Thupiakkikna 4:1 - Zo Bible

¹ Tuaci’n Israel-te aw, tu-in note nungta-in, Topa na pu na pate uh’ Pasien in note ang pieh ding leitangah lutin na luo thei nadingun kang hil thukhamte le ngaina kipte mang unlen zui un.

LAISIENGTHOU CL Bible (BSI)

¹ “Khaile, Israelte aw, tuin na hintheina ding u’leh, na pu leh pate uh Pasian in ahing piehsa gam a na lut ua na luo theina ding ua, vaihawmna dan ka hing hilte leh thupiehte ngai khie un.

Zokam International Version

¹ Israel aw, tu-in za in; thukipte le thukhamte no kong hilh ding hi. Na pate uh Pasian TOPA in note hong piaksa gam ah lutin la-a na ten theih nadingun zui un.

Thupiakkikna 4:1 ပူးပေါင်းရင်းမြစ်များ

Phatna-late 119:4

Nangma’ thuhilte limtaha a kizui nadingin thu na pie zo hi.

Paikhiatna 18:20

Pasien’ ngaina kipte le a dei lamte amate na hil ding a, a vazin ding ule a na sepdan dingte uh na theisah ding hi.

Jeremiah 11:6

Topa in keima kungah tam bangin ei gen hi: Tam thu zosie Judah khuopite le Jerusalem gawlzing lahah va phuongzah ta’n: Tam thuciemna kammalte za unlen tuate bangin sem un.

Ezekiel 11:20

tuaci’n amate in ka thukhamte a zui ding vua, ka ngaina kipte kemcingin a mang ding uhi. Tua ciengin amate keima’ mi hi ding a, kei amau’ Pasien ka hi ding hi.

Ezekiel 20:11

Ka thukhamte amate pie-in, ka ngaina kipte ka lah a, tua teng a zui poma a hing ding uhi.

Ezekiel 20:21

Ahi vangin a tate un keima ei ledo uhi; amate in ka thukhamte a zui sih vua, a zui tapo hinlaw nading ahi ka ngaina kipte limtahin tang loin ka sabbath-te a buasah uhi. Tua ciengin keima in amate tungah ka thangpaina sungsuhin, amate dona-in ka lungthahna teng gamlahah tungsah vang, ci-in ka ngaisun hi.

Ezekiel 36:27

Note sungah ka hlagau ka guong ding a, ka thukhamte hing zuisahin ka ngaina kipte pilvang tahin kang tangsah ding hi.

Ezekiel 37:24

Amate tungah ka nasempa David in kumpi sem ding hi; tuale amate in a unpi-un tuucing khat nei ding uhi. Amate in ka ngaina kipte zui-in ka thukhamte zong limtahin a tang ding uhi.

Siampi Laibu 18:5

Ka thukhamte le ka biehna ngaina kipte na zui ding uhi; tua banga a zui pa khu a hing ding hi: Keima Topa ka hi hi.

Siampi Laibu 19:19

Ka thukhamte na zui ding uhi. Namdangte tawh na gante uh ta na neisah sih ding uhi; na lo vuah khaici nam ni na vaw sih ding uhi; khau nam ni tawh a kigan puon zong na sil sih ding uhi.

Siampi Laibu 19:37

Ka thukham zosie le ka biehna ngaina kipte zosie zui-in tuate na tang ding uhi: Keima Topa ka hi hi.

Siampi Laibu 20:8

Ka thukhamte zui unlen tuate tang un; Keima Topa ka hi hi; keima in note kang siengthosah hi.

Siampi Laibu 22:31

Tua ahi ciengin ka thupiehte zui-in na tang ding uhi: Keima Topa ka hi hi.

Matthew 28:20

Tua ciengin kang thupieh zosie a zui nadingun amate na hil un. Tuale hun tawp dongin keima in note kang ompi zing ding ahi lam phawh un,” a ci hi.

Luke 1:6

A ni gelin Pasien mai-ah midih ahi vua, Topa’ thupiehte le zui ding ngaina zosie genbaang loin a zui uhi.

John 15:14

Note in ka thupiehte na zui uleh ka lawmte na hi uhi.

Rome-te 10:5

Thukham pana ang pei dihna tawh kisai-in Moses in, “Tam nate banga a gamta mi in tamte ziehin a hing ding hi,” ci-in a giel hi.

Thupiakkikna 1:3

A kum sawmlina, hla sawm le khatna a ni masa ni-in Topa in amate kungah gen dinga a thupieh bang lienin Moses in Israel-te a hopi hi.

Thupiakkikna 1:8

En un, na masang vuah leitang ka koi zo hi; pei unlen keima in na pu na pate uh Abraham, Isaac, Jacob, le a nua vua a suonlehlahte tungah pieh dinga ka kamciem leitang luo un,’ ei ci hi.

Thupiakkikna 11:1

Topa na Pasien uh na it ding vua, a thuhilna, a thukhamte, a ngaina kipte, le a thupiehte na zui zing ding uhi.

Thupiakkikna 11:32

tuni-a na mai vua kang koipieh thukhamte le ngaina kipte zosie limtaha na zui ding uh ahi hi.

Thupiakkikna 13:1

Note lahah kamsangte ahi a, mangsante ahi zongin ang khan a, theisahna limte ahi a, ahi sihle hilkholnate ahi zongin kang lah ding hi, ci-in ang kamciem a,

Thupiakkikna 16:20

Note nungta-in Topa na Pasien un ang pieh ding leitangah tengin na luo thei nadingun thutang behbeh na zui ding uhi.

Thupiakkikna 30:16

Topa na Pasien uh itna, ama’ lampite totna, ama’ thupiehte, a thukhamte le a ngaina kipte zuina tawh, tuni-in na kung vua kang gen Topa na Pasien uh’ thupiehnate na man uleh, note nungta-in pungin gou luo dinga na lut nading uh gam sungah Topa na Pasien un thupha ang pie ding hi.

Thupiakkikna 30:19

Keima in tuni-in na langkhat vuah teci a pang dingin vanpi le leipi ka ko a, na mai vuah hinna le sina, thuphate le samsietnate ka koi zo hi. Noma le na suon na hlahte uh a hin thei nadingin nuntahna teel unlen,

Thupiakkikna 30:20

Topa na Pasien uh itin a thu mangin, ama tukip un; azieh pen Topa in na pu na pate uh Abraham, Isaac, le Jacob tungah a pieh dinga a ciemsa gamah na ten thei nadingun note adingin tua khu nuntahna le khansauna ahi hi.

Thupiakkikna 4:40

Noma mama le noma’ nua-a na suon na hlahte uh’ hoi nading le Topa na Pasien un kumtawn dinga ang pieh gam sungah kumsawt na hin thei nadingun keima in na kung vuah tuni-a kang gen a thukhamte le a thupiehte zui un.

Thupiakkikna 4:45

Tami ngainate, thukipte, le thukhamte pen Egypt pan Israel-te a peikhiet ciengun Moses in hopi-in a gen thute ahi a,

Thupiakkikna 4:8

Tuni-in na mai vua kang koipieh thukham bucing bangin a dih thukham le ngaina kip a nei minam lien adang hei-ah om ahei?

Thupiakkikna 5:1

Moses in Israel-te zosie hlan a, amate tungah tam bangin a gen hi: Israel-te aw, tuni-in keima in na kung vua kang gen ding thukhamte le ngaina kipte za un; tuate sinin limtahin na zui ding uhi.

Thupiakkikna 5:33

Na luo ding uh gamah nungta-in, nuomsa-in kumsawt na hin thei nadingun Topa na Pasien un ang thupiehsa lampi bang lienin na zui ding uhi.

Thupiakkikna 6:1

Tu-in tam teng pen note galkai-in na luo ding uh gamah na tun ciengun na zui ding vua Topa na Pasien un note tungah kang hil dinga ei thupieh, thukhamte le ngaina kipte ahi hi,

Thupiakkikna 6:24

Tua ciengin i hoi zing nading ule tuni-a banga ei hinsuo thei nadingin, Topa i Pasien zatatin tami thukham zosie i zui nadingin Topa in thu ei pie hi.

Thupiakkikna 7:11

Tua ahi ziehin tuni-in na kung vua kang gen thupiehte, thukhamte, le ngaina kipte limtahin zui un.

Thupiakkikna 8:1

Note nungta-in na pun nading ule na pu na pate uh tungah Topa in a ciemsa gamah pei-in na luo thei nadingun tuni-in note kang pieh tami thupiehte zosie kukal taha na zui nadingun thu kang pie hi.

Thupiakkikna 8:11

Tuni-in keima in na tung vua kang gen a thupiehte, a ngaina kipte le a thukhamte na zui lona utawh Topa na Pasien uh na mangngil khah lo nading uh kidawm un.

Thupiakkikna 9:1

Israel-te aw ngai un! Note sanga a tamzaw le a thahatzaw minamte, van holh a kulpi kiciengto khuopite a suonkhie dingin Jordan gungal kai-in a pei ding na hi ta uhi.

Joshua 3:9

Tua ciengin Joshua in Israel-te kungah, “Ei nai unlen Topa na Pasien uh’ kammalte ngai un,” a ci hi.