Thupiakkikna 8:2 - Zo Bible

² Note ang suhnem thei nading, a thupiehte na zui vuoi mah, na zui sih vuoi ci-a a thei nading le na lungtang vuah bang om ahei ci-in a thei nadingin amate in note ang zelahna-in Topa na Pasien un tam kum sawmli sung senel gamah lam saupi tah ang puina khu phawh un.

LAISIENGTHOU CL Bible (BSI)

² Tualeh athupiehte na zui ding uoi, nazuisih ding uoi, chi na lungsim uh theina dinga ze et ding leh hing kingaingiem sah dinga, gamdai a kum sawmli sung ahing puina lampi zousie thei zing un.

Zokam International Version

² TOPA note Pasian in ama thupiakte na zui uh hiam, na zui kei uh hiam cih note lungsim hong sittel nop manin, note hong niamkhiat a kum sawmli sung sehnel-gam lampi ah hong bangci makaih ahi hiam, cih phawk gige un.

Thupiakkikna 8:2 ပူးပေါင်းရင်းမြစ်များ

Piancilna 22:1

Tam thu teng zaw ciengin Pasien in Abraham a zelah hi. Ama in a kungah, “Abraham!” a ci hi. Tuale ama in, “Tanah om ing,” a ci hi.

2 Khangthute 32:31

Tuaci’n gam sunga kibawl lim lamdang kan dinga ama kunga kisawl Babylon uliente’ palaite vai-ah, ama’ lungsim sunga om zosie a thei nadingin Pasien in ama thu-in ama a omsah hi.

2 Khangthute 33:12

A lungkham laitahin Topa a Pasien’ angvanna a sui a, a pu a pate’ Pasien mai-ah nahpi-in a kiniemkhieh hi.

2 Khangthute 33:19

Pasien in ama’ thungetna, le ama’ thumna a sanna, le ama’ mawna le a muonhuoi lona zosie, le ama a kiniemkhieh masangin munsangte bawlin khuom siengthote a koina munte thu, Thumute’ Khang Tangthu sungah kigiel hi.

Nehemiah 9:19

nangma in a lien mama hepina na nei ziehin gamlahah amate na nuasie tuom sih a, sunin lam hil meii khuom in amate nuasie loin, zanin zong a pei nading uh lampi a vahsah ding mei khuom in amate nuasie lo hi.

Job 33:17

a gamtatnate panun kiheisah a, kilietsahna pan kidawmsahin,

Phatna-late 103:2

Ka hlagau aw, Topa phat inlen, ama’ zieha phattuomnate mangngil sin.

Phatna-late 106:7

Egypt ah ka pu ka pate a op lai-un, amate in na nasepna lamdangte a ngaisun kha sih uhi; amate in a kicing na itna kip a na phawh kha sih vua, tuale mahin San Tuipi ah Sangpen Pa a na langpan uhi.

Phatna-late 136:16

A mite senel gam pana a peipi pa khu ama ahi hi, bangzieh ahei cile ama’ itna kip tawntung hi.

Phatna-late 77:11

Ka lungsim sungah Topa’ silbawlte ka phawh ding hi; hun lui lai-a na bawl sil lamdangte ka phawh ding hi.

Phatna-late 81:7

Na lungkham uh ciengin keima nei hlan vua, keima in note kang hunkhie hi; a kilang lo vanto sung panin note kang dawng hi; keima in Meribah tuite ah note kang zelah hi. Selah

Paikhiatna 15:25

Topa kungah ama kiko a, Topa in ama singthem khat lah hi; ama in tui sungah tua singthem a sep pai leh tuami tui a hlum pai hi. Topa in khum munah amate dingin thukham khat le ngaina kip khat bawlin khumi munah amate a zelah hi.

Paikhiatna 16:35

A ten nading uh leitang a tun masang uh, kum sawmli sung Israel-te in manna a ne uhi; Canaan gamgi a tun masangun amate in manna a ne uhi.

Paikhiatna 16:4

Tua ciengin Topa in Moses kungah, “Note dingin vantung panin anlum guo bangin ka zusah ding a, mite pei-in khumi ni-a a khamkhop ding uh anlum nisielin a luoh ding uhi. Tua bang danin amate in ka thuhil a zui uleh a zui lo uh ka zelah ding hi.

Paikhiatna 20:20

Moses in mite kungah, “Zau sih un. Bang ding ahei cile ama zahtahin na maw lo nadingun note zelah dinga Pasien ang pei ahi zaw hi,” a ci hi.

Paunakte 17:3

Sia a kihuontuina-ah ngun kihalin, meikhuh sungah kham kisittel a, ahi vangin Topa in mihing lungtang sittel hi.

Isaiah 2:17

Mite’ kilietsahna kiniemkhieh ding a, mite’ kiphatsahna kiniemkoi ding hi; khum ni ciengin Topa beh kitawisang ding hi.

Jeremiah 2:6

Amate in, “Egypt gam panin eite ei peipi to-in gammang lahah ei na pui a, senel gam le dumte lah, leigaw gam mielking lah, tui a oplona gam, koima pei ngai lona gam le koima ten lona gam sungah ei peipi pa “Topa hei-ah om ahei,” a ci sih uhi.

Ezekiel 20:19

Keima Topa na Pasien uh ka hi hi; keima’ thukhamte zui unlen, ka ngaina kipte limtahin tang un.

Amos 2:10

Note zong Egypt gam pan kang peipi to a, Amor-te leitang a luo dingin kum sawmli sung senel gamah kang pui hi.

Misimna 14:33

Anukhia pen gamlahah na luonghawm uh a kisiel masang, gamlahah na tate uh kum sawmli sung tuucing ahi ding vua, na up lona ziehun amate in gimna a thuoh ding uhi.

Luke 18:14

Ke’n kang ci-in, a khat pa sangin dihtangsa-in inn ah tampa a pei hi; azieh pen ama le ama a kitawisang poma in niemkhiehna thuoh ding a, ama le ama a kiniemkhieh poma in tawisangna nga ding hi,” a ci hi.

John 2:25

ama ma in mikim sungah bang om ahei, ci thei zo ta ahi ziehin, koima in ama kungah mi khatpo’ thu teci a kipan ding kisam sa lo hi.

Thupiakkikna 1:3

A kum sawmlina, hla sawm le khatna a ni masa ni-in Topa in amate kungah gen dinga a thupieh bang lienin Moses in Israel-te a hopi hi.

Thupiakkikna 1:33

Ama in na giephuol sat nading uh mun ang suipieh ding le na pei nading uh lampi ang lah dingin na mai vuah zanin mei, sunin meii-in a pei hi.

Thupiakkikna 13:3

tua kamsangte’ thu ahi a, mangsante’ thu ahi zongin na thuse sih ding uhi; azieh pen Topa note’ Pasien khu na lungsim zosie ule na hinna zosie utawh na it tahtah uh amah ci-a Topa in ang zelahna ahi hi.

Thupiakkikna 2:7

Na sepna zosie vuah Topa na Pasien un thupha ang pie valon ding hi; ama in tam senel gam lienpi na peina uh ang thei hi. Tam kum sawmli sungin note tawh Topa na Pasien uh ang omton hi; bangma na kisam sih uhi,” ei ci hi.

Thupiakkikna 29:5

Keima in senel gam sungah kum sawmli sung kang pui zo ta hi. Na el vua na puonte uh sie loin na kedapte uzong a sie sih hi;

Thupiakkikna 32:7

Hun luite phawh unlen, muol ei khupsan hunte lungngai un; na pa dong un, ama in ang theisah ding hi; na upate dong locin ang gen ding hi.

Thupiakkikna 7:18

giing malmal sih un. Topa na Pasien un Pharaoh le Egypt-te zosie tunga a bawl,

Thupiakkikna 8:16

Senel gamah na pu na pate un a thei ngai lo uh manna tawh ang va a, a tawpna-ah na hoi nadingun hing niemkhiehin hing ze-et hi.

James 1:3

azieh pen na upna uh ang kisittelna in thuohzawhna a piengsah hi, ci na thei uhi;

James 4:10

Topa mai-ah noma le noma kiniemkhieh un, tua hile ama in note ang lamsang ding hi.

James 4:6

Hizongle ama in a lienzaw hepina ei pie a, tua ahi ziehin, “Pasien in a kisatheite do a, a kiniemkhiehte tungah hepina a pie hi,” ci hi.

1 Peter 1:7

tua in mei tawh a kisittel zaw cienga a kisie thei kham sanga a manphazaw na upna tahtah uh hing kilangsahin, Jesu Khris ang kilaa ciengin phatna, minthanna le patawina na nga thei nading uh ahi hi.

Kilaakna 2:23

tuale keima in tua numei’ tate ka satlia ding hi. Tua ciengin hlattuom pawlpite zosie in kei pen lungsim le lungtang a sui pa ka hi lam ei thei ding vua, khat ciet tungah na gamtatna utawh kituohin kang thuhkia ding hi.

Thukhente 2:22

A pu a pate un Topa’ lampi a zui bangun amate in a zui le a zui lo uh Israel-te ze-et nadingin

Thukhente 3:4

Ama in Moses tungtawnin amau’ pu le pate tunga a thupiehsa ahi Topa’ thupiehnate, Israel-te in a mang uh amah ci a kithei nadingin tua teng pen Israel-te ki-zelahna ahi hi.