1 Juan 1:6 - Zoque Copainalá New Testament

⁶ Juca nʌmdambatʌ que tumʌquipstambatʌ Diosji'ŋ, y witpatʌ tocoquiu'yojmo, nʌtʌte' ŋga'ŋdzactamu, te' wiyuŋbʌ tiyʌ y sutztambatʌ.

1 Juan 1:6 ပူးပေါင်းရင်းမြစ်များ

San Mateo 7:22

Sone pʌ'nisʌj maŋba nʌjayaju te' pijche'cpʌ jamo'oyj: Señor, Señor, mis nʌquiʌsitʌ tza'maŋwa'oyu. Y mis nʌquiʌsi macpujtyajutʌs yatzita'mbʌ espíritu. Y mis nʌquiʌsi ndzʌjcutʌs wʌwʌ isaŋwʌ'ajcuy.

San Juan 11:10

Pero iwʌ's pi'tzʌ chocoy nepcʌschʌmba, porque ja'ndiyʌmaj sʌ'ŋgʌ' choco'yojmo.

San Juan 12:35

Pijche'c Jesujsis ñʌjayaju: Yʌy najsacopajcʌsi uša'ŋ horatya'mʌsmijyʌ' maŋba sʌ'ŋgʌtzʌcjaytyamu, te'šej wittamʌ umij mbya'tewʌ'ajtamu pi'tza'ŋajcʌ's. Porque iwʌ witpa pi'tza'ŋajcu'yojmo ja'n myusi jutʌte' nʌ myaŋu.

San Juan 12:46

Ʌj minu'ʌj najsacopajcʌsi wa'yʌs sʌ'ŋgʌtzʌcjayaju pʌ'nista'm chocoy wa'y mumu iwʌ'sʌj wʌ'aŋjamba ʌj u'ya wyijtyaju pi'tza'ŋajcu'yojmo.

San Juan 8:12

'Yoto'ŋʌwyʌtzʌquiaju Jesujsis te' tu'mʌyajupʌ te' templo'ojmo, y ñʌjayaju: Ʌste' sʌ'ŋgʌtzʌcjayajpa najsacopajcʌsita'mbʌ pʌ'nis chocoy. Iwʌ'sʌj co'ŋba ʌj ja'n wyiti pi'tza'ŋajcu'yojmo, sino que sʌ'ŋba te' chocoy, pya'tpapʌpit iscuy-quenguy.

San Juan 8:55

Pero ñe'cʌ ja'nmis ispʌctame, pero ʌs ispʌcpʌ'ʌs. Juca nʌmba'ʌj que ja'nʌs ispʌqui sutzpa inʌjcʌj jujcha' mij šutztamba. Pero ʌs ispʌcpa'ʌs y ŋgojamjapya'ʌs ñe' chame.

1 Timoteo 4:2

Te' aŋma'yoyajpapʌ yʌ'šejta'mbʌ tiyʌcʌsi cʌ'oto'ŋʌ'oyajpa y sujchajpa porque nuyu'ajyaju te' choco'yis quipsoquiuy.

Santiago 2:14

Atzita'm, juca iwʌ nʌmba que wʌ'aŋja'mopya y ja'n chʌqui oyeta'mbʌ tiyʌ, ja'n maŋu ñʌwʌ'aju yajtiyʌ. ¿Muspasʌ'ŋ quiotzojcu te'šejpʌ wyʌ'aŋjamgupyit?

Santiago 2:16

y ñʌjapya: Diosji'ŋa maŋgue'ta, nu'sʌ nwin, y cu'ttasʌ, pero ja'n chi'i yajtiyʌ tiyʌpit wa'y ñu'su wyin ni tiyʌte' wa'y quiu'tu, juca te'šej mis ndzʌctamba, ja'nmiste' nʌ ndzʌctamu oyepʌ tiyʌ.

Santiago 2:18

Jowi'cšej nʌmba iwʌjutiwʌ: Mis, nʌ'ijtumis nwʌ'aŋja'moquiuy y ʌs, ŋgo'ŋba'ʌs oyeta'mbʌ tzʌqui. Ja'nmisʌj musi nyajquenu mis nwʌ'aŋja'moquiuy juca ja'nmis ndzʌqui oyeta'mbʌ tiyʌ, pero ʌs muspa'ʌsmij nyajquenu ʌs nwʌ'aŋja'moquiuy porque ndzʌcpa'ʌs oyeta'mbʌ tiyʌ.

1 Juan 1:10

Pero juca nʌmbatʌ que jaquiowapa'tʌtʌ, sutzpapʌ pʌnšejtʌ nʌ ŋgojtu Dios. Juca te'šejtʌ nʌmba ja'ndiyʌmaj ñe' chame tʌta'm ndzoco'yojmo.

1 Juan 1:3

Yʌ'wʌ ŋguenutʌs y ne'cʌtʌste' ŋgʌmato'ŋʌyu. Y yʌtij nyajmustambatʌsmij wa'ytyʌ ndumʌquipstamu ne'co'mo, jujcha' tʌj ndumʌquipspa Diosji'ŋ y 'Yune Jesucristoji'ŋ.

1 Juan 1:8

Juca nʌmdambatʌ que ja'ndiyʌ tʌ ŋgowa, aŋgoma'cʌpyatʌ ne' nwin y ja'ndiyʌ wiyuŋbʌ tiyʌ tʌ ndzoco'yojmo.

1 Juan 2:4

Juca iwʌ nʌmba: Ʌs ispʌcpa'ʌs Dios, y ja'n quiojamjay ñe' 'yaŋgui'mguy, sutzpapʌte' y Diojsis chame ja'ndiyʌmaj ñe' choco'yojmo.

1 Juan 4:20

Juca iwʌ nʌmba: Ʌs sunba'ʌs Dios. Y juca te'wʌ'stij qui'nispa 'yatzi, sutzpapʌte'. Porque iwʌ's ja'n šuni te' 'yatzi nʌ quienupʌ, ¿jutza' jeque muspa šunu Dios ja'n nʌ quienupʌ?