Thupiakkikna 4:29 - Zo Bible

²⁹ Khum mun panin note in Topa na Pasien uh na sui ding vua, na lungsim zosie ule na hinna zosie utawh na sui uleh ama na mu ding uhi.

LAISIENGTHOU CL Bible (BSI)

²⁹ Hinanleh khum gamsung ma a, Mangpa na Pasian uh na sui ua, na lungtang zousie u’leh, na hinna zousie utoh na sui u’leh, na mu ding uhi.

Zokam International Version

²⁹ Tua lai panin na lungsim khempeuh uh le na hinna khempeuh uh tawh TOPA note Pasian na zon ciang bekun na mu ding uh hi.

Thupiakkikna 4:29 ပူးပေါင်းရင်းမြစ်များ

Phatna-late 119:2

Ama’ thupiehte zui-in lungsim tahpi tawh ama a suite thupha nga ahi a,

2 Khangthute 15:4

Ahi vangin amate a lungkham ciengun Israel Pasien, Topa lamah kihei-in ama a sui vua, tuaci’n ama a mu uhi.

Phatna-late 119:10

Ka lungsim zosie tawh nang kang sui hi; na thupiehte panin kei ei pielsah sin.

Thupiakkikna 30:10

tuale na lungsim zosie ule na hinna zosie utawh Topa lamah na kihei ziehun tami thukham laibu sunga a kigiel ama’ thupiehte le ama’ thukhamte zuina tawh Topa na Pasien uh’ thu na man uleh ama in ang daupeisah ding hi.

Joel 2:12

Hizongle tu nangawnin zong lungsim tahtah tawh kisia-in antanna, kaana le mauna tawh ka kungah hing kinualekia un, Topa in ci hi;

Phatna-late 119:145

Ka lungsim zosie tawh kang kiko hi; ei dawng in Topa aw! Na thukhamte ka zui ding hi.

Phatna-late 119:58

Ka lungsim zosie tawh na maipha kang ngen hi; na thuciem a omsa bangin keima ei hepi in.

Jeremiah 3:10

Hizongle tam teng zosiepi ziehin a zulzau, a sanggamnu Judah pen lungsim tahpi tawh ang kilekia ahi sih a, ang kilekia kipang ahi bo hi, Topa in ci hi.

Nehemiah 1:9

hizongle ka kunga nang kilekia vua, ka thupiehnate na zui uleh, a gamla pen leimong dongah nawdawhin om nan locin, keima in khum panin kang kaikhawmkia ding a, ka min om nadinga ka teelsa munah note kang zawpi ding hi,’ ci-a na thugen hing phawhkia bo in.

2 Khangthute 31:21

Ama in Topa’ biehinn nasepna zosie le thukham le thupiehnate tawh kizui-in a sepna-ah ama’ Pasien sui-in, a lungsim zosie tawh a sem hi; tuale a maa a vang hi.

2 Khangthute 15:15

Tua kiciemna-ah Judah mi zosie a kipah uhi; bangzieh ahei cile a lungsim zosie utawh amate kiciemin a deina zosie utawh ama a sui vua, amate in ama mu-in, Topa in zong a kimvel vuah galvenna a pie hi.

2 Khangthute 15:12

A lungsim zosie ule a hinna zosie utawh a pu a pate uh’ Pasien, Topa a sui nadingun kiciemna khat a bawl uhi.

2 Kumpite 10:31

Ahi vangin Jehu in a lungsim zosie tawh Israel Pasien Topa’ thukham limtahin zui kha lo hi; Israel a khielsah Jeroboam’ mawna panin ama a kihei tuon sih hi.

2 Kumpite 23:3

Khuompi gei-ah kumpipa ding a, tam laibu sunga kigiel thuciemna kammalte a sep nading, a lungtang le a hinna zosie tawh Topa nua a zui nading, a thupiehnate, a thupiehte, le a thukhamte a zui nadingin ama in Topa mai-ah thuciemna khat a bawl hi. Tua thuciemna sungah mi zosie a kihal uhi.

Thupiakkikna 6:5

Topa na Pasien uh, na lungtang zosie, na hinna zosie le na hatna zosie utawh na it ding uhi.

Thupiakkikna 10:12

Israel-te aw, tu-in Topa na Pasien un na tung panun bang ang kalh ahei? Na hoi nadingun na Topa na Pasien beh uh zatatin a lampite zosie zui-in, ama na it vua, na lungtang zosie ule na hinna zosie utawh Topa na Pasieh uh’ na semin,

Thupiakkikna 11:13

Tuni-a na tung vua kang gen a thupiehte zosie na man vua, Topa na Pasien uh na lungsim zosie uh, na hinna zosie utawh itin ama’ na na sep uleh,

Thupiakkikna 26:16

Tuni mama-in na tung vuah Topa na Pasien un na zui ding uh tami thukhamte le ngaina kipte ang pie hi; tuaci’n na lungsim zosie ule na hinna zosie utawh tuate limtahin na zui ding uhi.

Joshua 22:5

Topa’ nasem Moses in ang pieh thupiehna le thuhilna ahi, Topa na Pasien uh it ding, a lampi zosie zui ding, a thupiehnate zui ding, ama bel ding le na lungsim zosie ule na hinna zosie utawh ama’ na nasep ding uh limtahin ngaisun un,” a ci hi.

Nehemiah 9:27

Tua ahi ziehin nangma in a galte uh’ khut sungah amate na pie a, a galte in amate a gimsah uhi. Tua ciengin a genthei hun ciengun nangma kungah ang kiko-in, nangma in vantung panin na za a, na khuotuona lienpi zalin a galte khut sung panin amate a hundam ding mite na pie hi.

Jeremiah 51:50

No namsau pana a suohta teng aw, pei pai unlen lung uoikai nawn sih un! A gamlapi panin Topa phawh zing unlen, Jerusalem lunggul zing un:

Ezekiel 6:9

Saltang dinga a kipeipina munah a om minamte lah panin a suohta sunte in a kideh zo lo a lungsim ziehun keima kung panin vahmang nan ule a kideh zo lo a mit ziehun a milimte uh’ nua a zuina uh ziehin, ka lungsim a kitapzan lamtah amate in thei siemin keima ei phawh ding uhi. Tua ciengin a kidahhuoi gitlona a bawlte zosie uh ziehin amahaw mama a huothuoi-in kimu ding hi.

Amos 5:4

Azieh pen Topa in Israel innkuon tungah tam bang ci hi: Keima ei sui unlen hing un;

1 Samuel 7:3

Tua ciengin Samuel in Israel innkuon zosie kungah, “Na lungsim zosie utawh Topa lamah a kiheikia na hi uleh, gamdang pasien-te le note lah panin Astartes-te paimang un. Na lungtang uh Topa lam ngatin ama’ na beh sem un, tua hile ama in Philistia-te’ khut sung panin ang hunkhie ding hi,” a ci hi.

2 Khangthute 15:2

Asa tawh kimu dingin ama pusuohin ama kungah, “Asa, Judah le Benjamin-te zosie aw, ka thugen ngai un. Ama tawh na om laisie uh note tawh Topa ang om hi. Ama na sui uleh ama na mu ding vua, ahi vangin ama na nuasie uleh ama in zong note ang nuasie ding hi.