japyʌjcʌchoŋjamaj Diojsis šʌ'ŋgʌ' ñe' choco'yojmo, y witpa tocoquiu'yojmo. Ja'n myusi jutʌte' nʌ myaŋu porque jašʌ'ŋgʌtzʌcja chocoy sʌ'ŋgʌ's y ja'n musi quienu te' wiyuŋbʌ tiyʌ.

1 Juan 3:14

Ca'uwʌše'andʌte' inʌc cowa'ojmo, pero mba'twa'ndʌ te' iscuy-quenguy. Mustambatʌ que yʌ'šejte' porque suñajpatʌ te' atzita'm. Iwʌ's ja'n šuni 'yatzi ca'uwʌšejmaj ijtu choco'yojmo.