1 Juan 1:1 - Zoque Copainalá New Testament

¹ Nyajmustambatʌsmij te' ijtupʌytya' inʌc maŋba'cmaj tyujcu mumutiyʌ, ne' ŋgowipittʌs ŋgʌmato'ŋʌyupʌ, y ne' nwitʌmbittʌs ŋguenupʌ. Y yʌ' ŋguenupʌ tiyʌtʌs, y mbi'quisupʌ tiyʌtʌs, ñe'cʌte' te' Tzame tzi'tambapʌ'stʌ quenguy.

1 Juan 1:1 ပူးပေါင်းရင်းမြစ်များ

San Lucas 1:2

Y yʌ' quieñajupʌ tiyʌ cho'tzcu'yojmo jya'yʌyaju yajqueñajušejtʌ. Y yʌ' pʌnda'm yojšajque'tu wa'y chamgopuŋyaju te' evangelio.

San Lucas 24:39

Quenjaytyamʌ ʌs ŋgʌ' y ʌs ne'ŋbac, que ʌjyʌ'. Quendamʌ y pi'quistamʌ'ʌj. Te' espiritu'sñe' ja'ndiyʌ šis ni pyac ŋguenjaytyambašejmis ʌsne'.

San Juan 19:35

Tiyʌ'ʌs nʌ ndzamu ne' nwitʌmbi'tʌste' ŋguenupʌ. Y tiyʌ'ʌs ndzamba wiyuŋbʌ tiyʌte'. Y muspa'ʌs que tiyʌ'ʌs nʌ ndzamu wiyuŋbʌ tiyʌte' wa'mij nwyʌ'aŋja'moytyaŋgue'tu mijta'm.

San Juan 20:27

Pijche'ca ñʌjayu te' Tomás: Yajtʌjcʌ mis ŋgʌ'mosi yʌy, y quenja ʌs ŋgʌ'. Minʌ yʌy tome y pi'quisʌ'ʌj wojchajumʌ'yʌj, y tzacʌ te' jana nwʌ'aŋja'moquiuy y wʌ'aŋjamʌ que pijtʌjyʌ'.

San Juan 5:26

Tʌ Ndata Diojsojmoc womba te' iscuy-quenguy, y te'še'ʌj tzi'que'tu ʌj, te' 'Yune, wa'y ʌ'ojmoc wyomu te' iscuy-quenguy.

San Juan 8:58

Y ñʌjayaju Jesujsis: Wiyuŋše'ʌsmij nwiyuŋdzamjaytyamba: Ja'ndiyʌ'cmaj Abrahán, ʌj ijtu'ctya'mʌjte'.

Hechos 1:3

Y toyapʌjcu'ca Jesús, yajqueñaju quenbapʌ wyin te' cʌ'wejta'm ja'n šujchapyʌ tzʌquipit. Y wʌstʌjqui's jama yajqueñaju wyin y ñʌtzamyaju jutz aŋgui'mba Dios.

Hechos 4:20

Porque tʌs, ja'ndʌs musi ndza'maŋjeju tiyʌ tʌs matoŋu y ŋguenu.

Hebreos 2:3

Juca yajco'aŋgʌyatʌju te'šej, ¿ja'nsʌ'ŋdʌ maŋu yajnʌco'aŋgʌyu tʌ juca ja'ndʌ ŋgoquene cuenta wa'ytyʌ yajcotzojcu Diojsis, porque ñe'cʌ's sundambatʌ? Winatij chamgopuŋu tʌ Ngomi Jesujsis que Diojsis sunbatʌ yajcotzojcu. Y te' quiʌmato'ŋʌyajupʌ's ñe'cʌ's chamušej tzamjayajque'tutʌ que wiyuŋbʌ tiyʌte' tʌ Ngomi's chamušej.

1 Juan 4:14

Y tʌs ŋguenutʌs te' Diojsis 'Yune, y ndzamgopuŋbatʌs que te' Tata Diojsis quiʌ'weju te' 'Yune wa'y minu yajcotzojcu te' najsacopajcʌsita'mbʌ.

1 Juan 5:7

Porque tuca'y ijtu tzajpojmo quiotestigosajyajpapʌ's te' Jesús: Tʌ Ndata Diojsis, te' Tzame's y te' Espíritu Santo's. Y yʌ' tuca'ytya'mbʌ tumo'oyjtya'm quipšajpa.

El Apocalipsis 1:11

Nʌ inʌc ñʌmu: Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Ja'yʌ librocʌsi nʌmis ŋguenupʌ tiyʌ y cʌ'weya Asia-najsojmo ijtyajumʌy cu'ya'ytya'mbʌ Diojsis tyu'mʌquiuy, te' Efeso'ojmo, te' Esmirna'ojmo, te' Pergamo'ojmo, te' Tiatira'ojmo, te' Sardisojmo, te' Filadelfia'ojmo y te' Laodicea'ojmo.

El Apocalipsis 1:8

Nʌmba tʌ Ngomi Dios: Ʌjte' te' tzo'tzcuy y te' co'yajcuy, porque ʌjpit tzo'tzu mumutiyʌ y ʌjpit maŋba yaju mumutiyʌ. Y ʌjte' te' ijtupʌytya' inʌc y yʌtij tzajpojmo'ʌj ijtu, y jʌsa'ca maŋba'ʌj minwʌtzʌjque'tu najsacopajcʌsi. Y ʌste' ndzʌcpa mumutiyʌ.

El Apocalipsis 19:13

Y yamu inʌc pyama yʌmʌc teymʌc yu'cupʌ nʌ'pi'nis, y te' ñʌy yʌ'šejte': Diojsis Chame.

El Apocalipsis 2:8

Ʌj Juan, nʌjaquie'tu'ʌj Cristo's: Jayjaquie'ta te' nʌ quioquenupʌ's Esmirna-tu'mʌquiuy. Tzamja te' coque'noye y te' tu'mʌquiuy que ʌjte' te' winapʌ y te' ultimopʌ, te' ca'upʌ y te' winsa'upʌ,