Zechariah 9:10 - Zo Bible

¹⁰ Ama in Ephraim panin leengte le, Jerusalem panin galsimna sakolte a sumaimang ding hi; galsim nadinga kizang thaltangte kisumaimang ding a, ama in minamte tungah kilem nading thu pie ding hi; ama uhna tuipi khat pan tuipi khat, Gunpi panin leimong dong hi ding hi.

LAISIENGTHOU CL Bible (BSI)

¹⁰ Ephraim apat sakollengte leh, Jerusalem apat sakolte ka sattan dinga, kidouna thalpite sattan in a um ding hi. Aman namte kungah lemna thu agen dinga, agam tuipi akipat tuipi dong ahi ding a; Tualeh luipi akipat leitung tawp dong ahi ding hi.

Zokam International Version

¹⁰ Ephraim panin a sakollengte uh leh, Jerusalem panin a galsimna sakolte uh ka lakkhiatsak dinga, a galsimna thalpeute uh ka kuaitan ding hi. Amah in minamte tungah kilemna a tangko ding hi. Ama ukna tuipi khat pan tuipi khat, Gunpi c panin leimong d dong a zai ding hi.

Zechariah 9:10 ပူးပေါင်းရင်းမြစ်များ

1 Kumpite 4:21

Solomon in Euphrates pan Philistia-te gam, Egypt gamgi nangawn dongah kumpi gam zosie a uh hi; amate in Solomon’ hin sung tungtawnin sieh le kaihte puohin a na a sem uhi.

Phatna-late 72:17

Ama’ min kip zing ta hinlen, ni a om laisie-in ama’ minthanna om suoh den taheh. Ama’ sungah minam zosie in thupha nga ta uheh; amate in ama thupha nga pa, ci ta uheh.

Phatna-late 72:3

Muol le tangte in thudih tawh mite adingin citheina piengsah taheh.

Phatna-late 85:8

Topa Pasien’ thugen ding ei zasah un; azieh pen ama in a mite, a mi muonhuoite, le ama lama lungsim a kihei mite tungah kilemna thu a gen ding hi.

Phatna-late 89:26

Ama in kei kungah, ‘Nangma ka pa, ka Pasien le ka kihutdamna Suongpi na hi hi!’ ei ci ding hi.

Isaiah 11:10

Tua ni ciengin mite tungah Jessi’ zung khu lim khatin ding ding hi; minamte in ama sui-in ama’ opna mun a thupi ding hi.

Isaiah 2:4

Ama in minamte kikalah thukhen ding a, mi tampite adingin kiselna vengsah ding hi; amate in a namsaute uh kangkui-in a kheng ding vua, a teipite singba heuna namkawi-in kheng ding uhi; minam khat in minam khat tungah namsau leh nawn lo ding a, amate in galdo dan zong a sin nawn sih ding uhi.

Isaiah 49:6

Ama in, “Jacob minamte a lamto ding le Israel a suohtate a ngai bangsahkia dingin, ka nasem pa na hina pen a bailam no khat ahi hi. ka hutdamna in leimong dong a phah thei nadingin minamte tunga khuovah ahi dingin nang kang pie ding hi,” ei ci hi.

Isaiah 60:12

Azieh pen na na a sem lo minam le kumpi gamte mangthai ding a, tua minamte kisie maimang ding hi.

Hosea 1:7

Ahi vangin Judah innkuonte ka khuotuo ding a, thal le namsau, gal simna, sakol le sakol tungtuongte vang tawh hi loin a Topa Pasien uh’ vang tawh amate ka hundam ding hi,” a ci hi.

Hosea 2:18

Khum ni ciengin keima in note adingin gamsate, vana a leng vate, le leitunga a bawhva ganhingte tawh thuciemna khat ka bawl ding hi; tuale keima in leitung panin thal, namsau, gal kidonate ka phietmang ding a, lungmuong tahin note kang omsah ding hi.

Hosea 2:20

Keima in citahna tawh ka zi dingin kang la ding hi; tuale nang in Topa na thei ding hi.

Micah 4:8

Tuuhon cinna tausang, Zion’ tanu opna muol aw, nangma tungah ang tung ding hi. Nangma kungah nidanga kumpi thuneina ang tung ding a, Jerusalem tanu’ kumpi gam ang tung ding hi.

Micah 5:4

Topa’ hatna le Topa a Pasien’ min thupi sungah ama ding ding a, a tuuhonte a vah ding hi. Tuale amate bihtahin a teng ding uhi, azieh pen leimong dongah ama mi thupi hi ding hi;

Micah 5:9

Na kidopite tungah na khut na lamto ding a, na galte a unpi-un kisumaimang ding hi.

Haggai 2:22

kumpi gamte’ mang tophate ka khuleh ding a, namcin kumpi gamte’ hatna susie-in a sakol leengte le a hawlte ka khuleh ding hi; sakolte le a hawlte koipo a guolpa’ namsau tawh a si ding uhi.

Nasepte 10:36

Ama in Israel mite tunga thu a na puoh, Jesu Khris zieha a kigen kilemna thu note in na thei uhi. Ama pen mi zosie’ Topa ahi hi.

2 Corinth-te 5:18

Tami thu zosie pen Khris tungtawnin ama tawh kote ei kilemsahkia Pasien kung pan ahi hi; ama in kote tungah kilemkiana nasep ei pie zo hi.

2 Corinth-te 5:20

Tuaci’n kote pen Khris adingin palaite ka hi uhi; Pasien tawh na kilem un, ci-in Pasien in kote tungtawnin ang thum ma bangin kote in zong Khris tangin kang thum uhi.

Thupiakkikna 11:24

Na keng un a totna mun zosie noma-a’ hi ding a, senel gam panin Lebanon dong le Euphrates Gun panin nitumna tuipi dong na gam uh hi ding hi.

Kilaakna 11:15

Tua ciengin vantungmi sagina in a pengkul a mut leh vantungah aw ngai mama khat ang ging a, Leitung kumpi gam pen i Topa ule ama’ Messiah-a’ suoh zo a, ama in kumtawnin uh zing ding hi,” a ci hi.