1 Juan 2:1 - Zoque Copainalá New Testament

¹ Tʌwʌy, yʌ'šejta'mbʌ tiyʌ'ʌsmij nʌ njayjaytyamu wa'mij jana ŋguiowapa'ttamu. Y juca iwʌjutiwʌ cowapa'tpa, te' justopʌ Jesucristo'stʌ maŋba co'otoŋu Diojsis wyi'naŋdʌjqui.

1 Juan 2:1 ပူးပေါင်းရင်းမြစ်များ

San Lucas 10:22

Ʌs ŋgʌ'ojmo quiojtu ʌs Ndata's mumutiyʌ. Ya'iwʌ'sʌj ja'n ispʌqui ʌj, te' Diojsis 'Yune, juca ja'n ʌs Ndata's. Ni ʌs Ndataj ja'n ispʌcjay ya'iwʌ's juca ja'n ʌs, te' 'Yune's, y iwʌta'm te' 'Yune's sunba ya'ispʌquiaju. Te'ta'mbʌ maŋba ya'ispʌquiaju.

San Juan 10:15

jujcha' ʌs Ndata'sʌj ispʌcpa, y ʌs ispʌcpa'ʌs ʌs Ndataj. Y ndzi'oquia'pa'ʌs ne' nwin ñchowambecotoyata'm, y te'wʌ pʌnda'mde'.

San Juan 13:33

Tʌwʌy, uša'ŋ horatya'mʌjyʌ' maŋba ijtu miji'ŋda'm. Maŋbamisʌj me'tztamu, pero ndzamjayajuše'ʌs judiota'm, te'še'ʌsmij ndzamjaytyaŋgue'tpa mijta'm yʌtij: Maŋbamʌ'yʌj ʌj, mijta'm ja'nmij musi mindamu.

San Juan 14:16

Y ʌs maŋba'ʌs nwa'cjayu Ndata Dios, y maŋbamij ŋguiʌ'wejaytyamu eyapʌ Cotzo'ŋopyapʌ. Ñe'cʌ maŋba chʌ'yu miji'ŋda'm mumu jamacotoya.

San Juan 14:6

Ñʌjayu Jesujsis: Ʌjte' te' ocnʌctu'ŋʌ'opyapʌ, ʌjpit myujšajpa wiyuŋbʌ tiyʌ, y ʌste' sajpa ja'n yayepʌ quenguy. Ya'iwʌ ja'n musi myaŋu ʌs Ndata Diosaŋʌ juca ja'n ʌjpit.

San Juan 21:5

Y nʌjayutʌj: Tʌwʌy, ¿nʌ'ittamuja tiyʌ'iwʌpʌ cu'tcuy? Aŋdzoŋutʌs: Jañʌ'itʌtʌs.

San Juan 5:14

Jʌsa'ca pya'tu Jesujsis te' templo'ojmo, y ñʌjayu: Yʌtij ñchocwa'mij, u'ya cowapa'tque'temaj umis maŋu maŋgopa'tʌyu más jene jenepʌ ca'cuy.

San Juan 5:36

Pero wiyuŋšej muspamisʌj ispʌctamu te' ʌs ndzʌquiajpapʌ tzʌquicʌsi. Te'šejta'mbʌ tiyʌ'sʌj más cota'nu'c cotestigosajyajpa que ja'n Jua'ŋis. Ʌs Ndata'sʌj cʌ'weju wa'yʌj nyojsu. Y te' tzʌqui ʌs ndzʌquiajpapʌ, te'šejta'mbʌ tiyʌ'sʌj cotestigosajpa que ñe'cʌ'sʌj cʌ'weju.

San Juan 6:27

Yostamʌ, ja'n na' wa'mis mba'ttamu yajpapʌ cu'tcuy, sino que wa'mis mba'ttamu ja'n yayepʌ cu'tcuy. Ʌs, te' Pʌ'nis 'Yune's, sunba'ʌsmij ndzi'tamu cu'tcuy ja'n yayepʌ quenguquiotoya. Porque ʌj copiŋu Ndata Diojsis wa'yʌsmij ʌs ndzi'tamu.

San Juan 8:11

Te' yomo's 'yaŋdzoŋu: Ya'iwʌ's, Señor. Pijche'ca Jesujsis ñʌjayu: Ni ʌs ja'ʌsmij nyajnʌco'aŋgʌy. Mawʌ, y u'ya cowapa'tque'temaj.

Hechos 7:52

¿Jutipʌ tza'maŋwa'oye'a janyacsnutzʌquia mista'm ndata's? Y yajca'yatʌju te' chamgopuŋyajupʌ's que maŋba inʌc minu te' Justopʌ. Y yʌ'wʌ ndzi'oquiu'ya'tamumis y nyajca'tamumis.

Romanos 5:10

Ngui'nistamba'cmajtʌ Dios, ñe'cʌ's chʌjcu našunʌtʌjcuy ñe'cʌji'ŋ te' 'Yune's quia'aŋbit. Mastejca' yʌtij našunʌtʌjpa'candʌ ñe'cʌji'ŋ, muspatʌ que te' 'Yune's quiengupyit cotzoctambatʌ.

Romanos 6:15

¿Tiya' jeque? ¿Cowapa'tpasʌ'ŋdʌ porque ja'nandʌ aŋgui'mguquiʌ'mʌ ittame, sino que yajya'moquiuquiʌ'mʌ? Ja'ne nijutz.

Romanos 8:34

¿Iwʌ'sasʌ'ŋdʌ yajnʌco'aŋgʌpya tiyʌ'iwʌ? Cristo Jesús te' ca'u, y te'wʌtijque' te' winsa'que'tupʌ. Y yʌtij Diojsis chʌ'na'ŋojmo ijtu, y te'wʌ'stʌte' tzamdʌjcʌytyamba.

1 Corintios 15:34

Coquendamʌ cuenta y tzactamʌ ŋgowa, porque ijtyaju mi'ojmota'm ja'n ñʌctʌ'yapyʌ's yajtiyʌ Diojsisñe'. Nʌjaytyamba'ʌsmij yʌ'šej wa'yʌsmij ndzʌctza'ajtamu.

2 Corintios 5:21

Cristo, te' jaquiowapa'tʌpʌ, chʌmidzi'pʌ'u cowa Diojsis tʌcotoyata'm wa'ytyʌ justococojtu Diojsis ñe' jyusticia'ojmo Cristopit.

Gálatas 4:19

Tʌwʌy, toyapʌcpaše'ŋ yomo maŋbapʌ's ijtu 'yune, jʌpya'ʌj y toyapʌcpa'ʌj mijcotoyata'm, hasta que quejpa que ijtu Cristo's pyʌmi mista'm ndzoco'yojmo.

Efesios 2:18

Ijtu sʌ'mnaquiuy tʌcotoyata'm porque Cristo's te' ñe' 'Yespiritu Santopit nʌtʌjcʌytyambatʌ, tʌj y mijta'm, Diojsis wyi'naŋdʌjqui.

Efesios 4:26

Juca ŋgui'šca'tambamij, uy coquendame mista'm ndzoco'yojmo qui'šca'cuy umij ŋguiowpa'ttamu. Jʌnʌjtij jambʌ'tamʌ qui'šca'cuy.

1 Timoteo 2:5

Porque tumʌtij ijtu Dios y tumʌ tzamdʌjcʌ'opyapʌ Diosji'ŋ y pʌnji'ŋda'm y te'wʌte' te' pʌn Jesucristo.

1 Timoteo 3:14

Njo'cpa'ʌs que yʌ'ta'mbʌ jamo'oyj minba'ʌj mi'aŋʌ, pero nʌ'ʌsmij njayjayu yʌ'šejta'mbʌ tiyʌ yʌtij.

Hebreos 9:24

Porque Cristo jatyʌjcʌ pʌ'nis chʌquiajupʌ masandʌjcojmo. Te'wʌ tzajpojmopʌ tiyʌ'stijte' inʌc chʌqui. Tʌjcʌyu ñe'cʌ wiyuŋšejpʌ tzajpojmo wa'y 'yaŋgueju Diojsis wyi'naŋdʌjqui tʌcotoyata'm.

Santiago 1:27

Juca iwʌ's sunba ñʌtu'ŋaju oye te' masanbʌ y wiyuŋšejpʌ cʌna'tzʌ'oquiuy tʌ Ndata Diojsis wyi'naŋdʌjqui, pyʌcpa wa'y quiotzoŋyaju yaŋbacta'm y se'aŋ-yomota'm nʌ quieñajupʌ's toya, y wa'y quioquenu wyin masanbʌnšej uy chʌquiaju jana wʌ'aŋja'moye's chʌquiajpašej.

Santiago 3:9

Tʌ ndotzpit nwʌcotzambatʌ tʌ Ndata Dios, y te'wʌpit otowewʌ'ajayajpatʌ pʌnda'm Diojsis chʌquiajupʌ ñe' wyinšej.

1 Pedro 2:22

Y Cristo jaquiowapa'tʌ, ni jachamʌ nijutzpʌ aŋgoma'cʌ'oquiuy.

1 Pedro 3:18

Cristo's tiju quienu toya tumnaca tʌcotoyata'm. Ñe'cʌ justopʌte' y ca'u ja'n jyustota'mbʌcotoya wa'y yajʌ'cʌ'jayu tʌta'm ŋgowa y wa'ytyʌ yajtʌjcʌytyamu Diojsis wyi'naŋdʌjqui. Wiyuŋšej ca'u Cristo's cuerpo pero Diojsis yajwinsa'jayu. Y te' Cristo's ñe' 'yespiritu itjojcʌtʌcpa.

1 Juan 3:18

Tʌwʌy, uy na' aŋnaca su'noquiuytyijtʌ nʌ'ittame, sino que yajquejta'mitʌy ndzʌquipit que wiyuŋšejtʌte' našunʌtʌjpa.

1 Juan 3:5

Y mustambamis que Cristo minu najsacopajcʌsi wa'y yajʌcʌ'jayu tʌta'm ŋgowa, y ñe'cʌ jaquiowapa'tʌ.

1 Juan 3:7

Coquendamʌ cuenta, tʌwʌy, umij ya'iwʌ's 'yaŋgoma'cʌytyamu. Iwʌ's chʌcjojcʌtʌcpa justopʌ tiyʌ justopʌ pʌ'nande', jujcha' Cristo justopʌte'.

1 Juan 4:4

Tʌwʌy, Diojsismijyʌ' ñe'ta'm y te'cotoya nwʌytyamwa'mis yʌ' sujchajpapʌ. Porque te' Dios, te' ijtupʌ mista'm ndzoco'yojmo, maste' pʌmi'ʌyupʌ que ja'nde' yatziwʌ, aŋgui'mbapʌ najsacopajcʌsi.

1 Juan 5:17

Mumu iwʌ's chʌcpa ja'n jyustota'mbʌ tiyʌ cowapa'tpa. Pero ijtu cowa ja'ndʌ yajtocoyo'ctuquipʌ's.

1 Juan 5:21

Tʌwʌy, coquendamʌ nwin umis ŋgʌna'tzʌytyamu chʌquichʌquita'mbʌ comi. Amén.

3 Juan 1:4

Wʌntzʌ'ʌj oma's pʌjcu jujche'ŋ naca'ʌs muspa que te' ʌs uneše'ʌs suñajpapʌ's quio'ŋyajpa wiyuŋbʌ tiyʌ.