1 Juan 1:8 - Zoque Copainalá New Testament

⁸ Juca nʌmdambatʌ que ja'ndiyʌ tʌ ŋgowa, aŋgoma'cʌpyatʌ ne' nwin y ja'ndiyʌ wiyuŋbʌ tiyʌ tʌ ndzoco'yojmo.

1 Juan 1:8 ပူးပေါင်းရင်းမြစ်များ

San Juan 8:44

Mijta'm diablo's mijyʌ' 'yuneta'm, te'wʌte' mista'm ndataj. Y mista'm ndata's šu'noquiuy, te'wʌ mis sunba ndzʌcjaytyamu. Ñe'cʌ yajca'opyapʌte' desde cho'tzcu'yojmo, y yajujche'c ja'n chʌqui wiyuŋbʌ tiyʌ porque ja'ndiyʌ wiyuŋbʌ tiyʌ ñe' choco'yojmo. Chamba'c sutzi ñe' quio'quips chamba, porque sutzpapʌte' y ñe'cʌ sutzi's te' pyo'c.

Romanos 3:10

Ja'yʌyušej: Ja'ndiyʌ justopʌ, nitya' tumʌc.

Romanos 3:23

porque mumutʌ cowapa'ttamu y ja'ndʌ ŋgʌpa'ttame te' masa'najcuy Diojsis wyi'naŋdʌjqui.

1 Corintios 3:18

Ya'iwʌ's uy 'yaŋgoma'cʌyu ñe' wyin. Juca iwʌjutiwʌ mi'ojmota'm quiomʌ'pya que mujsopyapʌte' yʌ' tiempo'ojmo, yajcomʌ'yʌ que jowimaj wa'y pya'tu mujsoquiuy.

Gálatas 6:3

Juca iwʌ's quiomʌ'pya que mʌja'ŋbʌ pʌnde', y que ja'nde' te'šejpʌ, ñe'cʌtij 'yaŋgoma'cʌpya wyin.

1 Timoteo 6:5

Putque'tpa yajqui'šca'opyapʌ tiyʌ entre pʌ'nojmota'm, te' tocoyajupʌ'sa quipsoquiuy y ja'n pyʌjcʌchoŋyapyʌ's wiyuŋbʌ tiyʌ. Yʌ'ta'mbʌ's quiomʌ'yajpa que te' Dios-cʌna'tzʌ'oquiupyit maŋba pya'tyaju itʌpa'tcuy. Tzaquia te'šejta'mbʌ.

2 Timoteo 3:13

Pero te' yatzita'mbʌ pʌn y te' aŋgoma'cʌ'oyajpapʌ, maŋba chʌcjojcʌtʌquiaju yacha'cuy wa'y 'ya'ŋʌyaju yatzipʌ tiyʌ, aŋgoma'cʌ'oyajpa y te'šejtij 'yaŋgoma'cʌyatʌjque'tpa.

Santiago 1:22

Juca saŋmatoŋdambatijmis te' tzame y ja'nmis ndzʌctame te' chambašej, aŋgoma'cʌytyambamis ne' nwin.

Santiago 1:26

Juca iwʌ's mi'ojmota'm quiomʌ'pya que ñe'cʌ's quiʌna'tzʌpyašej Dios maste' oye, pero mawe'otowewʌ'ajpa, te'wʌ's 'yaŋgoma'cʌpya wyin. Te'šejpʌ Dios-cʌna'tzʌ'oquiuy comequete'.

Santiago 3:2

Mumutʌ cowapa'tpa soneta'mbʌ tiyʌcʌsi. Juca ijtu ja'n quiowapa'tepʌ chamdzamnaquiu'yojmo, yʌ'wʌte' te' pʌn cota'nupʌ, muspapʌ's jyʌ'ctzʌ'yu wyin mumutiyʌcʌsi.

2 Pedro 2:13

Ñe'ta'm yacha'cu'yis quiowindzʌmbašej maŋba tyocoyaju. Te'wʌte' te' quioyowata'm. Porque sʌ'ŋajcuy quipšajpa y chʌquiajpa tumdumʌ jama y ñʌ'ijtyajpa choco'yojmo. Yʌ'šejta'mbʌ pʌ'nista'm chʌqui yajyu'coyajpa y yajtoco'yoyajpa. Yempe miji'ŋda'm tumʌcu'tyajpa pero ja'n chaquiay te' tocoquiu'yis 'yaŋma'yoquiuy.

1 Juan 1:10

Pero juca nʌmbatʌ que jaquiowapa'tʌtʌ, sutzpapʌ pʌnšejtʌ nʌ ŋgojtu Dios. Juca te'šejtʌ nʌmba ja'ndiyʌmaj ñe' chame tʌta'm ndzoco'yojmo.

1 Juan 1:6

Juca nʌmdambatʌ que tumʌquipstambatʌ Diosji'ŋ, y witpatʌ tocoquiu'yojmo, nʌtʌte' ŋga'ŋdzactamu, te' wiyuŋbʌ tiyʌ y sutztambatʌ.

1 Juan 2:4

Juca iwʌ nʌmba: Ʌs ispʌcpa'ʌs Dios, y ja'n quiojamjay ñe' 'yaŋgui'mguy, sutzpapʌte' y Diojsis chame ja'ndiyʌmaj ñe' choco'yojmo.

1 Juan 4:20

Juca iwʌ nʌmba: Ʌs sunba'ʌs Dios. Y juca te'wʌ'stij qui'nispa 'yatzi, sutzpapʌte'. Porque iwʌ's ja'n šuni te' 'yatzi nʌ quienupʌ, ¿jutza' jeque muspa šunu Dios ja'n nʌ quienupʌ?

2 Juan 1:2

Sundambatʌsmij porque mustamba'ndʌ que ijtu te' wiyuŋbʌ tiyʌ tʌta'm ndzoco'yojmo, y teymʌ maŋba itjojcʌtʌjcu.

3 Juan 1:3

Wiyuŋšej jene nʌ'omu'ʌs miñaju'c te' atzita'm y tzamjayaju'ʌj que tumʌtzocoy mis nwʌ'aŋjamba te' wiyuŋbʌ tiyʌ. Y nʌwa'mis nʌtu'ŋaju wiyuŋšejpʌ wʌ'aŋja'moquiuy.