1 Juan 1:3 - Zoque Copainalá New Testament

³ Yʌ'wʌ ŋguenutʌs y ne'cʌtʌste' ŋgʌmato'ŋʌyu. Y yʌtij nyajmustambatʌsmij wa'ytyʌ ndumʌquipstamu ne'co'mo, jujcha' tʌj ndumʌquipspa Diosji'ŋ y 'Yune Jesucristoji'ŋ.

1 Juan 1:3 ပူးပေါင်းရင်းမြစ်များ

San Juan 17:11

Ja'namʌj ndzʌ'quie'temaj najsacopajcʌsi, pero yʌ'ta'mbʌ tzʌ'yajpamaj najsacopajcʌsi, pero ʌj minba'ʌj mi'aŋʌ tey tzajpojmo. Ʌs masanbʌ Ndataj mis copʌquia' cotu'ša' mis mbʌmipit yʌ' ndzi'yajupʌmisʌj, wa'y tumo'oyj quipsoyaju jujcha' ʌsne' miji'ŋ tumo'oyj ʌs ŋguipsoquiuy.

San Juan 17:21

Yʌ'še'ʌs nwa'cpa wa'y tumo'oyj quipsoyaju myuma'ŋgʌ'y, jujcha' ʌsne', Tatay, miji'ŋ tumo'oyjtyʌ ŋguipsoquiuy. Te'šejtijque' ñe'cʌta'm wa'y tumo'oyj quipsoyaju jujcha' tʌ mejtzji'ŋ, wa'y wyʌ'aŋjamyaju jana wʌ'aŋja'moye's que misʌjyʌ' ŋgʌ'weju.

San Juan 17:25

Tatay, njyustopʌmijte'. Jana wʌ'aŋja'moye's ja'nmij ispʌquiay pero ʌs ispʌcpa'ʌsmij. Y yʌ' ʌs ŋgʌ'aŋmaye'sta'm myujšajpa que misʌjyʌ' ŋgʌ'weju najsacopajcʌsi.

San Juan 17:3

Iwʌ'smij ispʌcpa que mijte' te' tumʌpʌ y wiyuŋšejpʌ Dios, y ispʌcpa'ʌj que ʌjte' te' Jesucristo, y que misʌjyʌ' ŋgʌ'weju, te'wʌ's pya'twa'a ja'n yayepʌ quenguy.

San Juan 19:35

Tiyʌ'ʌs nʌ ndzamu ne' nwitʌmbi'tʌste' ŋguenupʌ. Y tiyʌ'ʌs ndzamba wiyuŋbʌ tiyʌte'. Y muspa'ʌs que tiyʌ'ʌs nʌ ndzamu wiyuŋbʌ tiyʌte' wa'mij nwyʌ'aŋja'moytyaŋgue'tu mijta'm.

Hechos 13:32

Te'šejtijque' tʌs ndzamgopuŋjaytyambatʌsmij que oyepʌ tiyʌte' te' chamdzi'jayatʌjupʌ tʌ ndatajta'm.

Hechos 13:41

Qui'tzcu'yajyajpapʌ's matoŋdamʌ, maya'tamʌ y ca'tamʌ, Porque ʌs Dios, nʌ'ʌs ndzʌjcupʌ tzʌqui mista'm jamo'oyj Ja'nmis maŋu nwʌ'aŋjamdamu ñempemij iwʌ's ñchamjaytyamʌ.

Hechos 2:42

Y quio'ŋjojcʌtʌquiaju te' cʌ'we'is 'yaŋma'yoquiuy, y našuñatʌju ñe'co'mo. Tumo'oyjtya'm inʌc chima y 'yawa' y quiomicu'tcuy, y 'yoto'ŋʌyjojcʌtʌquiajpa inʌc Dios.

Hechos 20:27

Porque yajujche'cʌsmij jañcha'maŋjejaytyamʌ mumu Diojsis 'yaŋnʌctza'mʌ'oquiuy.

Hechos 4:20

Porque tʌs, ja'ndʌs musi ndza'maŋjeju tiyʌ tʌs matoŋu y ŋguenu.

Romanos 15:27

Y oye quiomʌ'yaju porque quipšaju cʌyowešej wa'y quiojtyaju tumin te' pobreta'mbʌcotoya Jerusale'ŋojmo. Porque te' judiota'm Jerusale'ŋojmo ijtyajupʌ's ñʌwe'ñaju te' Espiritu's oyeta'mbʌ tyiyʌ wa'y pyʌjcʌchoŋyaju te' genti'lista'm ijtyajupʌ Macedonia'ojmo y Acaya'ojmo. Te'šej pyʌcpa wa'y ñʌwe'ñajque'tu genti'lista'm tiyʌ'iwʌ ñe'ta'm quioyojsaŋ.

1 Corintios 1:30

Diojsistʌ tumʌtzʌctamu Cristo Jesusji'ŋ. Diojsistʌ tzi'u Cristo wa'ytyʌ yajmujsoyu y justococojtu, y wa'ytyʌ yajmasa'naju y jupyujtu, ca'u'c cruzcʌsi.

1 Corintios 1:9

Chi'nda'nupʌte' Dios. Y ñe'cʌ'smij nwyejtamu wa'mij ñašunʌtʌjtamu tʌ Ngomi Jesucristopit ñe' 'Yune.

1 Corintios 15:1

Yʌtij atzita'm, maŋba'ʌsmij nyajamwʌtzʌctaŋgue'tu te' evangelio ndzamgopuŋjaytyamuše'ʌsmij wina. Yʌ'wʌte' te' mbʌjcʌchoŋdamupʌmis, y nʌmis nʌtu'ŋajojcʌtʌctaŋgue'tupʌ.

2 Corintios 13:14

Sunba'ʌs wa'y ijtu mi'ojmota'm tʌ Ngomi Jesucristo's yajya'moquiuy, y wa'mij šundamu Diojsis, y wa'mij ŋguiotzoŋdamu Espíritu Santo's, te' ijtupʌ mis ndzoco'yojmo. Amén.

Efesios 3:6

Yʌ'wʌtʌjte' nʌ yajmujsupʌ tiyʌ Diojsis: Que mijta'm gentilta'm, juca nwʌ'aŋjamdambamis te' Diojsis 'yevangelio, maŋbamis ndumʌnʌtzʌ'ytyamu mbarte Diojsis wyi'naŋdʌjqui jujche'ŋ judio-pʌnji'ŋda'm. Y wina chamdzi'oquia'ušej Diojsis, te'šej minu Cristo Jesús wa'ytyʌj ŋgotzojcu tʌj y mijta'm.

Filipenses 1:7

Jene oye wa'yʌs te'šej ŋguipsu mijcotoyata'm porque jene sundamba'ʌsmij ndzoco'yojmo. Y mista'm, jene nʌmisʌj ŋgotzoŋdamu somumʌ'yʌj, y nʌ'cše'ŋo'yʌs ndzamgopuŋu y ŋgoquijpu te' evangelio. Te'šejmis nʌ nyajquejtamu que mbʌjcʌchoŋdamwa'a mis te' Diojsis yajya'moquiuy jujcha' ʌs mbʌjcʌchoŋu.

Filipenses 2:1

Cristo jeque, ijtu mista'm ndzoco'yojmo. ¿Ja'nja nʌctʌ'ytyame que ñe'cʌ's pyʌmitzi'japya tʌta'm ndzocoy, y que ñe'cʌ'stʌ yajtzocopyactamba ñe' yajya'moquiupyit? ¿Y ja'nja nʌctʌ'ytyame que te' Espíritu Santo ijtu tʌta'm ndzoco'yojmo wa'ytyʌ cotzoŋdamu? ¿Ja'nja sundame ndumʌtzocoy mista'm atzi, y ja'nja ndo'ya'ŋʌyay? Jʌ'ʌ, mustambamis y ndzʌctambamis yʌ'šejta'mbʌ tiyʌ.

Filipenses 3:10

Mumu yʌ'šejta'mbʌ tiyʌ ʌs ndzʌcpa wa'ytyi'ʌs ispʌjcu oye tʌ Ngomi Jesucristo, y wa'yʌj Diojsis tzi'u pʌmi ndzoco'yojmo chi'ušej pʌmi Cristo wa'y wyinsa'u ca'yajupʌ'ojmoc. Y jujcha' toyapʌjcu Cristo, te'šejti'ʌj sunba ndoyapʌjque'tu ʌj ñempe'ʌj yajca'ya.

Colosenses 1:13

Diojsistʌ yajcotzojcu uytyʌ ittamu Satanajsis 'yaŋgui'mʌtʌjcuquiʌ'mʌ pi'tza'ŋajcu'yojmo sino que wa'ytyʌ ittamu te' Diojsis šunbapʌ 'Yune's 'yaŋgui'mʌtʌjcuquiʌ'mʌ.

1 Tesalonicenses 1:10

Y chamyajque'tpa jutzmis nʌ njo'cjaytyamu te' Diojsis 'Yune maŋba minupʌ tzajpojmoc, te' Diojsis yajwinsa'upʌ ca'yajupʌ'ojmoc. Y yʌ'wʌ'stijte'que' te' yajcotzoctamupʌ'stʌ uytyʌ yajnʌco'aŋgʌytyamu tʌ ŋgowa Diojsis, te' maŋba minupʌ cʌme'tzoquiuy jamo'oyj.

1 Timoteo 6:2

Iwʌ's ijtyaju quiomi wʌ'aŋja'mopyapʌ, uy myenoschʌquiaju quipsoquiu'yojmo porque atzita'mde', sino que wa'y yosjayaju oye'c, porque te' ñʌwʌ'ajyajpapʌ's te' yospapʌ's yojsaŋ, šuñatʌjpapʌ wʌ'aŋja'moyeta'mde'. Aŋmaya y tzamgopuŋjaya wa'y chʌquiaju yʌ'šejta'mbʌ tiyʌ.

Hebreos 2:12

Itque'tu yʌ'šej nʌmbamʌy: Maŋba'ʌs nyajmujšaju ʌs ndʌwʌta'm que mijte' te' Dios. Maŋba'ʌs nwanjayu mis mʌja'ŋajcuy te' masanbʌ tu'mʌquiu'yojmo.

Hebreos 3:1

Atzita'm, Diojsismij ŋguiopiŋdamu y nwyejtamu wa'mij maŋu ittamu ñe'cʌji'ŋ tzajpojmo. Te'cotoya nique'nʌytyamʌ te' Cristo Jesús. Ñe'cʌte' te' quiʌ'wejupʌ Diojsis, y ñe'cʌtijte'que' tʌta'm mʌja'ŋbʌ sacerdote cotzoŋbapʌ'stʌ wa'ytyʌ nwʌ'aŋja'moytyamu.

Hebreos 3:14

Juca nite'tzʌytyamba Dios hasta ŋguendamba ñe'cʌ, y nwʌ'aŋjambatʌ jujcha'nde' mbʌjcʌchoŋdamu'cšejtʌ, maŋbatʌ nʌpʌctamu Cristo's jujche'ŋ ñe'cʌ's quiowindzʌmba.

1 Pedro 5:1

Yʌtij ijtu tiyʌ wa'yʌs ndzamjayu jujche'ŋ ancianota'm wʌ'aŋja'moyajpo'mo, porque ʌj, ancianoti'ʌjyʌ'que' ñe'cʌji'ŋda'm y ŋguenu'ʌs ne' nwitʌmbit jutz ca'u Cristo cruzcʌsi y maŋba ijtu ʌs mbarte ñe' myʌja'ŋajcu'yojmo mingue'tpa'ca ñe'cʌ.

2 Pedro 1:16

Tʌs nʌtʌsmij nyajmusjaytyamu tʌ Ngomi Jesucristo's myujsoquiuy y minguy. Yʌ' nʌtʌsmij ndzamjaytyamupʌ tiyʌ ja'nyʌ' undzame pʌ'nis ñʌcʌpo'yajupʌ, porque tʌste' ne' nwitʌmbit ŋguenjayu te' Cristo's myʌja'ŋajcʌ'.

1 Juan 1:1

Nyajmustambatʌsmij te' ijtupʌytya' inʌc maŋba'cmaj tyujcu mumutiyʌ, ne' ŋgowipittʌs ŋgʌmato'ŋʌyupʌ, y ne' nwitʌmbittʌs ŋguenupʌ. Y yʌ' ŋguenupʌ tiyʌtʌs, y mbi'quisupʌ tiyʌtʌs, ñe'cʌte' te' Tzame tzi'tambapʌ'stʌ quenguy.

1 Juan 1:5

Matoŋutʌs tiyʌ chamu tʌ Ngomi Jesucristo's, y nyajmustambatʌsmij. Yʌ'šej nʌmu: Dios sʌ'ŋgʌte', y ñe' choco'yojmo ja'ndiyʌ nijutzpʌ pi'tza'ŋajcuy, porque nijujche'c ja'n quiowapa'te.

1 Juan 1:7

Juca Diojsis šʌ'ŋgʌ' tʌ nʌtu'ŋajapya, sʌ'ŋjapyašejtʌ ñe'cʌ's, wiyuŋšejtʌ tumʌquipspa Diosji'ŋ, y Diojsis 'Yune's, Jesucristo's ñʌ'pi'nis yajcowajapya mumu tʌ ŋgowa.