Thupiakkikna 4:34 - Zo Bible

³⁴ Ahi sihle Topa na Pasien un na mitmu-un Egypt gamah note dinga a bawl ma bangin zelahna, lim le na lamdangte, gal le sa, a vanglien le a thahatna le a zauhuoi mama tawh pasien dangkhat popo in minam dang khat panin minam khat ama’ mite hisah dingin va la-in peipi dingin a hanciem ngai amah?

LAISIENGTHOU CL Bible (BSI)

³⁴ Ahisihleh Mangpa na Pasian un, noute dinga Izipt gam a abawl banga, Pasian in ze etnate a, chiemte nate a sillamdangte a, kidounate a, khut hat a, banzahte a, tualeh silchizathuoite a, nam dang lah a kipat nam khat puidohna a um kha ngai ta amah?

Zokam International Version

³⁴ TOPA note Pasian in zia-etnate, lim piandangte le a lamdangte, gal, a thahat khut le khut zankhiatna tawh ahikeh a lipkhaphuai sepna tawh na muh mahmah un no ading Egypt ah na khempeuh a sep bangin, pasian khatpeuh in na semin minam khat pan minam dang khat lakkhiat sawm ngei ahi hiam?

Thupiakkikna 4:34 ပူးပေါင်းရင်းမြစ်များ

Phatna-late 136:12

A baan zahin a khut thahat tawh a pui pa khu ama ahi hi, bangzieh ahei cile ama’ itna kip tawntung hi.

Phatna-late 24:8

Minthang Kumpi koi ahei? A thahat le a vanglien Topa hi a, galsimna-ah a thahat Topa ahi hi.

Phatna-late 78:12

Ama in a pu a pate’ mu-in Egypt gam sung Zoan munte-ah sil lamdangte a bawl hi.

Paikhiatna 1:9

Ama in a mite kungah, “En un, Israel mite ei sangin tam zaw-in zong a thahat zaw uhi.

Paikhiatna 10:21

Tua ciengin Topa in Moses kungah, “Egypt leitang tungah khuomiel, a kitham thei za-a khuomiel a om thei nadingin vantung lamah na khut zah in,” a ci hi.

Paikhiatna 10:7

Pharaoh’ uliente in ama kungah, “Eite tungah tam mipa bang tanvei thangkam banga hing om ding ahei? Amate in a Pasien uh ahi Topa a bieh thei nadingun mite peisah in. Egypt a kisiet lam a thei nai lo na hi amah?” ci uhi.

Paikhiatna 13:3

Moses in mite kungah, “Na sal tanna Egypt gam panin na pei ni uh ahi tami ni phawh un, azieh pen Topa in a thahat khut tawh khum mun panin note ang peipi hi; tol kisaw anlum kine lo ding hi.

Paikhiatna 14:30

Khum ni-in Topa in Egypt-te khut sung pan Israel-te tam bangin na hunkhie hi; tuale Israel-te in gunpieu-a si Egypt-te a mu uhi.

Paikhiatna 15:11

“Topa aw, pasien-te lahah nangma tawh kibang koi om ahei? Sienthona-ah a lien, thupina-ah a lipkhap huoi, na lamdangte a bawl, nangma tawh kibang koi om ahei?

Paikhiatna 19:4

Egypt-te tunga ka bawlna le muvanlai’ hla tungah hing puo-in ka kunga kang tut na mu zo ta uhi.

Paikhiatna 3:10

Tuaci’n hing pei-in Egypt panin ka mi Israel-te a peipi dingin Pharaoh kungah kang sawl ding hi,” a ci hi.

Paikhiatna 6:6

Tua ahi ziehin Israel-te kungah, “Keima Topa ka hi hi. Keima in Egypt-te’ vangih panin note kang hla ding a, amau’ sila hina panin kang suohta sah ding hi. Keima in a thahat a kizah ban le thukhenna nasep lien tawh kang tan ding hi.

Paikhiatna 7:3

Ahi vangin Pharaoh’ lungtang ka khausah ding a, Egypt gamah ka limte le na lamdangte ka tamsah ding hi.

Isaiah 51:9

Khanglo in, khang lo in, thahatna puon sil in, Topa’ banhat aw! Hun lui lai, khanghun sawtpi lai-a bangin khanglo in! Rahab a semnen pa, gulhiempi sunpailet pa nang hi lo na mah?

Jeremiah 21:5

Kei mama in lungthahna, lungsona le thangpaina lienpi tawh ka khut zahin ka banhat tawh note kang do ding hi.

Jeremiah 32:21

Nangma in na mi Israel-te Egypt gam panin lim le na lamdangte tawh ahi a, a kizah nangma’ banhat tawh ahi a, mulkin huoitah tawh ahi zongin na ladawh hi;

Misimna 20:16

Topa kungah ka kiko ciengun ama in ka aw uh ei za a, vantungmi khat hing sawlin Egypt panin ei peipi a, tu-in nangma’ gam ning Kadesh khuo-ah ka om uhi.

Thupiakkikna 1:30

Na masang vua a pei Topa na Pasien un Egypt gam sungah na mitmu mama-un a bawl bangin ama in note dingin gal ang simpieh ding a,

Thupiakkikna 10:21

Ama na phat ding uh ahi h; ama pen note adinga na mit utawh na musa uh tam a lien le a giinhuoi nate ang bawlpieh pa na Pasien uh ahi hi.

Thupiakkikna 11:2

Note in na phaw ding vuah tuni-in na tate uh (na Topa Pasien uh’ khalna a thei nai lo ahi sihle a mu nai lo na tate uh hi loin), a vanglietna, a thahatna, le a kizah a banhat,

Thupiakkikna 26:8

Topa in a thahat a khut, a kizah a banhat, a zauhuoi a vanglietna, lim le na lamdangte lahna tawh Egypt panin ei na peipi hi.

Thupiakkikna 29:3

na mit un a musa ze-etna lienpite, limte le na lamdang thupi zosiete na thei zo ta uhi.

Thupiakkikna 33:29

Israel aw, nang mi nuomsa na hi hi! Nang ang kipanpina lum le na guolzawna namsau ahi, Topa in nang banga a hutdam mi koi om ahei? Na galte in hing mai-etin, na kung ang pei ding vua, tuaci’n note in a elzang uh na tuoncil ding uhi.

Thupiakkikna 34:12

Moses in a thahat a nasepnate zosie le a zauhuoi a vanglietna a lahnate zosie, Israel mi zosie’ muna-a a bawl ahi hi.

Thupiakkikna 5:15

Egypt gamah sila na hina ule tua mun panin Topa na Pasien un a thahat khut le a kizah ban tawh ang peipina na phawh ding uhi; tua ahi ziehin sabbath ni na tan nading uh Topa na Pasien un thu ang pie hi.

Thupiakkikna 6:21

na tapate uh kungah, “Egypt gamah Pharaoh’ salin i na om vua, ahi vangin Egypt panin Topa in a banhat tawh ei na peipi hi.

Thupiakkikna 7:19

na mit utawh na mu uh zelahna lienpite, lim le na lamdangte, khut thahat le a kizah bante tawh ang peipi Topa na Pasien uh phawh un. Topa na Pasien un na giin uh mi zosie tungah tua bang lienin a bawl ding hi.

Thupiakkikna 9:29

Bangzieh ahei cile amate pen na vanglietna le a kizah na ban tawh na peipi nangma’ neisa mite ahi hi,” ka ci hi.

Joshua 24:7

Topa tungah a kiko ciengun ama in note le Egypt-te kikalah khuomiel koi a, a tung vuah tuipi luongsahin amate a hlummang sah hi; tuale Egypt tunga ka bawl nate na mit utawh na mu uhi. tua zaw ciengin senel gamah zong hun sawtpi na teng uhi.

1 Peter 5:6

Tua ahi ziehin ama in pha a sah hun ciengin note ang lapsang thei nadingin a vanglien Pasien khut nei-ah noma le noma na kiniemkhieh un.