Zechariah 8:16 - Zo Bible

¹⁶ Na sep ding uh tam teng ahi hi: Note khatlekhat thuman thutahin kihopi unlen, na khuopi tunkot vua thukhennate ah thuman le kilemna dingin thu khen un.

LAISIENGTHOU CL Bible (BSI)

¹⁶ Tam silte ahi na bawl ding uh: Michin in na innvengte kung uah, thutah gen un, na kulkotpite uah thutah thudihna leh, lemna toh thukhen un.

Zokam International Version

¹⁶ Note sep ding hihte ahi hi: Khat le khat thutakin kihopih unla na thukhen zumte uh ah a maan le a hoihin thu khen un;

Zechariah 8:16 ပူးပေါင်းရင်းမြစ်များ

Phatna-late 15:2

Gen baang loin kalsuon a, thuman tawh gamta-in, a lungsim sung vuah thuman a gen mite;

Phatna-late 34:15

Topa’ mit in midihte en a, a kikona lam vuah a bil ngat hi.

Paunakte 12:17

Thuman thutah a gen poma in thuman teci pang ahi a, a man lo teci in zuouthu beh a gen hi.

Paunakte 12:19

Thuman a gen nephu kipden a, zuouthu gen leii ahile bakhat beh kimang hi.

Isaiah 9:7

Ama’ thuneina khang semsem ding a, David’ kumpi topha le a kumpi gam adingin kilemna in tawp hun nei lo ding hi. Ama in tu huna kipan a tawntungin, thudih le thutang tawh gam phutin a tukip ding hi. Vanglien Topa’ deiluotna in tami a bawl ding hi.

Jeremiah 22:3

Topa in tam bangin ci hi: Thutang le thudih tawh gamta unlen, mi bawlsie pa’ khut sung panin a kisuom khat popo hlakhie un. Pemtate, pa nei lote le meigongte tungah khielna bawl loin tatsietna zong zang sih unlen, ahi sihle mawna a nei lo mite’ sisan tam munah luongsah sih un.

Ezekiel 18:8

khamkholna sum a lah sih a, ahi sihle a met dingin sum leitawi pie loin khielna bawlna panin a khut a tuhzo a, thu kitu mite kikalah thumanin vaihawmin

Ezekiel 45:9

Topa Pasien in tam bangin gen hi: Israel gam-uhte aw, kicing ta! Tatsietna le bawlsietna khawlsan unlen, thuman thutangin gamta un. Ka mite na hawlkhietnate uh khawl un, Topa Pasien in ci hi.

Siampi Laibu 19:11

Na guta sih ding uhi; a man loin zong na gamta sih ding vua, khatlekhat na kisol sih ding uhi.

Amos 5:15

Gitlona muda-in thu hoi dei unlen, khuopi tunkot ah thutang sukip un; Joseph minam a omlai teng, Topa, Vanglien Pasien in ang lainat kha thei ding hi.

Amos 5:24

Thutang, tui bangin luongsah unlen, dihna, a kang ngai lo luitui bangin luongsah un.

Micah 6:12

Na mihaute uh tatsietna tawh kidim hi; na khuosung mite in zuouthu vive a gen vua, a kam sung vua a leite uzong zuouthu tawh a kidim hi.

Micah 6:8

Mihing aw, ama in bang pen hoi ahei, ci ang genzo ta hi; tuale thu tanga khen ding le migit ding deigaw-in, kiniemkhiehin na Pasien tawh na zawton ding ci simlo nang tungah Topa in bang ang kalh ahei?

Zephaniah 3:13

Israel a omlai teng in khielna bawl nawn loin, zuouthu a gen nawn sih ding vua, a kam sung vuah zuouthu a gen lei a kimu nawn sih ding hi. Tua ciengin an ne-in a lum hit hiet ding vua, koima in amate a zausah nawn sih ding hi.

Zechariah 7:9

Vanglien Topa in tam bangin gen hi: A manin thukhen unlen khatlekhat tungah migitna le hepina kilah un.

Zechariah 8:19

Vanglien Topa in tam bangin ci hi: Antan a hla lina, antan a hla ngana, antan a sagina, le antan a hla sawmna teng pen kipahna le lungdamna pawi bawlna hun hi ding a, Judah innkuonte adingin thanopna pawite hi ding hi: tua ahi ziehin thuman thutah le kilemna na dei un.

Zechariah 8:3

Topa in tam bangin gen hi: Zion ah ka kilekia ding a, Jerusalem laikimah ka teng ding hi; Jerusalem pen a muonhuoi khuopi kici ding a, Vanglien Topa’ muol pen muol siengtho kici ding hi.

Matthew 5:9

Kilemna bawlte thupha nga ahi hi, bangzieh ahei cile amate Pasien’ tate kici ding hi.

Ephesa-te 4:17

Tu-in keima in tami thu sukipin Topa sunga kang paugen ahi hi: Kimanna a nei lo amau’ lungsim bangin Gentile-te a nuntah bangun note nungta nawn sih un.

Ephesa-te 4:25

Tua ahi ciengin eite khatlekhat pumpi nate i hi ciet ziehun zuouthu gennate paimangin i unpi-un i vengte kungah thuman thutah gen ciet vai.

1 THESSALONIKA 4:6

Tam thute-ah koima a sanggamte tungah khiel sih hinlen a met zong sui sih heh, azieh pen kang magensa ule khau taha kang hilsa uh ma bangin tam thute zosie tungah a thuhkia pa pen Topa ahi hi.

Kilaakna 21:8

Ahi vangin a meipuote, upna nei lote, a lampielte, tuolthatte, numei-pasal pahtatte, aisante, milim biete, le zuou thugen zosiete om nading mun pen sina ahi kaat tawh kihalna mun meilipi sung hi ding a, tua pen sina nina ahi hi,” ei ci hi.